Oondjambi dholuhepo odha fala mombepo yoluhepo

OMUTOTIMPANGO gwoSwapo megumbo lyokukonakona oompango okwa ti onkalo yiilonga ya nyaika oya nayipike onkalombepo noshowo okulonga nawa kopolisi naakwiita.

Theo Diergaardt okwa ti okwa nyanyukwa sho okangundu kaaluhe kiikwapondje, egameno nepopilo ka li ka talelepo omahala gamwe giilonga yomegumbo naambyoka yepopilo lyoshilongo nokwiimonena ko yoyene nkene aaniilonga yoOoministeli ndhika ta ya longo, noshowo monkalo ndjoka yeli.’Aanambelewa mbaka ka ye shi iilyo yomahangano gaaniilonga onkene oya tala oompito ngaashi ndjoka yoku talelwa po kaakonakonimpango ongo ethimbo ewanawa oku popya omashongo ngoka yo ya taalela.’ osho Diergaardt a ulike.Okwa li ta popi pethimbo lyoonkundathana megumbo etiyali lyokuninga oompango kehokololo ningomwa lyokangundu haka shono ka galuka ketalelopo lyako miitopolwa shOshana, Omusati, Kunene naashoka Erongo.Okwa ti ota tsu kumwe naashoka okangundu haka ka gongele po kutya aanambelewa yopolisi oyendji kayena omahala geli nawa goku kala, omanga yamwe ohaya longele mombelewa yimwe yathinana nonando mbaka ota ya longo miikondo yayooloka miilonga yopolisi.Aapolisi yamwe otaku hokololwa haya lala mootenda.’Onkalo ndjika oya pumbwa okutalwa nawa nonomeho omanene.’Diergaardt ta indile.Okwa indile Ooministeli dhopolisi noyegameno opo ya popye noKommissi yaaniilonga yepangelo kombinga yokwoopaleka oondjambi nomauwanawa gaaniilonga mbaka.Pethimbo olyo tuu ndyoka Diergaardt okwa pangula nonyanya aapolisi niilyo yetanga lyegameno mbyoka ha yi longitha nayi iiyenditho nomaliko gepangelo.