Oombotsotso mbali dha yuga pOkatana nokuyaka po ohauto, dha kwatwa po kOpolisi

OPOLISI mOshakati oya kwata po aalumentu aagundjuka yaali shi na sha neyugo lyOsitola yopOkatana nohauto kwahomatiwa omutenya gwOsoondaha ya zi ko.

Komanda gwOpolisi mOshitopolwa sha Shana, Komufala gwOpevi gwOpolisi Ndahangwapo Kashihakumwa ta ti kutya aamentu mbaka yaali omutenya gwOosoondaha ya zi ko oya yi pOsitola yopOkatana yedhina Omutshona Mini Market. Gumwe aniwa okwa tameke ta holo omukadhona gumwe gwomaalandithi moka nokonima okwa kutha mo ondjembo yOmbistoli, te yi ganeke oonakulanditha noku ya pula ye ya pe iimaliwa.Taye ya thiminike nomatilitho goku ya dhipaga ngele itaye ya pe iimaliwa.Oya yi momashina naampoka pwa li pwa pungulwa iimaliwa noku yi kutha mo.Taku tiwa kutya oya kutha mo iimaliwa yi vule lwopomayovi gaali lwaampoka.Taya kutha aakadhona mboka haya landitha moka uuselefona wawo noshowo uulyenge wawo womoothingo noku ya manga ndele taye ya tula kokaololo kamwe mOsitola moka noku ya lombwela kutya inayi inyenga na inaya za mo mOsitola moka.Manga aniwa ye li mpoka, opwe ya omugundjuka gwomumati e li mohauto ye yotuukara.Oye mu nana mo mohauto.Ta ye mu yeke iipatululo yohauto ye ndjoka.Taye mu kwata noku mu umbila meni lyOsitola, pokakololo mpoka ya li ya thiminikila oonakulanditha.Taya yi mohauto yomugundjuka ngoka noku yi hinga po ya thinda kOshakati.Gumwe gwomoonakulanitha okwa dhengele kOpolisi kOshakati nOpolisi oya kutha iihauto yi ye ko.Manga ngeno oombotsotso mboka yaali taya thiki lwopu Amunghambya mOshakati, oye wete sho omakootili ga Kashihakumwa ga tsima ko, guukilila mu yo.Aamentu oya mbilike okahuto kaantu hoka ya li nako.Taya nuka mo niimaliwa yawo kumwe nuulyenge wawo nokufadhuka po ya thinda moshana shEhenye moka.Aapolisi yamwe nayo oya nuka mo miihauto noku ya tidha sigo taye ya kwata.Yimwe yomiimaliwa oya kwatwa nayo noshowo ondjembo ndjoka yOmbistoli ya yugu nayo wo oya adhika ye yi na noya kuthwa ko ku yo kOpolisi.Oya ningilwa oshipotha sheyugo kwahomatiwa.Aamentu mbaka oya li nee ye na okuholoka mOmpangu ya Mengestrata mOshakati mOmaandaha mOshipotha shoka sheyugo kwahomatiwa.Shika oshikando oshitiyali shohauto tayi kuthwa miikaha yoombotsotso konima ashike yethimbo efupi lela sho ye yi yakele po.Oshiwike shiya sha zile ko, Opolisi oya kwatele wo ohauto yomukwashigwana gumwe gwomOshakati meni ashike lyoominute 30 sho ya yakelwe po kookalyamupombo pOngeshefa ye mOshakati moka.mIikando ayihe mbika iyali, Opolisi oya ti kutya ashihe osha pondolwa po omolu aakwashigwana mboka ya endelele okulopota kOpolisi nOpolisi oya endelele mokuyamukula kolopota yoshigwana.Komanda Kashihakumwa ota pandula noonkondo Opolisi ye noshowo oshigwana sho tashi longele kumwe nawa nOpolisi ngeyi.Ta ti kutya osho nashi tsikile ngawo.Kashihakumwa ta gwedha po