Oondjila adhihe odha thinda kOngwediva nokOndangwa

O ONDJILA adhihe pehuliloshiwike shika odha thinda kOngwediva nokOndangwa omolwiiningwanima ya simana tayi ka kala mOondoolopa moka muule womasiku ngoka, mwa kwatelwa Iipindi nIilonga yokolutenda.

Omunashipundi gwOkomitiye ndjoka tayi longekidha Omaulikilo gokomumvo ga Ngwediva Damian Egumbo ta ti kutya ngashi ngaa sha li sha popiwa nale, osho wo shili ngeyi kutya Omaulikilo ngOpaipindi gokomumvo ga Ngwediva otaga ka tameka mEtitano ndika twa thinda lyeti 26 Auguste 2005 notaga ka kala ko sigo ometi 3 Septemba 2005 mOsenda yOmaulikilo gOpaipindi mOngwediva. Omusamane Egumbo ta ti kutya Omaulikilo ngaka otaga ka egululwa pambelewa kOmupresidende Hifikepunye Pohamba mOmaandaha geti 29 Auguste 2005.Omusamane Egumbo ta ti kutya omaulikilo gonuumvo otaga ka kala guudha noonkondo aanangeshefa mboka taya ka ulika iilikolomwa yawo shi vulithe oomvula dha zi ko nosha yela wo kutya nomwaalu gwaatalelipo otagu ka kala gwa londa pombanda shivulithe , ano tagu ka kala gwa londa okuza paantu omayovi omilongonenangatatu nokuya pomayovi omilongontano.Egumbo ta ti kutya Iinyanga ayihe itatu iinene oya longekidhwa nale nawa.Opwa longekidhwa wo Ehala lyomainyanyudho epe, li li konima yOshinyanga sha King Kauluma naashoka shElenga enene, hoka oko nee taku ka kala ootenda dhomainyanyudho nosho tuu.Ehala lyokupaakinga iihauto oli li ngaa kuumbangalantu wOsenda ndjoka ngashi shito.Komeho gOsenda itaku ka ethelwa sha, ngashi ngaa sha li omvula ya za ko.Ofuto momukuluntu OoN$10, aanona N$5 omanga iihauto nayo OoN$5 ngaa ngashi shito.Ngashi shito, Egumbo okwa ti kutya omaulikilo gUunafaalama, ngashi unene ngoka giimuna, nago wo opo taga ka kala.Opwa longekidhwa egameno li li nawa lyOpolisi nOosekurity naayehe otaya indilwa yi uthe komalombwelo ngoka taya ka adha po.Pokati mpoka otwa kundana wo kutya mOlyomakaya geti 27 Auguste 2005, Omupresidende Pohamba nosheendo she okuza kEgumbo enene lyEpangelo otaka longa kOlutenda pOndangwa.Ookaansola dhIitopolwa omasuiku agehe ngaka ga zi ko odha kala tadhi igidha moshigwana moka kutya oshigwana nashi ye shi ka kuthe ombinga kiilonga yOlutenda pamwe nOmupresidende Hifikepunye Pohamba pOndangwa mpoka.Shika osha yela nee kutya, Oondjila adhihe odha thinda kOngwediva nokOndangwa nosha yela kutya oondoolopa ndhika mbali otadhi ka kala dhuudha aantu mehuliloshiwike ndika twa thinda noshowo muule woshiwike tashi ya.Ayihe nayeende nawa.Omusamane Egumbo ta ti kutya Omaulikilo ngaka otaga ka egululwa pambelewa kOmupresidende Hifikepunye Pohamba mOmaandaha geti 29 Auguste 2005.Omusamane Egumbo ta ti kutya omaulikilo gonuumvo otaga ka kala guudha noonkondo aanangeshefa mboka taya ka ulika iilikolomwa yawo shi vulithe oomvula dha zi ko nosha yela wo kutya nomwaalu gwaatalelipo otagu ka kala gwa londa pombanda shivulithe , ano tagu ka kala gwa londa okuza paantu omayovi omilongonenangatatu nokuya pomayovi omilongontano.Egumbo ta ti kutya Iinyanga ayihe itatu iinene oya longekidhwa nale nawa.Opwa longekidhwa wo Ehala lyomainyanyudho epe, li li konima yOshinyanga sha King Kauluma naashoka shElenga enene, hoka oko nee taku ka kala ootenda dhomainyanyudho nosho tuu.Ehala lyokupaakinga iihauto oli li ngaa kuumbangalantu wOsenda ndjoka ngashi shito.Komeho gOsenda itaku ka ethelwa sha, ngashi ngaa sha li omvula ya za ko.Ofuto momukuluntu OoN$10, aanona N$5 omanga iihauto nayo OoN$5 ngaa ngashi shito.Ngashi shito, Egumbo okwa ti kutya omaulikilo gUunafaalama, ngashi unene ngoka giimuna, nago wo opo taga ka kala.Opwa longekidhwa egameno li li nawa lyOpolisi nOosekurity naayehe otaya indilwa yi uthe komalombwelo ngoka taya ka adha po.Pokati mpoka otwa kundana wo kutya mOlyomakaya geti 27 Auguste 2005, Omupresidende Pohamba nosheendo she okuza kEgumbo enene lyEpangelo otaka longa kOlutenda pOndangwa.Ookaansola dhIitopolwa omasuiku agehe ngaka ga zi ko odha kala tadhi igidha moshigwana moka kutya oshigwana nashi ye shi ka kuthe ombinga kiilonga yOlutenda pamwe nOmupresidende Hifikepunye Pohamba pOndangwa mpoka.Shika osha yela nee kutya, Oondjila adhihe odha thinda kOngwediva nokOndangwa nosha yela kutya oondoolopa ndhika mbali otadhi ka kala dhuudha aantu mehuliloshiwike ndika twa thinda noshowo muule woshiwike tashi ya.Ayihe nayeende nawa.