Oompangu dha kundathanwa mOshakati

O MINISTELI yUuyuki nUuhahendendjai wEpangelo meme Pendukeni Iivula-Ithana pamwe nOministeli yEpopilo nEgameno lyOshigwana Peter Tshirumbu Tsheehama nAanambelewa yawo Aakuluntu, ohela oya thikile mOshakati moka ya kundathana iinima oyindji ya pamba Omauministeli gawo, unene tuu mboka wUuyuki nOompangu.

The Namibian okwa kundana wo kutya nOmuwiliki gwOshikondo shoka tashi ungaunga nIilonga yokukelela Uulingilingi nIimbuluma moshilongo Omupanguli Paulus Noa nAanambelewa ye Aakuluntu naye wo okwa thika moNooli nota pulakene nokukonaakona omaulingilingi niimbuluma yi ili noyi ili, unene tuu mOmauministeli gEpangelo noshowo mIikondo mbyoka ya yama kEpangelo nayilwe wo. Oshigongi shOministeli yUuyuki naandjoka yOpolisi osha ningilwe nee ohela pOombelewa dha Mangestrata noshizemo otatu shi tseyitha muule woshiwike tashi ya.Pakashona hoka twa uvile po, oshi li ngeyi kutya oonkundathana ndhika odha li dha kwandjangele unene kombinga yelundululo lyokupangula mOompangu dhOomangestrata opo iipotha yi kale tayi endelelwa po nokupangulwa nziya.Ano yi kale itayi tsilikwa we ethimbo ele.Ku longithwe omukalo ngoka tagu endelelitha epangulo lyoonakufekelwa niipotha yi kale tayi pu nziya kupangulwa.Kombinga yeholokopo lyOmuwiliki gwOshikondo shOkukonaakona Uulingilingi moshigwana, tate Paulus Noa, otaku popiwa kutya okwe ya a mana mo noyindji mbyoka ya lopotwa kOmbelewa ye okuzilila koNooli huka ote ke yi konaakona nokuninga po sha meendelelo ngashi tashi vulika.Oshigongi shOministeli yUuyuki naandjoka yOpolisi osha ningilwe nee ohela pOombelewa dha Mangestrata noshizemo otatu shi tseyitha muule woshiwike tashi ya.Pakashona hoka twa uvile po, oshi li ngeyi kutya oonkundathana ndhika odha li dha kwandjangele unene kombinga yelundululo lyokupangula mOompangu dhOomangestrata opo iipotha yi kale tayi endelelwa po nokupangulwa nziya. Ano yi kale itayi tsilikwa we ethimbo ele.Ku longithwe omukalo ngoka tagu endelelitha epangulo lyoonakufekelwa niipotha yi kale tayi pu nziya kupangulwa.Kombinga yeholokopo lyOmuwiliki gwOshikondo shOkukonaakona Uulingilingi moshigwana, tate Paulus Noa, otaku popiwa kutya okwe ya a mana mo noyindji mbyoka ya lopotwa kOmbelewa ye okuzilila koNooli huka ote ke yi konaakona nokuninga po sha meendelelo ngashi tashi vulika.