Oonkundana pafupi moAfrica

Niamey: Niger ota pula komeho nethaneko oku tungapo osasiona yoonkondo dholute okugandja olusheno koshigwana. Shika oteshi ningi melongelokumwe niilyolongo yomuuninginino wAfrica.. Shika Niger okwe shi thaneka nonando opwa ningilwe oshiponga shosasiona ya Fukushima mo Japan ndjoka ya topa sha landula ekakamo lyevi noshowo eitumbo enenene lyomeya gefuta ndyoka lya tseyika ‘Tsunami’. Niger nando ohepele menenevi oye omulandithi omunene muuyuni, nokuli omutiyali muuyuni mokumina ouraniuma, melongelokumwe nehangano lyoonkondo dholute lyepangelo lyomukolonyeki gwe nale France. Ehangano Areva ota li longo nomina ya Imouraren oku ninga Niger omulongi omutiyali muuyuni mouranium.

Brazzaville: Ombaanga yopokati yiilongo mongundu ya CEMAC pokati kAfrica oya ti iilongo mbyoka ita yi ka shunitha pevi ongushu yoshimaliwa shoka yo ha yi longitha, oshoka shika kashili muuwanawa wiilongo mbyoka.Iilongo ayihe kapena shoka sha hala oshimaliwa sho CFA franc shingushululwe, ngaashi omifofoto tadhi ti.Abuja: Ominista yOmahooli ya Nigeria, Deziani Allison Madueke oya tulapo okomitee opo yeendeleke etulomiilonga lyompango ndjoka ta yi eta elundululop enene moshikondo shoku longa omahooli moshilongo shoka. Ompango yedhina Petroleum Industry Bill oyina elalakano lyoku lundulula kehe oshinima shina sha nelongo lyomahooli, kutya oko mbinga yiimaliwa mbyoka ta yi longithwa, noshowo elundululo molutu lwehangano lyomahooli lyepangelo.Oonkundathana okweeta omalunduluko ngaka odha ningi omasiku tadhi ningwa nokonyala odha kwata omimvo ne oku manitha.