Oonakukalekwapevi ya NABTA taya indile oonkundathana

O MUNASHIPUNDI gwEhangano lyAanuumbesa nUutekisa mOshana Pendapala Nakathingo ngoka omasiku ga zi ko a tidhwa mehangano ndika kOmupresidende gwalyo Magnus Nangombe molwashoka aniwa ita longo sha, ota indile kuningwe Oshigongi shopaulumompumbwe opo etidho lye li kundathanwe.

Omusamane Nangombe okwa kutha wo miilonga manga Amushanga gwOpashigwana gwEhangano ndika Vesper Muunda nosho wo Immanuel Ankambo ngoka e li Omudhiginini gwOpevi gwIiniwe yEhangano ndika na Elvis Kauesa ngoka e li Amushanga gwOpevi gwOpashigwana gwEhangano ndika. Ya kuthwa mo wo netompelo tali ti kutya itaya longo sha na oye yile mOkongressa ndjoka ya ningilwe kOtjiwarongo mu Auguste omvula ya zi ko pamukalo gwuulingilingi.Nakathingo oshowo Muunda, Ankambo na Kauesa taya lombwelwa mOombapila dhomakutho gawo miilonga ndhoka ya shangelwa meti 9 Oktoba 2006 kutya inaya uvika nande tayi ivundu miinima yEhangano lyAanuumbesa nUutekisa.Oombapila ndhoka dhekutho lyawo miilonga Nangombe okwe dhi shaina pamwe nAanambelewa ye yaali Aakuluntu mEhangano, ano na Innocent Simasiku na Kalunda Mwingo, nota ti kutya ekutho lyawo miilonga olya taambiwa ko wo nokOorigina ngashi ndjoka ya Caprivi, Kavango, Omaheke, Khomas, Erongo, Hardap na Karas.Ashike Nakathingo, Muunda na Ankambo oya ekelahi kokule omatompelo getidho lyawo ngoka ga gandjwa komusamane Nangombe.Taya ti kutya Nangombe na popye ashike oshili kutya, etidho lyawo olya zi moshigongi shometi 12 Aguste nuumvo shoka sha ningilwe mOvenduka nosha li she mu ponokele omolu omaulingilingi ngoka ta longitha mehangano nelalakano okwiimonena omauwanawa ge mwene.Taya ti kutya moshigongi moka Nangombe okwa li a ponokelwa nomapulo kutya omolwashike a lundulula oshilimbo shEhangano na omolwashike a tula mo edhina lye noshowo mIihako ayihe yi li koombapila nokuukalata wEhangano.Oshinima oshikwawo okwa li wo aniwa ta pulwa kutya omolwashike a eta po uukalata waantu paumwene wu na olwaala lwEpandela lyoshilongo noshihako ku na edhina lye.”Molwashoka nee tse mboka yokoNooli, otse twa li tatu mu pula unene omapulo ngaka, opo a zi e tu huge nokuninga etokola e tu tidhe mo mEhangano nenge e tu kuthe mo miilonga manga.Omatompelo agehe ngoka ta gandja kage shi goshili, oti igamene ashike nokwa hala ashike okugamena uulingilingi we,” Nakathingo ta ti ngawo ye ta kolekwa wo kuyakwawo yatatu.Otaya ti kutya yo mOkongressa yokOtjiwarongo yomvula ya zi ko, oya yile mo ye na uuthemba wokuya mo na omolwaasho ya pewa iilonga iinene mEhangano nokuli.Taya ti kutya omusamane Nangombe sho moshigongi sho mu Auguste mOvenduka a pewa uusama sho a ndulukitha oofooloma nuukalata noshowo oshilimbo shEhangano ku na edhina lye, okwa gandjele ombili kiilyo moshigongi moka nokwa uvaneke kutya ote ke shi ningulula shi kale ngashi sha li.Ta uvaneke wo aniwa kutya oshimaliwa shokundulukitha oombapila nuukalata uupe kau na edhina lye, oye te ke shi futa wo nokuli.”Shika osha ningina peni, sho a tameke ashike te tu tidha?, Taya pula ngaaka.”Otwa hala ku ithanwe oshigongi shosipeya sha NABTA tu kundathane mo muule oshinima shika shetidho lyetu, tse