OoMbome ta ya ti Petrina Mbome omwana gwawo pwaana malimbililo

MOLWA omapopyo ogendji taga shundula noku ula nayi efamilia lyaMbome omukalimo gwomoshilando shaMbaye kutya aniwa oye na omunona ndele ngoka ta ti oye he, keshi aniwa he, ezimo ndika olya ningitha omakonaakono gopaunamiti opo omalimbililo agehe ga zepo.

Yina yomunona okwa ti yamwe yomomudhingoloko gwoshilando oha ye mu popile muuwinayi nokumulundila sigo oompoka kutya oku na omunona ndele nguka aniwa ina valwa komusamane gwe.Shika oshe mu thiminike opo ya ningithe omakonaakono ngoka ga ulike kutya omunona ta popiwa okwa valwa shili kuhe ngoka ta ku popiwa haaye he aniwa.Mbaka ota ya indile mboka taa popi nokutaandeleka omitoto ndhoka dhaashi dhoshili ye dhi hulithe po. Oya indile mboka taa popi ndhika opo ya popye kutya he yomunona ta popiwa olye, na ota ya ti kutya oyi ilongekidha oku ka konakonitha mboka ta ya ti oyo oohe yomunona nguka, opo pu monike ngele oyo shi li ya vala omunona ngoka.Aakuluntu mbaka ya Petrina Mbome oya uvaneke kutya ngoka iilongekidha okukonakonwa ita ka futa sha molwa omakonakono ngoka.Oya indile ya mana mo kutya oohapu dhiifundja ndhoka dha popiwa ethimbo ele odha pumbwa okuhula po unene okuziilila maaniilonga yomokampani noshowo mobautu dhomoshilando moka. Oya ti mboka taya kongo uuyelele kutya shika osho shili ota ya dhenge koongodhi tadhi landula,081447839 Amon Mbome nokongodhi 08124395423 Saima Mbome.