Oondohotola yOmeho ya tsikulula oyendji mOshakati

OSHIWIKE shika osha kala oshiwike oshiwanawa kaavu yomeho mOnooli, sho oyendji yomwaamboka ya kala kaye wete ko omolu oongala ndhoka dha kala komoni dhawo dha kuthwa ko kOondohotola yomeho mewiliko lyOmundohotola a tseyika nawa Helen Ndume.

Aakalimo yomOnooli ye li omathele gaali, oya li ya thiki kOshipangelo shEpangelo sha Shakati ya kutwe oongala komeho noya vule okumona ko ishewe. Oondohotola mbaka oya tamekele okutanda aantu mbaka mOsoondaha ya zi ko noya li nee ye na ngeno okukala ya tanda ashike ye li omathele gatatu ngeno sigo omEtiyali lya zi ko yo taya mwena po manga pashikonga shika.Ashike nee manga ye li po, aakwashigwana oyendji lela, unene aakulupe yokIitopolwa yi ili noyi ili, sho ya uvu kutya aaposi yakwawo otaya mono ko, oya mbomboloka nokuya koshipangelo shEpangelo sha Shakati yee ya tandwe nokukuthwa oongala komeho.Ashike nee molwashoka oondohotola kaya li ye ya yiihwapo nawa niilongitho yawo, aakulupe mbaka inaya vula we okukwathelwa noya shunithwa komagumbo, ya ka tegelele uuna taku ka igidhwa ishewe etando lyawo lyomeho.Aakalimo yamwe otaya indile kutya moshikando tashi ya, oondohotola naye ye yi ilongekidha nawa, ye na iilongitho yawo oyindji yihwapo nawa opo ya katande omwaalu omunene gwaamboka ya posipalekwa koongala dhokomeho.Aakulupe mbaka otaya pandula unene Omundohotola Ndume notima ye sho taye ya kwathele oku ya monikitha ko ishewe.Taya ti naya tsikile ngawo noku ya kwathela.Oshikonga shika omasiku ngaka osha hula manga notaku ka tseyithwa ishewe esiku ndyoka tashi ka galukila mo mOshipangelo shEpangelo sha Shakati.Oondohotola mbaka oya tamekele okutanda aantu mbaka mOsoondaha ya zi ko noya li nee ye na ngeno okukala ya tanda ashike ye li omathele gatatu ngeno sigo omEtiyali lya zi ko yo taya mwena po manga pashikonga shika.Ashike nee manga ye li po, aakwashigwana oyendji lela, unene aakulupe yokIitopolwa yi ili noyi ili, sho ya uvu kutya aaposi yakwawo otaya mono ko, oya mbomboloka nokuya koshipangelo shEpangelo sha Shakati yee ya tandwe nokukuthwa oongala komeho.Ashike nee molwashoka oondohotola kaya li ye ya yiihwapo nawa niilongitho yawo, aakulupe mbaka inaya vula we okukwathelwa noya shunithwa komagumbo, ya ka tegelele uuna taku ka igidhwa ishewe etando lyawo lyomeho.Aakalimo yamwe otaya indile kutya moshikando tashi ya, oondohotola naye ye yi ilongekidha nawa, ye na iilongitho yawo oyindji yihwapo nawa opo ya katande omwaalu omunene gwaamboka ya posipalekwa koongala dhokomeho.Aakulupe mbaka otaya pandula unene Omundohotola Ndume notima ye sho taye ya kwathele oku ya monikitha ko ishewe.Taya ti naya tsikile ngawo noku ya kwathela.Oshikonga shika omasiku ngaka osha hula manga notaku ka tseyithwa ishewe esiku ndyoka tashi ka galukila mo mOshipangelo shEpangelo sha Shakati.