wo tu tule mo osheetwapo tashi pula ngele Nangombe ota vulu tuu natango okukala Omupresidende gwEhangano nenge ahawe, “oonakutidhwa mbaka taya ti ngawo nokugwedha po kutya etidho lyawo kali li nande palandulathano nopakotampango lya NABTA.Kepulo, omusamane Nangombe okwa lombwele Oshifo shika nokweendulula omatompelo ge kutya aalumentu mbaka a tidha nenge a kutha manga miilonga kaye na sho ya li taya longele Ehangano ndika lyUumbesa Nuutekisa.Ta ti kehe oshilyo oshi shi shi nawa kutya aalumentu mboka kaye na sho ya li taya longo.Kombinga ya Nakathingo, Nangombe ota ti kutya iilyo ya NABTA oya li ya hala okuninga oshigongi mOshakati nuumvo, ndele Nakathingo nguka te shi kala moshipala noku shi kelela shi haningwe, nonande sha li sha hiya aanenentu mEpangelo nosho tuu.”Onkee nomwaashoka okwiimonekitha ondjo ndjoka ya vulu oku mu tidhitha thiluthilu mehangano,”Nangombe ta ti ngawo.Shi nna sha netulo lyedhina lye moshilimbo shEhangano nosho wo kOofooloma dhEhangano nokUukalata, omusmaane Nangombe okwa ti kutya shoka kashi na nande oshilonga, omalunduluko ashike a eta po, ge li nawa notaga tungu Ehangano nawa shi vulithe.Nangombe ota ti onkalo yomaenditho gomoondjila ano gOndalasipota ngashi kOnooli, hoka kwa kala oonakutidhwa mbaka, onkee ya naipala nayi nokayi li melandulathano.Ya pumbwa okutulwa melandulathano, ashike nee ota ti kutya hakwaambaka ya tidhwa nenge e ya kutha manga miilonga.Ta ti iilyo yEhangano kOnooli, oya hala okuninga oshigongi, moka tayi ka kundathana onkalo yomaenditho guumbesa nuutekisa nokuwete kutya oshigongi shoka osho ashike sha pumbiwa oshoka otashi ka tunga onakuyiwa yEhangano, na haashoka nande shoontamanana tashi pulwa koonakutidhwa mEhangano mboka.”Ondi wete kutya mboka oyi ulika nale kutya itaya vulu okunana Ehangano ndika, na onawa ya ze mo nenge ya kale pevi ngawo,”omusamane Nangombe ta ti ngawo.Ya kuthwa mo wo netompelo tali ti kutya itaya longo sha na oye yile mOkongressa ndjoka ya ningilwe kOtjiwarongo mu Auguste omvula ya zi ko pamukalo gwuulingilingi.Nakathingo oshowo Muunda, Ankambo na Kauesa taya lombwelwa mOombapila dhomakutho gawo miilonga ndhoka ya shangelwa meti 9 Oktoba 2006 kutya inaya uvika nande tayi ivundu miinima yEhangano lyAanuumbesa nUutekisa.Oombapila ndhoka dhekutho lyawo miilonga Nangombe okwe dhi shaina pamwe nAanambelewa ye yaali Aakuluntu mEhangano, ano na Innocent Simasiku na Kalunda Mwingo, nota ti kutya ekutho lyawo miilonga olya taambiwa ko wo nokOorigina ngashi ndjoka ya Caprivi, Kavango, Omaheke, Khomas, Erongo, Hardap na Karas.Ashike Nakathingo, Muunda na Ankambo oya ekelahi kokule omatompelo getidho lyawo ngoka ga gandjwa komusamane Nangombe.Taya ti kutya Nangombe na popye ashike oshili kutya, etidho lyawo olya zi moshigongi shometi 12 Aguste nuumvo shoka sha ningilwe mOvenduka nosha li she mu ponokele omolu omaulingilingi ngoka ta longitha mehangano nelalakano okwiimonena omauwanawa ge mwene.Taya ti kutya moshigongi moka Nangombe okwa li a ponokelwa nomapulo kutya omolwashike a lundulula oshilimbo shEhangano na omolwashike a tula mo edhina lye noshowo mIihako ayihe yi li koombapila nokuukalata