Oondjila adhihe mOlyomakaya okolutenda dha taalela

O MUPRESIDENDE Hifikepunye Pohamba noshowo Omupresidende omukulu gwa Namibia Sam Nujoma mOlyomakaya ngaka twa thinda, otaya ka kutha ombinga onene miilonga yolutenda pokati kOndangwa nOshikango.

Oshigwana ashihe sha Namibia otashi indilwa nee shi ka yambidhidhe aakuluntu yasho mbaka mondjambi yawo ndjika onene yiilonga yetungo lyolutenda pokati kOondoolopa ndhika mbali, Ondangwa nOshikango. Sho kwa kundanwa kutya Aawiliki aanene yoshilongo mbaka yaali otaya ka kutha ombinga miilonga yetungo lyolutenda nduka mOlyomakaya twa thinda, omalongekidho omanene oga kala mIitopolwa yi ili noyi ili ya Namibia, unene tuu mbyoka yokOnooli, moka aakwashigwana ya kala tayi unganeke opo yee ya longe pamukalo gwokwiiyamba kolutenda pamwe naawiliki yawo mbaka yaali.”Ondjambi ndjika otayi ka kala onene lela, “Kaansela gumwe gwopashitopolwa ta lombwele The Namibian ngawo.Omunambelewa Omukuluntupitithi mOshikondo shOondjila tate Erastus iikela, ta ti kutya aaniilonga oyendji yomOshikondo shawo, otaya ka longa kolutenda hoka pamwe nOmupresidende Pohamba, Omupresidende Omukulu tatekulu Sam Nujoma nAawiliki yalwe.Iilonga yelepeko lyolutenda okuza mOshomeya okuya kOndangwa noshowo nee okuya kOshikango nOshakati, oya tamekele momumvo 2001, moka ya tulwa miilonga pambelewa kOmupresidende gwOshilongo pethimbo ndjoka Omundohotola Sam Nujoma.Pethimbo lyiilonga mbika, Osasiona yOmashina oya tungwa pOshivelo ndele tayi lukilwa Omupresidende omukulu he yoshigwana Sam Nujoma na oye wo e yi egululile pambelewa.Uusasiona uushona owa tulwa wo pokati kOshivelo nOndangwa.Mu Juli nuumvo, Osasiona onene yomashina oya egululwa pOndangwa nokutulwa miilonga pambelewa kOmupresidende Hifikepunye Pohamba, shoka sha li sha eta oshikako shotango shiilonga yetungo lyolutenda nduka pehulilo.Osasinoa onene pOndangwa oya lukilwa Omukwnaiilwa gOndonga kwali Nehale lya Mpingana.Oshikako oshitiyali osho nee shoka tashi landula ko shoku lu tunga lwa ukithwa kOshikango okuza mOndangwa.Aanamapya momikunda moka talu ende ohaya kuthwa pomahala nenge taya pungululwa.Mboka ya gumwa kwaashoka, ohaya futwa sho taya kuthwa pomahala gawo noshowo nee omiti dhawo dhiiyimati dhopamithigululwakalo, ngashi omigongo, omiye nosho tuu, ohadhi futwa.Pethimbo ndika otwa kundana kutya mboka taya kuthwa pomahala gawo pokati kOndangwa nOshikango, oya lombwelwa nale, noyendji oya futwa.Oshinano shoka tashi longwa pokati kOndangwa nOshikango otaku tiwa kutya oshookilometa 56 lwaampoka nokwa tegelelwa shi kapwe nziya lela muule womvula twa thinda.Elalakano lyetungo lyolutenda nduka, Omupresidende Pohamba, okwa popile kutya oku lu kwatakanitha kumwe naandoka lyiilongo yilwe moshitopolwa sha SADC na Afrika alihe.Aakalimo yomomikunda moka mwa taakana olutenda otaya kunkililwa nokukumagidhwa ya kale ya kotoka uuna eshina lyokolutenda tali ende po opo yaa monithwe iiponga keshina ndika.Unened tuu aanona, naya kale kokule nolutenda.Iimuna wo nayo nayi kalekwe kokule nolutenda.”Olutenda