OSHILONGO ota shi ka mona oontotwampango moshitopolwa shuunamapya nuuniimuna mbala. Ompango yimwe oondjoka yi na sha Naamuni yiimeno nonkwawo oyi na sha nuuthemba waanafaalama.
Okabinete oka koleke oompango ndhika mbali pethimbo lyoshigongi shako , na oka lombwele Uuministeli wUunamapya Niimuna wu tule oompango ndhika mbali poshitaafula megumbo lyopashigwana.Pamushangwa gwoKabinete Namibia oye oshilongo shimwe moshitopolwa sha SADC inaa shi tunga po natango ontotwampango yi na sha naa Muni yiimeno noshowo Uuthemba waanafaalama.Omushangwa ogwa ti shika osha nkundipaleke iilonga yoshilongo moshitopolwa shoku muna niimeno noshowo okukaleka po oombuto dhi ili nodhi ili dhiimeno moshilongo.Shika osha sitha uunye omahangano gokuhololapo oombuto gaa pungule muka oshoka iilonga yago ina yi gamenwa nando oko mpango yasha.Etotepo lyompango ndjika ota li fala sigo oompoka kutya ehumithokomeho lyoombuto ota li ka longwa nalyo na oshilongo ota shi kakala noombuto dhomaludhi ogendji.Ompango ndjika otayi gandja ompito opo pu dhikwe omulandu gwokugamena iimeno yomaludhi, noshowo omukalo gwokweetapo iimeno yomaludhi omape, ota yi gandja woo nokugamena uuthemba waalongi yoombuto noshowo waanafaalama. Ota yi gandja omulandu gwo ku tunga po oshiketha shoshigwana shina sha nuukwatya womuule wiikwaimeno.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
