Oondjindikila odha eta onkalo odhigu mu Zim, Pohamba na Dos Santos taya ti

O MUPRESIDENDE gwa Angola nogwa Namibia oya ninga eindilo ye li ukitha kiilongo yokwEeuropa nosho wo mbyoka yokuuninginino kutya nayi kuthe po oondjindikila ndhoka ya ningile Zimbabwe.

Jose Eduardo Dos Santos na Hifikepunye Pohamba oya popi kutya oondjindikila ndhika odha eta oshilongo shika shi kale tashi nana nondatu kombinga yuuhupilo niiyemo. Pamushangwa gwawo ayehe yaali ya pititha oshiwike sha zi ko mOvenduka, Aapresidende mbaka oya popi kutya oyi ikwata oondjindikila ndhika niinima yilwe mbyoka ya ningilwa Zimbabwe.”Ota tu indile kutya oondjindikila ndhika nadhi kuthwe po meendelelo molwashoka kadhi li pauyuuki na inadhi ikwatelela mu sha,” Pohamba na Dos Santos taya popi ngaaka.Aaleli mbaka yaali oya li ya ningi oonkundathana kombinga yonkalo yopaliko noyopapolitika mu Afrika lyuumbugantu, unene tuu mu Zimbabwe omasiku ga zi ko.Oya pandula shoka sha ningwa po kOmupresidende gwa South Afrtika Thabo Mbeki, ngoka omathimbo ga zi ko a li a hogololwa kehangano lyiilongo ya Afrika lyUumbugantu, a kandulepo omahilathano ngoka ge li pokati kEpangelo lya Zimbabwe nongundu yompilemena ya MDC.Dos Santos okwa li metalelopo lye lyopambelewa lyomasiku gaali mu Nambia oshiwike sha zi ko.Shika oshikando oshitiyali Pohamba ta ningi eindilo kutya oondjindikila ndhoka dha ningilwa Zimbabwe nadhi kuthwe po.Pethimbo a li metalelopo lye lyopambelewa ku Japan pokati komwedhi nguka, Pohamba okwa li wo a ningi eindilo lyaafathana moshinima shika kutya oondjindikila ngele odha kuthwa po otashi ka hwepopeka onkalo mu Zimbabwe ndjoka ya dhigupala pethimbo ndika.Omupresidende Dos Santos okwa li wo a kuthile ko Pohamba kombinga yonkalo yopaliko noyopankalathano moshilongo she nosho wo kombinga yooprograma dhi na sha netungululo lya Angola.Pohamba naye okwa li a kuthile ko Dos Santos kombinga yonkalo yopapolitika noyopaliko mu Namibia, mwa kwatelwa wo oshigongi shopashigwana shaapunguli shoka tashi tameke mOvenduka oshiwike shika.Okwa hiwa aanangeshefa ya Angola mboka wo kwa tegelelwa ya kale ya thika kokonferensa ndjika.Pamushangwa gwawo ayehe yaali ya pititha oshiwike sha zi ko mOvenduka, Aapresidende mbaka oya popi kutya oyi ikwata oondjindikila ndhika niinima yilwe mbyoka ya ningilwa Zimbabwe.”Ota tu indile kutya oondjindikila ndhika nadhi kuthwe po meendelelo molwashoka kadhi li pauyuuki na inadhi ikwatelela mu sha,” Pohamba na Dos Santos taya popi ngaaka.Aaleli mbaka yaali oya li ya ningi oonkundathana kombinga yonkalo yopaliko noyopapolitika mu Afrika lyuumbugantu, unene tuu mu Zimbabwe omasiku ga zi ko.Oya pandula shoka sha ningwa po kOmupresidende gwa South Afrtika Thabo Mbeki, ngoka omathimbo ga zi ko a li a hogololwa kehangano lyiilongo ya Afrika lyUumbugantu, a kandulepo omahilathano ngoka ge li pokati kEpangelo lya Zimbabwe nongundu yompilemena ya MDC.Dos Santos okwa li metalelopo lye lyopambelewa lyomasiku gaali mu Nambia oshiwike sha zi ko.Shika oshikando oshitiyali Pohamba ta ningi eindilo kutya oondjindikila ndhoka dha ningilwa Zimbabwe nadhi kuthwe po.Pethimbo a li metalelopo lye lyopambelewa ku Japan pokati komwedhi nguka, Pohamba okwa li wo a ningi eindilo lyaafathana moshinima shika kutya oondjindikila ngele odha kuthwa po otashi ka hwepopeka onkalo mu Zimbabwe ndjoka ya dhigupala pethimbo ndika.Omupresidende Dos Santos okwa li wo a kuthile ko Pohamba kombinga yonkalo yopaliko noyopankalathano moshilongo she nosho wo kombinga yooprograma dhi na sha netungululo lya Angola.Pohamba naye okwa li a kuthile ko Dos Santos kombinga yonkalo yopapolitika noyopaliko mu Namibia, mwa kwatelwa wo oshigongi shopashigwana shaapunguli shoka tashi tameke mOvenduka oshiwike shika.Okwa hiwa aanangeshefa ya Angola mboka wo kwa tegelelwa ya kale ya thika kokonferensa ndjika.