Oompito dhiilonga mepangelo ota dhi kalekelwa aanona yomekondjo

EPANGELO olya tokola kutya iilonga ayihe yomepangelo yopoondondo dhopetameko otayi kalekelwa aanona mboka ya valelwa mekondjelo manguluko.

Momushangwa tseyitho ngoka tagu dhingoloka noombelewa dhepangelo,ombelewa yOminista Onkuluntu oya gandja elombwelo kutya iilonga ayihe mbyoka kaayina aalongi mepangelo, momahangano gepangelo, ina yi tulwa nando omuntu, omanga ekuto lyuunona womekondjo inaali pwa okuningwa.Ominista Onkuluntu, Nahas Angula okwa lombwele oThe Namibian kutya epangelo olya odhekamo konyala omahala giilonga ge li 8 000 gopevi lela ngoka taga vulu okutulwa aanona yomekondjo.Angula okwa indile kaakwashigwana yaa taleko shika ongo etongolo lyaagundjuka yalwe mboka kaayena iilonga.Okwa ulike kutya iilonga ayihe yithike mpaka ina yi gandjelwa omutengenekwa mwaalu gwiimaliwa, ta ti iipumbiwa ayihe kombinga yoshilonga kehe oyi na okugwanithwa po ngele oshilonga shoka otashi pewa omuntu eshi longe.Angula oku na omukumo kutya oshigwana ota shi uvuko etokolo ndika lyepangelo notashi ka ambidhidha epangelo mushika. Ta ti shika inashi ta li ka ko ongo okutongola, ndele shi uvikiweko ongo onkambadhala yepangelo okutululula aanona mbaka mokati koshigwana.Omuwiliki gwo APP Ignatius Shixwameni okwa pangula etokolo ndika tati epangelo olya kwatwa ombambyona kaanona mbaka. Okwa ti pemanguluko aantu 42 000 oya galukile okuza muundjendi na oya kala ye li ondjoko ondhigu kepangelo nkene ya thikile muka.Okwa ti epangelo ota li tongola sho ta li topola aantu moongundu dhaamboka ya li pondje naamboka yakala meni lyoshilongo, mboka yakala meni lyoshilongo oya talikwa ko ongaa kwashigwana yomongundu ontiyali.Shixwameni okwa ti okwaana iilonga ohaku gumu kehe gumwe onkene aantu ayehe naya yakulwe shithike pamwe. Nonando elombwelo opo lya gandjwa ngashingeyi kutya aanona yomekondjo naya tulwe miilonga yaholomende, opwa kala nale puna omathaneko oku za muJuni opo aanona mbaka ya tulwe miilonga yepangelo .Angula okwa ti epangelo ota li konakona onkalo nokutala kutya iilonga yithike peni yi lipo.Okwa ti epangelo ota li longo opo lipe aanona mbaka ompito opo yiilonge yamone ontseyo nuungomba washa., ngele hasho ota ya kala ashike pondondo yopeviivii miilonga yepangelo.