Oonkundana dhAfrica paufupi

JOHANNESBURG:Okommissi yomathigathano ya South Africa oya pe omahangano gaaniilonga omasiku 15 opo ngaka ga gandje uumbangi wa gwedhwapo tawu kondjitha WalMart, ehangano lyoongeshefa lyokoAmerica ndyoka lya hala okulandako iipambuliko oyindji mehangano lya South Africa lyedhina Massmart, koodola obiliona 2,3 dhAmerica.

Kuyele oshiwike shayi ehangano lyaaniilonga lyo Cosatu olya lya tilitha kutya ota li ka ninga oboikota yokulanda moongeshefa dha Massmart ongo okuulika kutya lyo olya tsondumbo neyo lya Wal Mart moSouth Africa.Omukuluntu gwa Massmart, Grant Pattison okwa ti yo oya simaneka etokolo lyokommissi ndjika okugandja omasiku 15 komahangano gaaniilonga. Ehangano lyaaniilonga yiipindi noshowo okuteleka ya South Africa nolili oshilyo sha Cosatu olya indile opo okommissi yi tulepo iipumbiwa ya yaga kegonga ngele Wal Mart ota pitikwa eye moSouth Africa molupe ndoka. Ndika olya dhikepo elongelokumwe tali kondjitha WalMart ndyoka lya hala opo omauvathano ngoka geli po ngashingeyi pokati kaagandji yiilonga naaniilonga ga simanekwe nokukalekwapo.Johannesburg: Ombaanga yopokati ya South Africa oya tidha omuwiliki gwehangano lyokunduluka iimaliwa, omolwa okuwilika iilonga mbyoka nayi nonuuhasha.Omukuluntuwiliki nguka okwa li ta konakonwa oku za omumvo gwa yi sho inaa wilika nawa enyanyangidho lyiimaliwa yomafo. Musa Mbhele okwa li a tulwa pevi omumvo gwa yi ongo omutse gwehangano lya South African Bank Note Company, ndyoka olyo okwaako kwombaanga yopoka ti ya South Africa. Mbhele okwa li a tulwa pevi omumvo gwayi konima sho pwa ndhindhilikwa kutya opena uunkundi momafo giimaliwa yomafo goorand ethele.Iikundaneki ya South Africa oya kundanekele kutya SABN okwa li a longo nokwaandjaganeka omafo gooranda ethele dhaali nawa. LUSAKA: Ehangano lyiitenda lya Canada First Quantum Minerals olya thaneka oku longa omina ompe yongopolo muumbangalantu ninginginino wa Zambia moshikako oshitiyali shomumvo nguka pahapu dhoshikundaneki shepangelo, Zanis News Agency. Quantum oye ha mina ongopolo pomina ya Kansanshi ha yi longo ootona omayovi 230 800 komumvo.