Oonakukwatwa nokokeina ya pewa egeelo

AANGOLA yane mboka ya li ya kwatwa po mu Apiilili nuumvo nokokeina ya li ye holoke momalutu gawo, mEtiyali lyoshiwike sha zi ko oya li ya pewa egeelo lyoomvula hetatau konima yekupumba kehe gumwe.

Egeelo ndika oya li ye li pewa ku Mengestrata Claudia Claasen. Aangola mbaka oya li ye shi zimine kutya oya simokolele iingangamithi mbika mu Namibia.Antonio Twema (gwoomvula 41), Anacleto Mubine (41), Nelson Francisco (260 na Kunga Barberto (40), ayehe oye shi zimina kutya oye na ondjo molopotelo lyokweeta Okokeina momasiku 20 ga Mei. Aalumentu mbaka oyali ya kwatwa po momasiku 15 ga Apiili, ya li ya kwatelwa pOkapale koondhila kopaigwana ka Hosea Kutako mpoka ya li ye ya po nondhila okuza ko Johannesburg, South Afrika.Mu Johannesburg oya li ye ya mo okuzilila ku Sao Paolo mu Brazili. Ayehe oye shi zimine kutya mu Sao Paolo, kehe gumwe okwa li a ponona ookapsula wOkokeina, mboka kehe kamwe ka li ke na uule woomweta ne nenge ntano nokuza ko nee nawo u li momalutu gawo.Twema okwa li e na okokeina yOokilogalama 455 yi na ongushu yoshimaliwa shOondola/N$222 500 omanga Mubine a li e na okokeina yOogalama 860 yi na oshinaliwa shOondola/N$430 000 momandjandja ge. Alexander okwa li a humbata okoneina yOogalama 1,33 yi na ongushu yoshimaliwa shOondola/N$665 000 omanga Baberto a li e na okokeina yOogalama 590, yi na ongushu yoshimaliwa shOondola/N$295 000.Kumwe, okokeina ndjika oyi na ongushu yoshimaliwa shOondola omiliyuna yimwe oshinkwanu hamano na oogalama dhayo kumwe ayihe odha li 3,235. Aalumentu mbaka oya ti kutyka Okokeina ndjika oya li ya hala okuyi fala ku Anngola.Nande ongaaka, Mengestrata Claasen ka li e na ko nasha nomapopyo nbgoka. Ta ti, kutya nee okokeina ndjika oya li yu uka ku Angola, Namibia oku na oshinakugwnaithwa shokukelela omapititho giingangamithi nbika uuna ya adhika mu Namibia.Aalumentu mbaka oya li wo ajiwa ya gandja ombili sho ya longiotha Namibia mokupitithila okokeina, nande ongaaka oya ndopa okugandja uuyelele okuudha kutya miilonga mboka yokupititha Okokeina oya yi o ngiini. ‘Amuhe omwa makakako kombinga yekwatathano lyeni nuuyuni wokohi,’ Mengestrata Claasen ta popi ngaaka.Ayehe oya li ya popi kutya oya li ya ka landa iikutu ku Sao Paolo nomafufu n(ngoka haga longithwa mokupanda oomeme), mbyoka aniwa ya li taye ke yi landitha ko Luanda.Manga nee aniwa ye li ku Sao Paulo, kehe gumwe okwa li a komulumentu gwedhina Mr Umberto nenge Mr Anderson, mboka ya ki aniwa ye ya lombwele ya pone Uukapsula wokokeina, opo ye dhi eta ku Afrika pamukalo nguka. Nande ongaaka, Mengestrata Claasen okwa ti okumwena kwawo kombinga ya nkene shika she ende – ngashi kutya oolye ya li ye na okufaalelwa okokeina ndjika, otashi ulike kutya aalumengtu mbaka oya gandja esimaneko lyawo kiilonga yepititho lyiingangamithi.Aanavetakalelipo yaalumentu mbaka, Christian Nambahu and Vetu Uanivi oya li ya indile Ompangu ya futithe aashike aalumentu mbaka nenge koomvula dhawo ku kuthwe. Ihe Mengestrata Claasen okwa ti okuya futitha otashi ka kala sha fa ashike okuya dhenga okankawa okashona moshinima moshikoya oshinene noonkondo. Meriam Kenaruzo oya li a li omweetipo gwoshitoptha shika.