Oonakugumwa kefundja pu Dolam ya pewa omulalo pokapale ka Sam Nujoma

M UNI gwa Venduka okwa gandja omulalo kaantu ye li 139 mboka omagumbo gawa mwa li mwa tondokele omeya ogendji gefundja pu Dolam mu Katutura mEtitatu lyoshiwike sha zi ko.

Omagumbo ngaka ge li 14, oge li konima yokapale ketanga lyokoompadhi ka Sam Nujoma Stadium na aantu mbaka otaya popi kutya etungululo lyokapale haka olya hengenitha noonkondo kuyo omulamba ngoka gu li konima yomagumbo gawo. Sho nee omvula onene ya loko mEtitatu, omeya oga nuka mo gu uka momagumbo gawo.Omeya ngaka oga li ga yonagula iikulya nosho wo ga gwitha ko olusheno.Pamushangwa, Muni gwa Venduka okwa ti Oshikondo shOmakwathelo gopaulumompumwe mOmbelewa yOmuprima nehangano lyOmushigakano omutiligane, nadho odhe ya ndjoina wo mokukwathela aantu mbaka ngashi niikulya nomakumbatha.Muni okwa ti oshigwana oshi na okukala sha tala kutya mOshilandopangelo omu na oondjila dhimwe dha nika oshiponga noonkondo uuna taku lokwa na kadhi na okweendwa manga.Omahala ngoka ga nika aniwa oshiponga uuna taku lokwa ongashi mepandaanda lya Hippocrates, okoona yepandaanda lya Rand na Shangahai, Clemens Kapuuo, ondjila onene ya Nelson Mandela Avenue, epandaanda lya Von Eckenbrecher nopontopa ya Avis.Sho nee omvula onene ya loko mEtitatu, omeya oga nuka mo gu uka momagumbo gawo.Omeya ngaka oga li ga yonagula iikulya nosho wo ga gwitha ko olusheno.Pamushangwa, Muni gwa Venduka okwa ti Oshikondo shOmakwathelo gopaulumompumwe mOmbelewa yOmuprima nehangano lyOmushigakano omutiligane, nadho odhe ya ndjoina wo mokukwathela aantu mbaka ngashi niikulya nomakumbatha.Muni okwa ti oshigwana oshi na okukala sha tala kutya mOshilandopangelo omu na oondjila dhimwe dha nika oshiponga noonkondo uuna taku lokwa na kadhi na okweendwa manga.Omahala ngoka ga nika aniwa oshiponga uuna taku lokwa ongashi mepandaanda lya Hippocrates, okoona yepandaanda lya Rand na Shangahai, Clemens Kapuuo, ondjila onene ya Nelson Mandela Avenue, epandaanda lya Von Eckenbrecher nopontopa ya Avis.