olwetweni, omashina gokulutenda ogetweni, natu ga simanekeni noku ga etha ga ngongole nombili komalutenda gago nogetweni hoka,”Oministeli yIilonga tate Joel Kaapanda ta kumagidha ethimbo alihe miipopiwa ye koshigwana.Sho kwa kundanwa kutya Aawiliki aanene yoshilongo mbaka yaali otaya ka kutha ombinga miilonga yetungo lyolutenda nduka mOlyomakaya twa thinda, omalongekidho omanene oga kala mIitopolwa yi ili noyi ili ya Namibia, unene tuu mbyoka yokOnooli, moka aakwashigwana ya kala tayi unganeke opo yee ya longe pamukalo gwokwiiyamba kolutenda pamwe naawiliki yawo mbaka yaali.”Ondjambi ndjika otayi ka kala onene lela, “Kaansela gumwe gwopashitopolwa ta lombwele The Namibian ngawo.Omunambelewa Omukuluntupitithi mOshikondo shOondjila tate Erastus iikela, ta ti kutya aaniilonga oyendji yomOshikondo shawo, otaya ka longa kolutenda hoka pamwe nOmupresidende Pohamba, Omupresidende Omukulu tatekulu Sam Nujoma nAawiliki yalwe.Iilonga yelepeko lyolutenda okuza mOshomeya okuya kOndangwa noshowo nee okuya kOshikango nOshakati, oya tamekele momumvo 2001, moka ya tulwa miilonga pambelewa kOmupresidende gwOshilongo pethimbo ndjoka Omundohotola Sam Nujoma.Pethimbo lyiilonga mbika, Osasiona yOmashina oya tungwa pOshivelo ndele tayi lukilwa Omupresidende omukulu he yoshigwana Sam Nujoma na oye wo e yi egululile pambelewa.Uusasiona uushona owa tulwa wo pokati kOshivelo nOndangwa.Mu Juli nuumvo, Osasiona onene yomashina oya egululwa pOndangwa nokutulwa miilonga pambelewa kOmupresidende Hifikepunye Pohamba, shoka sha li sha eta oshikako shotango shiilonga yetungo lyolutenda nduka pehulilo.Osasinoa onene pOndangwa oya lukilwa Omukwnaiilwa gOndonga kwali Nehale lya Mpingana.Oshikako oshitiyali osho nee shoka tashi landula ko shoku lu tunga lwa ukithwa kOshikango okuza mOndangwa.Aanamapya momikunda moka talu ende ohaya kuthwa pomahala nenge taya pungululwa.Mboka ya gumwa kwaashoka, ohaya futwa sho taya kuthwa pomahala gawo noshowo nee omiti dhawo dhiiyimati dhopamithigululwakalo, ngashi omigongo, omiye nosho tuu, ohadhi futwa.Pethimbo ndika otwa kundana kutya mboka taya kuthwa pomahala gawo pokati kOndangwa nOshikango, oya lombwelwa nale, noyendji oya futwa.Oshinano shoka tashi longwa pokati kOndangwa nOshikango otaku tiwa kutya oshookilometa 56 lwaampoka nokwa tegelelwa shi kapwe nziya lela muule womvula twa thinda.Elalakano lyetungo lyolutenda nduka, Omupresidende Pohamba, okwa popile kutya oku lu kwatakanitha kumwe naandoka lyiilongo yilwe moshitopolwa sha SADC na Afrika alihe.Aakalimo yomomikunda moka mwa taakana olutenda otaya kunkililwa nokukumagidhwa ya kale ya kotoka uuna eshina lyokolutenda tali ende po opo yaa monithwe iiponga keshina ndika.Unened tuu aanona, naya kale kokule nolutenda.Iimuna wo nayo nayi kalekwe kokule nolutenda.”Olutenda olwetweni, omashina gokulutenda ogetweni, natu ga simanekeni noku ga etha ga ngongole nombili komalutenda gago nogetweni hoka,”Oministeli yIilonga tate Joel Kaapanda ta kumagidha ethimbo alihe miipopiwa ye koshigwana.