ta ti kutya shoshene osha yela kutya oshigwana osha vulwa uufuthi nuulingilingi nosha tokola toko okulongela kumwe nOpolisi nelalakano lyokuvudha mo sheke uufuthi nuulingilingi moshilongo, unene tuu mOshitopolwa sha Shana.Gumwe aniwa okwa tameke ta holo omukadhona gumwe gwomaalandithi moka nokonima okwa kutha mo ondjembo yOmbistoli, te yi ganeke oonakulanditha noku ya pula ye ya pe iimaliwa.Taye ya thiminike nomatilitho goku ya dhipaga ngele itaye ya pe iimaliwa.Oya yi momashina naampoka pwa li pwa pungulwa iimaliwa noku yi kutha mo.Taku tiwa kutya oya kutha mo iimaliwa yi vule lwopomayovi gaali lwaampoka.Taya kutha aakadhona mboka haya landitha moka uuselefona wawo noshowo uulyenge wawo womoothingo noku ya manga ndele taye ya tula kokaololo kamwe mOsitola moka noku ya lombwela kutya inayi inyenga na inaya za mo mOsitola moka.Manga aniwa ye li mpoka, opwe ya omugundjuka gwomumati e li mohauto ye yotuukara.Oye mu nana mo mohauto.Ta ye mu yeke iipatululo yohauto ye ndjoka.Taye mu kwata noku mu umbila meni lyOsitola, pokakololo mpoka ya li ya thiminikila oonakulanditha.Taya yi mohauto yomugundjuka ngoka noku yi hinga po ya thinda kOshakati.Gumwe gwomoonakulanitha okwa dhengele kOpolisi kOshakati nOpolisi oya kutha iihauto yi ye ko.Manga ngeno oombotsotso mboka yaali taya thiki lwopu Amunghambya mOshakati, oye wete sho omakootili ga Kashihakumwa ga tsima ko, guukilila mu yo.Aamentu oya mbilike okahuto kaantu hoka ya li nako.Taya nuka mo niimaliwa yawo kumwe nuulyenge wawo nokufadhuka po ya thinda moshana shEhenye moka.Aapolisi yamwe nayo oya nuka mo miihauto noku ya tidha sigo taye ya kwata.Yimwe yomiimaliwa oya kwatwa nayo noshowo ondjembo ndjoka yOmbistoli ya yugu nayo wo oya adhika ye yi na noya kuthwa ko ku yo kOpolisi.Oya ningilwa oshipotha sheyugo kwahomatiwa.Aamentu mbaka oya li nee ye na okuholoka mOmpangu ya Mengestrata mOshakati mOmaandaha mOshipotha shoka sheyugo kwahomatiwa.Shika oshikando oshitiyali shohauto tayi kuthwa miikaha yoombotsotso konima ashike yethimbo efupi lela sho ye yi yakele po.Oshiwike shiya sha zile ko, Opolisi oya kwatele wo ohauto yomukwashigwana gumwe gwomOshakati meni ashike lyoominute 30 sho ya yakelwe po kookalyamupombo pOngeshefa ye mOshakati moka.mIikando ayihe mbika iyali, Opolisi oya ti kutya ashihe osha pondolwa po omolu aakwashigwana mboka ya endelele okulopota kOpolisi nOpolisi oya endelele mokuyamukula kolopota yoshigwana.Komanda Kashihakumwa ota pandula noonkondo Opolisi ye noshowo oshigwana sho tashi longele kumwe nawa nOpolisi ngeyi.Ta ti kutya osho nashi tsikile ngawo.Kashihakumwa ta gwedha po ta ti kutya shoshene osha yela kutya oshigwana osha vulwa uufuthi nuulingilingi nosha tokola toko okulongela kumwe nOpolisi nelalakano lyokuvudha mo sheke uufuthi nuulingilingi moshilongo, unene tuu mOshitopolwa sha Shana.