wEhangano.Oshinima oshikwawo okwa li wo aniwa ta pulwa kutya omolwashike a eta po uukalata waantu paumwene wu na olwaala lwEpandela lyoshilongo noshihako ku na edhina lye.”Molwashoka nee tse mboka yokoNooli, otse twa li tatu mu pula unene omapulo ngaka, opo a zi e tu huge nokuninga etokola e tu tidhe mo mEhangano nenge e tu kuthe mo miilonga manga.Omatompelo agehe ngoka ta gandja kage shi goshili, oti igamene ashike nokwa hala ashike okugamena uulingilingi we,” Nakathingo ta ti ngawo ye ta kolekwa wo kuyakwawo yatatu.Otaya ti kutya yo mOkongressa yokOtjiwarongo yomvula ya zi ko, oya yile mo ye na uuthemba wokuya mo na omolwaasho ya pewa iilonga iinene mEhangano nokuli.Taya ti kutya omusamane Nangombe sho moshigongi sho mu Auguste mOvenduka a pewa uusama sho a ndulukitha oofooloma nuukalata noshowo oshilimbo shEhangano ku na edhina lye, okwa gandjele ombili kiilyo moshigongi moka nokwa uvaneke kutya ote ke shi ningulula shi kale ngashi sha li.Ta uvaneke wo aniwa kutya oshimaliwa shokundulukitha oombapila nuukalata uupe kau na edhina lye, oye te ke shi futa wo nokuli.”Shika osha ningina peni, sho a tameke ashike te tu tidha?, Taya pula ngaaka.”Otwa hala ku ithanwe oshigongi shosipeya sha NABTA tu kundathane mo muule oshinima shika shetidho lyetu, tse wo tu tule mo osheetwapo tashi pula ngele Nangombe ota vulu tuu natango okukala Omupresidende gwEhangano nenge ahawe, “oonakutidhwa mbaka taya ti ngawo nokugwedha po kutya etidho lyawo kali li nande palandulathano nopakotampango lya NABTA.Kepulo, omusamane Nangombe okwa lombwele Oshifo shika nokweendulula omatompelo ge kutya aalumentu mbaka a tidha nenge a kutha manga miilonga kaye na sho ya li taya longele Ehangano ndika lyUumbesa Nuutekisa.Ta ti kehe oshilyo oshi shi shi nawa kutya aalumentu mboka kaye na sho ya li taya longo.Kombinga ya Nakathingo, Nangombe ota ti kutya iilyo ya NABTA oya li ya hala okuninga oshigongi mOshakati nuumvo, ndele Nakathingo nguka te shi kala moshipala noku shi kelela shi haningwe, nonande sha li sha hiya aanenentu mEpangelo nosho tuu.”Onkee nomwaashoka okwiimonekitha ondjo ndjoka ya vulu oku mu tidhitha thiluthilu mehangano,”Nangombe ta ti ngawo.Shi nna sha netulo lyedhina lye moshilimbo shEhangano nosho wo kOofooloma dhEhangano nokUukalata, omusmaane Nangombe okwa ti kutya shoka kashi na nande oshilonga, omalunduluko ashike a eta po, ge li nawa notaga tungu Ehangano nawa shi vulithe.Nangombe ota ti onkalo yomaenditho gomoondjila ano gOndalasipota ngashi kOnooli, hoka kwa kala oonakutidhwa mbaka, onkee ya naipala nayi nokayi li melandulathano.Ya pumbwa okutulwa melandulathano, ashike nee ota ti kutya hakwaambaka ya tidhwa nenge e ya kutha manga miilonga.Ta ti iilyo yEhangano kOnooli, oya hala okuninga oshigongi, moka tayi ka kundathana onkalo yomaenditho guumbesa nuutekisa nokuwete kutya oshigongi shoka osho ashike sha pumbiwa oshoka otashi ka tunga onakuyiwa yEhangano, na haashoka nande shoontamanana tashi pulwa koonakutidhwa mEhangano mboka.”Ondi wete kutya mboka oyi ulika nale kutya itaya vulu okunana Ehangano ndika, na onawa ya ze mo nenge ya kale pevi ngawo,”omusamane Nangombe ta ti ngawo.