Oonkundathana pokati ka NovaNam na Nasawu dha tameke ishewe

O
ONKUNDATHANA pokati kehangano lyaaniilonga lya Namibia Seamen and Allied Workers Union (Nasawu) nOkampani onkwati yoohi ya NovaNam pOliindili kombinga yeindilo lyaaniilonga mOkampani ndjika (ye li 1000 lwaampoka) kutya oondjambi dhawo nadhi gwedhelwe, odha tameke ishewe mEtitatu lyoshiwike shika zi ko.

Ndhika odha popiwa kOmupresidedne gwa Nasawu, Paulus Hango, oshiwike sha zi ko. Aaniilonga ya NavaNam ye li 1 000 lwaampoka, oye li menkanka. Menkanka ndika oya yi yo mu Desemba 2008, konima sho oonkundathana pokati ka NovaNam na Nasawu kombinga yeindilo lyawo, dha adha okwena kwa hula.
Aaniilonga oya hala oondjambi dhawo dhi gwedhelwa noshimaliwa shoopelesenda 7,5, ihe Okampani otayi ti kutya otayi vulu ashike okudhi gwedhela noopelesenda 5. Otaku popiwa kutya NovaNam oha kanitha oshimaliwa shOondola/N$900,000 mesiku kekanka ndika.
Aaniilonga oya dhika oonyala mevi kutya otaya ka shuna ashike kiilonga ngele ya ningilwa shoka taya pula.