Oomeme ya dhana esiku lyawo mOshakati nokwiindila uuthemba wawo u simanekwe

E SIKU lyOomeme lyOpaigwana ndjoka hali dhanwa aluhe meti 8 Maalitsa muuyuni, mOshakati olya dhanwa mo mEtine ndika lya zi ko kohi yEhangano lyOomeme lyedhina Young Women’s Christian Association (Ehangano lyOomeme Aanyasha Aakriste) (YWCA) ndjoka hali wilikwa ku meme Anita Isaacs na Manuela Guandalini yomOshakati.

Meme Isaacs ota ti kutya esiku lyawo olya li unene tali popi kombinga yomakwatonkonga goomeme nuunona nomahepeko gawo. Metine, oomeme oya gongala pooha dhOsasiona yOpolisi mOshakati ya yedha omaplakate gawo moka ya shanga taya indile uuthemba woomeme nuunona wu simanekwe nokukala itaya hepekwa we.Oya zi mpoka ya kwatelwa komeho kOpolisi nokufala omukanda gwawo gwomalombwelo ku Ngoloneya ya Shana, omusamane Klemens Kashuupulwa.Ashike molwashoka Gavena Kashuupulwa ina adhika po, oya pewa omunambelewa Omukuluntupitithi mOshitopolwa sha Shana tate John Kandombo, ngoka a ti kutya ote gu thikitha momake ga Gavena sho ta galukile mo ishewe mombelewa ye.Momukanda gwawo gwomalombwelo, oomeme mbaka otaya ti kutya nonando pwa ningwa Ooveta ngashi ndjoka yi na sha nOmakwatonkonga naandjoka yOmahepekathano gomOmagumbo, omakwatonkonga goomeme nuunona onkee ngaa taga tsikile, go omahepeko goomeme nuunona nago onkee ngaa taga tsikile, ngashi taku uhala taku kundanwa miikundaneki nosho tuu.Omadhipago nee ngeya goomeme nuunona itaga popiwa.Oomeme otaya mono iihuna molwashoka kaye shi uuthemba wawo, unene tuu mboka wokulopota omaningilonayi nomahepeko.”Nonando Uuministeli wUukalinawa wa ti kutya ekwato kombuto yoHIV, pomathimbo ngaka, oyi li po tayi ende tayi shuna pevi, tse oomeme onkee tu wete kutya ombuto ndjoka onkee tayi taandelithwa kwaamboka unene haya kwata aantu koonkondo,”meme Isaacs ta ti ngawo.Oomeme oya indila nee kutya Ooveta ndhoka mbali dha tumbulwa metetekelo dhi tulwe miilonga sha yaga kegonga nomeendelelo dho dhi etwe wo koshigwana shi dhi uve ko nawa.Kutya iipotha yomakwatonkonga yi talike ko kOompangu ongiipotha iinene noyi ungaungiwe nayo tango.Kutya kugandjwe ehungomwenyo lyiihwapo koonakukwatwonkonga.Kutya aawiliki ya kale haya popi nomuthindo oHIV/AIDS nomahepekathano gomomagumbo uuna taya popitha oshigwana, unene tuu moshipopiwa shoka oshinene shOpashigwana noshilongo.Kutya ootate, unene tuu mboka ye li iilyo yOmutumba gwOpashigwana ya kale haya popi nokukumagidha ootate yakwawo, na noomeme oshowo.Kombinga yoonakukwatonkonga, ngele oya zi mo mondholongo, naya tumwe kiiputudhilo yezulonkalo opo ya ka zulwe nawa, manga inaya ya mokati koshigwana.Olyomakaya mOngwediva, oomeme oya popithwa koshilyo shOmutumba gwOpashigwana tate Peya Mushelenga.Metine, oomeme oya gongala pooha dhOsasiona yOpolisi mOshakati ya yedha omaplakate gawo moka ya shanga taya indile uuthemba woomeme nuunona wu simanekwe nokukala itaya hepekwa we.Oya zi mpoka ya kwatelwa komeho kOpolisi nokufala omukanda gwawo gwomalombwelo ku Ngoloneya ya Shana, omusamane Klemens Kashuupulwa.Ashike molwashoka Gavena Kashuupulwa ina adhika po, oya pewa omunambelewa Omukuluntupitithi mOshitopolwa sha Shana tate John Kandombo, ngoka a ti kutya ote gu thikitha momake ga Gavena sho ta galukile mo ishewe mombelewa ye.Momukanda gwawo gwomalombwelo, oomeme mbaka otaya ti kutya nonando pwa ningwa Ooveta ngashi ndjoka yi na sha nOmakwatonkonga naandjoka yOmahepekathano gomOmagumbo, omakwatonkonga goomeme nuunona onkee ngaa taga tsikile, go omahepeko goomeme nuunona nago onkee ngaa taga tsikile, ngashi taku uhala taku kundanwa miikundaneki nosho tuu.Omadhipago nee ngeya goomeme nuunona itaga popiwa.Oomeme otaya mono iihuna molwashoka kaye shi uuthemba wawo, unene tuu mboka wokulopota omaningilonayi nomahepeko.”Nonando Uuministeli wUukalinawa wa ti kutya ekwato kombuto yoHIV, pomathimbo ngaka, oyi li po tayi ende tayi shuna pevi, tse oomeme onkee tu wete kutya ombuto ndjoka onkee tayi taandelithwa kwaamboka unene haya kwata aantu koonkondo,”meme Isaacs ta ti ngawo.Oomeme oya indila nee kutya Ooveta ndhoka mbali dha tumbulwa metetekelo dhi tulwe miilonga sha yaga kegonga nomeendelelo dho dhi etwe wo koshigwana shi dhi uve ko nawa.Kutya iipotha yomakwatonkonga yi talike ko kOompangu ongiipotha iinene noyi ungaungiwe nayo tango. Kutya kugandjwe ehungomwenyo lyiihwapo koonakukwatwonkonga.Kutya aawiliki ya kale haya popi nomuthindo oHIV/AIDS nomahepekathano gomomagumbo uuna taya popitha oshigwana, unene tuu moshipopiwa shoka oshinene shOpashigwana noshilongo.Kutya ootate, unene tuu mboka ye li iilyo yOmutumba gwOpashigwana ya kale haya popi nokukumagidha ootate yakwawo, na noomeme oshowo.Kombinga yoonakukwatonkonga, ngele oya zi mo mondholongo, naya tumwe kiiputudhilo yezulonkalo opo ya ka zulwe nawa, manga inaya ya mokati koshigwana.Olyomakaya mOngwediva, oomeme oya popithwa koshilyo shOmutumba gwOpashigwana tate Peya Mushelenga.