Oombwa nadhi kale momalugumbo alikana

PETHIMBO ta tula pOshitaafula Omulekeneno gwEmbo lyomumvo 2012/2013, Meya gwa Shakati Onesimus Shilunga okwa ti kutya aakalimo yomOshakati otaya ka lombwelwa ya kale haya dhiginine oombwa dhawo, ano dhi kale meni lyoohofa dhawo, na kashi shi dhi kale tadhi endagula pondje momapandaanda moka nokupiyaganeka aantu nenge dhi yalye nokukwatwa komukithi gwendambi.
Meya gwOpevi gwa Shakati, Katrina Shimbulu, oye a yambidhidha osheetwapo shika.

Ta ti kutya edhilaadhilo ndyoka lya etwa po kElelo alihe lya Shakati kutya ooyene yoombwa mOshakati ya kale taya dhiginine oombwa dhawo moohofa dhawo oshinima shi li mondjila lela naakalimo oye na okulombwelwa oshinima shoka yi iyuthe koveta nenge keutho ndyoka.Kaansela Shimbulu ta ti, Elelo olya tula po nale nokuli ofuto yaangoka ombwa yoye tayi ka adhika ku Muni a li pondje yohofa yoye. Shimbulu ta ti ombwa onkiintu tayi ka adhika pondje yohofa yamwene, sho tayi kwatwa po ku Muni noku ka edhililwa, otayi ka futilwa ko ooN$60.00, omanga ndjoka ondumentu tayi futilwa ko ooN$50.00.Elelo lya Shakati ota li lombwele nokukunkilila ano Aashakati kutya ya kale taya dhiginine oombwa dhawo, na ngele hasho naya kale yi ilongekidhila ofuto ndjoka, uuna oombwa dhawo tadhi adhika pondje yoohofa dhawo.

In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.

The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.