Oonakushashelwa mOngeleka ya Anamulenge yatatu ya gandja omagano gOkahumba kOngeleka ndjika

Oonakushashelwa mOngeleka ya Anamulenge yatatu ya gandja omagano gOkahumba kOngeleka ndjika

O ONAKUSHASHELWA mOngeleka ya Katoolika ka Roma ya Anamulenge mOmbalantu mOshitopolwa sha Musati, ye li yatatu, ano tate Onesimus Nekondo, Josef Amutenya na Augustinus Nguluwe, meti 18 Desemba 2005, oya gandja omagano gokahumba kEgongalo lya Anamulenge, oshinima shoka sha nyanyudha noonkondo Egongalo ndika.

Esiku ndjoka olya li Osoondaha nOngeleka ya Anamulenge oya li yuudha ndooo. Okahumba haka, okanene nokawanawa noonkondo oka li ka pewa Omudiakoni Omukuluntu gwEgongalo lya Anamulenge tate Ambrosius Shalumbu, ngoka e ka taamba ko pehala lya Pata Omukuluntu gwa Anamulenge Jose Thoma nolyEgongalo alihe.Okahumba oka lukilwa nakusa Patrick Amukuvu, ngoka a kala omulongisikola kwali poAnamulenge mpoka nokwa li gumwe gwomoonakuhika okahumba mOngeleka ya Anamulenge moka, yo nootatekulu John Pandeni nOoMondestus Andowa nosho wo nakusa Klemens Shinima.Aamati mbaka yatatu oye yile noonakuvala yawo yoomeme, ano na meekulu Hildeberta Shekuhinda (yina ya Onesimus Nekondo), meekulu Elfriede Sheimi (yina ya Josef Amutenya) noshowo meekulu Bernadette Shuuveni (yina ya Augustinus Nguluwe, omanga tate Onesimus Nekondo a ende wo pamwe nomukulukadhi gwe meme Mansueta Nekondo.Tate Nekondo okwa lombwele Egongalo lya Anamulenge kutya edhilaadhilo lyokugandja omagano gokahumba kEgongalo lya Anamulenge kali shi sha shimwe shi ili kashi shi okupandula Egongalo lya Anamulenge moka ya shashelwa, ya tuumbila nokukolekelwa.Taya pandula Kalunga sho e ya gamena sigo okonena ndjika ye na uukolele noye li wo taya longo omolu esilohenda lye.Taya pandula nee aavali yawo mboka ye li ko sho ye ya vala noku ya tekulila Uukriste noku ya putudha wo nawa.Omunangeshefa a tseyika nawa tate Tobias Neumbo Amavila, okwa pandula noonkondo aamati mbaka yatatu.Ta ti kutya oya gandja oshiholelwa oshiwanawa koshigwana Oshikriste ashihe, shOongeleka dhi ili nodhi ili nOmagongalo gi ili nogi ili, shi kale hashi gandja omagano kOongeleka nokOmagongalo gasho, oshoka ngele itaye shi ningi nena kapu na ngoka te ga kwath noku ga sila oshimpwiyu.Oomeme yEgongalo taya kwatelwa komeho ku meme Hortensia Nauyala, oya li ya nyenyepeke oshituthi niihimbo ya yama komudhigululwakalo, omanga meme Hortensia ye mwene a tanga nokupandula aamati mbaka yatatu.Oshituthi shegandjo lyomagano gokahumba haka, osha li wo sha kalwa komunangeshefa nomunafaalama a tseyika nawa gwomombalantu tate Johannes Andjamba ngoka wo naye a pandula noonkoondo aamati mbaka yatatu sho ya gandja omagano gethike mpoka gokahumba kEgongalo lya Anamulenge.Shika otashi ti nee kutya oya gandja omagano kOngeleki ayihe ya Katoolika ka Roma moNamibia, na hakEgongalo ashike lya Anamulenge.Okahumba haka, okanene nokawanawa noonkondo oka li ka pewa Omudiakoni Omukuluntu gwEgongalo lya Anamulenge tate Ambrosius Shalumbu, ngoka e ka taamba ko pehala lya Pata Omukuluntu gwa Anamulenge Jose Thoma nolyEgongalo alihe.Okahumba oka lukilwa nakusa Patrick Amukuvu, ngoka a kala omulongisikola kwali poAnamulenge mpoka nokwa li gumwe gwomoonakuhika okahumba mOngeleka ya Anamulenge moka, yo nootatekulu John Pandeni nOoMondestus Andowa nosho wo nakusa Klemens Shinima.Aamati mbaka yatatu oye yile noonakuvala yawo yoomeme, ano na meekulu Hildeberta Shekuhinda (yina ya Onesimus Nekondo), meekulu Elfriede Sheimi (yina ya Josef Amutenya) noshowo meekulu Bernadette Shuuveni (yina ya Augustinus Nguluwe, omanga tate Onesimus Nekondo a ende wo pamwe nomukulukadhi gwe meme Mansueta Nekondo.Tate Nekondo okwa lombwele Egongalo lya Anamulenge kutya edhilaadhilo lyokugandja omagano gokahumba kEgongalo lya Anamulenge kali shi sha shimwe shi ili kashi shi okupandula Egongalo lya Anamulenge moka ya shashelwa, ya tuumbila nokukolekelwa.Taya pandula Kalunga sho e ya gamena sigo okonena ndjika ye na uukolele noye li wo taya longo omolu esilohenda lye.Taya pandula nee aavali yawo mboka ye li ko sho ye ya vala noku ya tekulila Uukriste noku ya putudha wo nawa.Omunangeshefa a tseyika nawa tate Tobias Neumbo Amavila, okwa pandula noonkondo aamati mbaka yatatu.Ta ti kutya oya gandja oshiholelwa oshiwanawa koshigwana Oshikriste ashihe, shOongeleka dhi ili nodhi ili nOmagongalo gi ili nogi ili, shi kale hashi gandja omagano kOongeleka nokOmagongalo gasho, oshoka ngele itaye shi ningi nena kapu na ngoka te ga kwath noku ga sila oshimpwiyu.Oomeme yEgongalo taya kwatelwa komeho ku meme Hortensia Nauyala, oya li ya nyenyepeke oshituthi niihimbo ya yama komudhigululwakalo, omanga meme Hortensia ye mwene a tanga nokupandula aamati mbaka yatatu.Oshituthi shegandjo lyomagano gokahumba haka, osha li wo sha kalwa komunangeshefa nomunafaalama a tseyika nawa gwomombalantu tate Johannes Andjamba ngoka wo naye a pandula noonkoondo aamati mbaka yatatu sho ya gandja omagano gethike mpoka gokahumba kEgongalo lya Anamulenge.Shika otashi ti nee kutya oya gandja omagano kOngeleki ayihe ya Katoolika ka Roma moNamibia, na hakEgongalo ashike lya Anamulenge.

Stay informed with The Namibian – your source for credible journalism. Get in-depth reporting and opinions for only N$85 a month. Invest in journalism, invest in democracy –
Subscribe Now!

Latest News