Oondjamba dha shunwa mo mEtosha

OONDJAMBA dhi li 13 ndhoka dhi iyaka mOpaaka yIiyamakuru ya Etosha National Park uusiku wOsoondaha, odha shunwa mo mOshikunino shika, Omunambelewa Omukuluntu mUuministeli wEgameno lyUuntshitwe nOmatalelopo, osho a popi ngaaka.

Chrispin Nkonkwena, e li Omukuluntutonateli gwIiyamakuti mOnooli yopokati, okwa lombwele The Namibian kutya oondjamba dhika odha gwaya mo mEtosha sho dha undulile nokulyatela pevi ondhalate.
‘Ondhalate yOpaaka inayi tulwa olusheno pomahala gamwe,’ Nkonkwena ta popi ngaaka.
Okwa ti oondjambi dhi li omugoyi dhomoondjamba dhika odha li dha adhika pOnyaanya, mbali opOshivelo, yimwe opOmuthiya omanga yimwa ya li ya adhike pOmuntele moshitopolwa sha Shikoto.
Aanambelewa yUuministeli wEgameno lyUuntshitwe, taya kwathelwa kokadhagadhaga kUuministeli wEtanga lyEgameno, oya li ya shunitha mo oondjamba mEtosha omutenya gwOsoondaha.
Aakalimo yomomikunda dhi li popepi niikunino yiiyamakuti otaya indilwa kaya kambadhala nande okushunitha mo oondjamba uuna dhi gwaya mo miikunino yiinamwenyo, molwashoka shika osha nika oshiponga.