Oongundu dhopolitika noluhepo

OONGUNDU dhopolitika 11 odha popi omathaneko gadho nkene tadhi ka kondjitha uuthigona nokwaathikepamwe ngele odha pewa epangelo momahogololo tage ya pehulilo lyomwedhi nguka.

Herbert Jauch gwehangano lyo Labour Resource and Research Institute ndyoka olyo lya ningi elongekidho opo oongundu dhi popye kombinga yoshinima shika okwa eta puuyelele embo lyedhina’’A Rich Country with Poor People:Ineguality in Namibia.Embo ndika olyo lya tamekitha oonkundathana, sho lya ulike kutya oshilongo osha talikwa ko osho shimwe muuyuni shi na aantu kaayethike pamwe meliko.Okwa ti oluhepo nokwaathikepamwe sha ziilila muukoloni waNdowishi noshowo mokatongotongo olwa tsikila sigo onena, sha kwata uukashike kookantu, omuhoko, oshitopolwa, ezimo, elongo noshowo ongundu yaantu moka omuntu kehe eli.Jauch okwa ti miilonga yishiwike aaniilonga oyendji ohaya mono oondjambi okuza poodola 300 sigo 500 komwedhi , omanga aahona ya wo haya faalele pokati koodola omayovi 25 000 sigo 35 00 goodola komwedhi kehe kegumbo.Okwa tsikile ko ta ti okwaana iilonga oku li pokati kooperesenda 37 nomilongo 43 omanga okwaana etemo mokati kaagundjuka ku li pooperesenda 60.Shi ikwatelela kutya owa longitha oshiyelekitho shini omapekaapeko otaga ti ooperesenda 28 sigo 82 dhaaNamibia ota ku tiwa odha hepa. Nonando oonkambadhala odha ningwa opo shika shi kondjithwe uuthigona natango owa yaga kegonga Jauch ta ti.Oongundu ndhoka 11 dha ku tha ombinga moonkundathana odha gandja omathaneko nkene ta pu kondjithwa oluhepo. Okuza ko kwopaleka elongo, nokweeta po eyambidhidho pashimaliwa kwaamboka yahepa shili.Ongundu yo APP oya thaneke kutya na pa etwe eyambidhidho lyopashimaliwa lya shoneka aakwashigwana mboka shi li ye li moluhepo olunene, ndele iimaliwa mbika ina yi pewa shaangoka, naangoka ine yi pumbwa shili, Lena Nakatana gwongundu ndjika a thaneke.Okwa ti opwa pumbwa pu keelelwe uulingilingi ngaashi mboka wa holoka shi nasha niimaliwa yokwiilongitha yokoChina.Ongundu yoCOD oya ti opwa pumbwa okweeta omukalo gwokulonga iilongomwa moshilongo, opo pu ye oompito dhiilonga odhindji, sho Natjirikasorua Tjirera a ti ke wete kutya omolwashike uuwe waNamibia wu na okutopolwa nezimo lya Oppenheimer nayalwe.Okwa indile opo pu tulwe omukalo gu li nawa gwo ku gandja evi kwaamboka yeli pumbwa. E ta gwedha po ta ti osha pumbiwa oku talulula enkondopeko lyaaluudhe opo puyandwe ndika lya yambapaleke ashike yamwe po omanga oyendji yopevi taya galangata natango momutoko gwoluhepo.Ongundu yuukomuni oya thaneke kutya aantu naya iilonge opolitika opo ashike taya vulu oku shonopeka uuthigona, pahapu dha Attie Beukes. Okwa ti ishewe aantu oya pumbwa okuya kumwe opo ya mangulule oshilongo paliko nopanzo dhasho. Ta tsikile ta ti Swapo ina pumbwa oompilameno ndele okwa pumbwa ekwatho.Amushangandjai gwo DTA McHenry Venaani okwa ti elongo olyo oshipatululo okutidha po oluhepo, nokwaathikepamwe. ‘Otwa pumbwa elongo ta li eta po iilonga’, Ta ti omanongelo guungomba oga pumbiwa okudhikwa po. Nokwa tsikile ta ti aantu oya pumbwa okulongitha iimaliwa mbyoka yi li momikunda molupe lwevi okuhehela oshimaliwa ya longe po sha.Na Namibia okwa pumbwa okuhumitha komeho uunamapya opo pu kale pu na egameno lyiikulya.Ongundu ya MAG pahapu dha Juri Viljoen oya ti elongo olyo oshipatululo.Kombinga yevi Viljoen okwa ti okulonga tamu zi sha okwo kwa simana, na evi ndyoka ita li eta po sha olya pumbwa oku gandjwa po kaanafaalama mboka taya vulu oku li longitha. Okwa ti uuna iilonga ya pewa omahangano kaageshi gaNamibia ngaka na ga thiminikwe opo iilonga yi longwe kaaNamibia ongo omukalo okukondjitha okwaana iilonga.Joseph Kauandenge gwo NDMC okwa ti opwa pumbwa aaleli ta ya longo nawa opo omilandu dhi li po dhi tulwe miilonga. Okwa pula ishewe kutya omikuli ndhoka hadhi gandjwa ku Namibia oha dhi pe oolye omauwanawa.Ongundu yRDP yo oya ti uuthigona otau kondjithwa sha mana mo ngele ta pa talika shoka sha simana okulongwa tango naashoka shi na okulongwa lwanima.Hidipo Hamutenya okwa longitha oshiholelwa kutya epangelo oli na ondjodhi yo 2030 okuhwepopeka onkalo yomuNamibia kehe ndele, epangelo ota li longitha oodola oomiliona 40 okutunga ombelewa yomukokoli peresidende. Ota tu fatula ngiini iipumbiwa nima yetu. Okwa ti elongo nokweeta po iilonga oyo iinima ya pumbwa okutalwa nomeho omanene manga inapa talwa kuyimwe mbyoka ya fa inaa yi endelela manga.Okwa tsu omuthindo kutya uulingilingi owapumbwa okukondjithwa lela.Gert Jansen gwo RP okwa ti ongundu ota yi ka pata Uuministeli woonakulwa aakulu eta yi tula po Uuministeli wokweeta po iilonga.Omukalelipo gwa Swanu Rihupisa Kandando okwa ti uusosiciale owo auke ta u vulu oku shonopeka oluhepo oshoka onkalo yuukapitali moka oshilongo shi li ina wu eta po elunduluko kombinga yoluhepo.Elijah Ngurare gwoSwapo okwa ti opwa pumbiwa oku tala komikunda molwashoka ooperesenda 70 dhoshigwana odhi li aakalimo yomomikunda, na aatotimpango ota ya dhimbwa kutya yo oya tulwa moshogongi shokutota oompango kaakwashigwana.Okwa ti woo okunkondopeka aagundjuka okwa pumbiwa oshoka mbaka oyo ofunda yategelela okundwafuka ngele oya thigwapo inaa ya pewa omayamukulo koompumbwe dhawo. Okwa ti iinima nayi tulwe miilonga opo ashike oshigwana ta shi mono oondja.Werner Claasen gwo Udf okwa ti ota shi zitha omahwilili oku tala eyooloko enene pokati kaakalimo moVenduka, ngaashi mboka yeli miinyakwi kOmbili okuyeleka noko Ludwigsdorf.