Oonkundathana dhokweeta ombili mu Kenya dha tameka ishewe

NAIROBI – Epangelo lya Kenya naakalelipo yoongundu dhompilameno moshilongo shika, oya tameke ishewe noonkundathana dhi na sha nokweeta ombili moshilongo, konima sho Omupresidende gwa Amerika George Bush a gwedha ko keindilo lye kutya Omupresidende Mwai Kibaki na zimine osheetwapo kutya mu Kenya namu kale Epangelo lya gandja oonkondo nokongundu yompilameno.

Amushanga gwIikwapondje gwa Amerika Condoleeza Rice, ngoka a li mu Kenya omasiku ga zi ko, okwa li a ningi oonkundathana na Kibaki nOmuwiliki gwongundu yompilameno Raila Odinga, mpoka a li a lombwele Kibaki kutya onawa ngele ta zimine osheetwapo shika opo ku monike ombili moshilongo. Rice okwa li wo a ningi oonkundathana na Kofi Annan, ngoka a kwatela komeho oonkambadhala dhokweeta ombili mu Kenya.Odinga ota nyenyeta kutya okwa nyokomwa momahogololo gOpaupresidende ngoka ga li mu Kenya momasiku 27 ga Desemba.”Aakenya oya tegelela oshindji okuza kaaleli yawo.Oya tegelela aaleli yawo ya hulithepo omayoolokathano gawo,” Rice osho a lombwele ngaaka iikundaneki mOmaandaha.Kibaki ina hala okutopola Epangelo na Odinga.Ihe aayambidhidhi ye oya li ya popi kutya otaya vulu okutula iilyo yompilemeno mEpangelo, ihe oye na okukala ye li koshikondo oshipitithi sha kola yi li kohi yOmupresidende.- Nampa-AFPRice okwa li wo a ningi oonkundathana na Kofi Annan, ngoka a kwatela komeho oonkambadhala dhokweeta ombili mu Kenya.Odinga ota nyenyeta kutya okwa nyokomwa momahogololo gOpaupresidende ngoka ga li mu Kenya momasiku 27 ga Desemba.”Aakenya oya tegelela oshindji okuza kaaleli yawo.Oya tegelela aaleli yawo ya hulithepo omayoolokathano gawo,” Rice osho a lombwele ngaaka iikundaneki mOmaandaha.Kibaki ina hala okutopola Epangelo na Odinga.Ihe aayambidhidhi ye oya li ya popi kutya otaya vulu okutula iilyo yompilemeno mEpangelo, ihe oye na okukala ye li koshikondo oshipitithi sha kola yi li kohi yOmupresidende.- Nampa-AFP