OPOLSI oya tameka omakonakono sho oshimaliwa shOondola oomiliyuna ndatu, dha kana mOmpangu ya Mengestrata mu Katutura.
Mengetrata omukuluntu mOmpangu ndjika, Rina Horn, okwe shi koleke kutya oshimaliwa shika osha kana mo shili miiketha yawo. Molwashoka aniwa omakonkono mu shika opo ashike ga tameke, Mengestrata Horn ina tya sha oshindji koshinima shika.
Oshimaliwa shika osha li aniwa shi na okulongithwa mokugandja uumbangi moshipotha shimwe shi li mOmpangu yOpashgitopolwa.
Omugandjimulombo gwOpolisi, Warrant Officer Stephan Nuuyi okwa ti moshimaliwa shika omu na omaludhi giimaliwa oyindji na kumwe oshihe osha thika pOondola oomiliyuna ndatu.
Nuuyi okwa ti momwaalu gwoshimaliwa shika omu na Oondola dha Namibia, Oondola dhAamerika, Ooranda dha South Afrika nOopula dha Botswana na kOmpangu ndjika osha li sha falwa ko mu Febulauli.
Ihe meti: 17 lyomwedhi nguka, osha li sha monika mo kutya oshako moka sha li kayi mo mOmpangu. Inaku kwatwa natango omuntu shi na sha noshinima shika.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
