Oongeleka dhi ilongekidha okutonatela omahogololo

OONGELEKA moNamibia odha pewa eyambidhidho lyoodola omiliona 1,35 sho ta dhi ilongekidha okutonatela omahogololo ngoka taga ningwa pehulilo lyomwedhi nguka.

Eyambidhidho ndika lyopashimaliwa olya zi kombelewa yomukalelipo gwepangelo lyAandowishi moNamibia. Eyambidhidho otali longithwa mokufutila aatonateli yomahogololo ta ya tumwa kongeleka ye li kumwe 1 800.Oongeleka palongelokumwe nehangano lya Konrad Adenauer Stiftung olya dheula aatonateli ye li 120, mbaka ota ya ka dheula paulwawo aataleli 15 kehe gumwe gwayo.Aatonateli yomahogololo mbaka otaya ka kala pomahala gokuhogololela kehe moshilongo ashihe.Omukalelipo shilongo gwaNdowishi moNamibia omwaambasade, Egon Kochanke sho a popi pethimbo lyekoleko lyeuvathano lyeyambidhidho okwa ti shika osho oshitopolwa sheyambidhidho lyepangelo lye okusoshimpwiyu kombinga yaashoka hashi longwa po kaatonateli yomahogololo, opo omahogololo ga kale ge li puuyelele, noshowo geshi kwiinekelwa.’Tse ita tu ti kutya ina tu inekela epangelo kutya ita li longo nawa nopauyelele , ndele ota ti okulonga puuyelele osho oshiwanawa, ndhika okwe dhi popi sho a tsomuthindo kombinga yonkandangala ndjoka aatonateli yomahogololo haya dhana monkalo yuudemokoli uuyuni auhe.Euvathano olya kolekwa metitano pokati kombelewa yomukalelipo gwaNdowishi naakalelipo yuukumwe woongeleka utatu.Ongongahangano yongeleka moNamibia yakalelwapo ku amushangandjai, Maria Kapere,Steering Committee: Churches and Elections ya kalelwapo komunashipundi gwawo, Absai Sheyavali ongo omukwatakanithi noDutch Reformed Church ya kalelwapo komuwiliki gwiimaliwa Manie le Grange, nguka oye ta kala omuwiliki gopashimaliwa gwiilonga mbika.Oongundu ndhika ndatu ota dhi longo kohi yoshipalanyolo ‘Churches United for a Free and Fair Election’. Olutu nduka ota lu kala lu nehala lyomakwatathano enene moVenduka, hoka aatonateli yomahogololo taya kala mekwatathano okuziilila komahala nomahala gomahogololelo.Ongeleka oya thiminikwa yi tunge po olutu nduka konima sho omakuyunguto gelongitho lyoonkongo nuutondwe ga holokelepo pokati koSwapo noRDP omvula ya ziko.Mu Maalitsa 31 nuumvo oongeleka dhomalongo gayooloka odha gongalele pamwe eta dhi koleke eigidho lyopangeleka kombinga yomahogololo moNamibia. Oongelekeka ndhika odha uvanekele tadhi longele kumwe molwa omahogololo gopaudemokoli nogo pambili moshilongo…Ongundu yoongeleka ndhika dhimwe dhomudho dhi li nale kohi yOngongahangano yOongeleka moNamibia odha kalelwa po woo kokangundu hoka kedhina Steering Committee:Churches and Elections in Namibia, metsokumwe uvathano nombelewa kalelipo ya Ndowishi.