Oonime onkee tadhi tsikile nokulya po oongombe dhaantu

ONKUNDANA ye tu zilila kOofalama mUuzilo wOndonga mOshitopolwa sha Shikoto, otayi ti kutya yimwe yoonime onkee tadhi dhipaga nokulya po oongombe dhaanafaalama hoka naanambelewa yOshikondo shEgameno lyIiyamakuti onkee ta ya kondjo oku dhi tidha mo.

Kakele koongombe heyali ndhoka dha likile po koonime iiwilke ya ka pita, mOsoondaha ndjika ya zi ko odhiiteyele po Chamchamu nokudhipaga po oongombe dhaanafaalama mpoka dhi li omulongo notadhi tsikile natango nokuya mOofaalama dhaantu moka nokudhipaga mo oongombe dhawo.Omunambelewa Omukuluntu gwOshikondo shEgameno lyIiyamakuti, Chrispin Nkonkuena, okwa koleka ko The Namibian ohela kutya oonime oko dhi li koshitopowla shoka, dha gwaya mo mEtosha nodhi li tadhi piyaganeke hoka. Ta ti, osho shili kutya odha dhipaga ko nale oongombe dhi li pomulongonahamano (16) lwaampoka, ashike sigo oompaka ina kundana dha dhipaga ko omuntu hoka. Ta ti aanambelewa ye oko ye li hoka taye dhi kongo nelalakano dho ku dhi shunitha mokashana. Oshigwana shaahoka oshi li muumbanda uunene, omolu oonime ndhoka dha gwayela hoka notadhi ya piyaganeke nokudhipaga po iimuna yawo. ‘Yakwetu Epangelo nali ninge po sha meendelelo ngashi tashi vulika,’ Taya ti ngawo.