Oombepo dha nyata dhi iteyela mOsikola ya Ndukuta mUukwaluudhi

O OMBEPO dha nyata ndhoka dha kala omumvo 2005 nomvula ya zi ko tadhi hepeke aanasikola yamwe yopOsikola ya Mumbwenge mOndonga mOshitopolwa sha Hangwena, mEtiyali lyoshiwike sha zi ko odhi iteyele pOsikola yaanona ya Ndukuta mUukwaluudhi mOshitopolwa sha Musati nokuya maanona ye li 32.

Omukuluntusikola pOsikola mpoka Elizabeth Haitembu ta hokololele Oshifo shika kutya osikola yawo oya adhika kuudhigu uunene wu vule noonkondo dhawo. Posikola yawo pu na aanona kumwe ye li 460 lwaampoka.Ta ti meti 3 Apilili 2007, oya papala ashike aanona yaakadhona yamwe unene mboka yokuza mo Grade 8 sigo 10, taya thathala.Taya kugu.Taya punduka nokupopya kutya oye uvite taya pi yo ye wete iinima tayi ya piyaganeke.Oyendji yomuyo oyo mboka ye na oondunge posikola mpoka.mEtiyali moka, meme Haitembu ota ti, omwa tamekele ngaa yamwe po, ashike mEtitatu oya ende taya indjipala nomEtine osha li sha lula noonkondo.Oya lopotele Omutalelisikola gwawo gwOshikandjosikola sha Tsandi tate Laz Kankondi, nokwa longekidhwa aanona mboka ya falwe koshipangelo sha Tsandi nokUutapi.Oya ithana wo Oondohotola dhimwe dhokoTsandi dhi ye dhi tale nosho wo Aaniilonga yamwe yOnkalonawa okuzilila kOutapi mboka ya kambadhala okukonaakona nokuhunga omwenyo aanona posikola mpoka.Sho sha kala tashi pula komeho ngawo, meme Haitembu ota ti kutya Elelo lyOsikola olya tokola okutuma aanona mboka ya gwililwa po koombepo ndhika komagumbo, kumwe naamboka ya li koshipangelo uuna ya lalekwa.”Uunona mbuka sho wu li momagumbo, itau kambuka, ashike shampa ngaa we ya kOsikola yo iihuna oya tameka nokuli,” Haitembu ta popi.”Otwa tokola kutya uunona mboka wa kwatwa koombepo ndhoka wu ye komagumbo manga sigo omEtitano (nena), tu tale ngele tau ti po hwepo,” Haitembu ta hokololele ngaaka Oshifo shika.”Elongo pOsikola yetu mpaka olya yonuuka lela manga, oshoka aanona naalongi pethimbo ndika oye li mepiyagano enene lela niilonhga itayi ende we nawa, wo wo uunona itau ilongo we, owu li ashike muumbanda uunene nomepiyagano,” Meme Haitembu ta ti.Haitembu ta hokololele The Namibian kutya oshiwike shika sho aanona ya zi komagumbo konima yehuliloshiwike ele lyOpaasa, oya li ngaa ngeno ya tameka nawa, ashike sho ya ndhindhilike oombepo dha nyata tadhi tsikile natango pOsikola, oundji owa shuna komagumbo nopethimbo ndika pOsikola opu na owala aanasikola aashona lela, inaya thika nopetata lyaanona posikola mpaka.Pa meme Haitembu, aanasikola oya li ye na okutameka ekonaakono lyawo moshiwike tashi ya, ashike nee Elelosikola olya tokola kutya itaya ka shanga we ekonaakono mombepo yatya ngaaka.Otaya tala manga sho taya ka galuka kefudho kutya otashi kala ngiini, opo ando ya ka shange moshikako tashi ya nenge ngaa pokati mpoka ngashi tashi ka longekidhwa po kAawiliki yElongo pamwe nosikola.mEtiyali lya zi ko, meme Haitembu ota ti kutya oya li ya ithana po Aasita, Aakwambepo yokOongeleka dhi ili nodhi ili mewiliko lyOmusitagongalo gwEgongalo lya Ndukuta tate Tilves Taanyanda, mboka ye ya mehwata nokutameka taya galikanene aaanona.Taya tidha po oombepo dha nyata.Aanona mboka ya yile komagumbo konima sho ya kwatwa kuuvu woombepo ndhika nayo wo oye yile okugalikanenwa.mEtiyali moka manga Aasita inaya thika, yamwe yomaanona oya tamekele natango taya kambuka.Aasita sho ye li mpoka, yamwe wo oya kambuka nokonima sho Aasita ya shuna opwa kambuka wo yamwe nokuya komagumbo.Mboka haya kambuka aanasikola yaakadhona.”Nena oshi li ngaa hwepo, inapu kambuka omunona manganotwiitela kutya Omagalikano oga kwatha,”meme Haitembu ta lombwele The Namibian ngaaka mEtitatu lyoshiwike shika.Mokumonathana nOmuwiliki gwElongo mOshitopolwa sha Musati Lameck Kafidi, naye okwa koleke onkalo yoombepo ndhoka dha adha osikola ya Ndukuta.”Oshinima shoka kashi shi ando uuvu waantu taya ehama, oombepo ashike hadhi iteyele maanona pomathimbo gamwe, ngashi ngaa sha kala wo kOosikola dhilwe omathimbo ga zi ko nohashi ka hula ashike ethimbo ngele lya thiki.Osikola otayi tsikile ashike ngashi sha kala, itayi pata naalongwa mboka ya adhika komukithi nguka nokuya komagumbo otwe shi tala ko ashike efaulo ngashi omafaulo makwawo ge li notu wete kutya aanona otaya ka galukila ashike kosikola shampa oombepo dha tya ngawo dhe ya thigi po,” Kafidi ta ti ngaaka.Kombinga yeshango lyekonaakono (ootutsa) omwedhi nguka, tate Kafidi, oku na edhiladhilo inali fa lyOmukuluntusikola.Ta ti kutya aanasikola pOsikola mpoka oye na ashike okushanga omakonaakono, itaya imbwa konkalo ndjoka ya adha yamwe ashike yomaalongwa.”Oyendji oye li nawa notaya vulu ashike okushanga omakonaakono gawo ngoka gomu Apilili manga inaa ya fudha pehulilo lyOmwedhi nguka,” Kafidi ta popi.Omukithi gwoombepo dha nyata dhatya ngeyi, okuza mu Juni lwaampoka momumvo 2005 sigo ometatamumvo lyomumvo 2006, odha kala tadhi piyaganeke Osikola ya Mumbwenge popepi nOshigambo mOndonga.Posikola yawo pu na aanona kumwe ye li 460 lwaampoka.Ta ti meti 3 Apilili 2007, oya papala ashike aanona yaakadhona yamwe unene mboka yokuza mo Grade 8 sigo 10, taya thathala.Taya kugu.Taya punduka nokupopya kutya oye uvite taya pi yo ye wete iinima tayi ya piyaganeke.Oyendji yomuyo oyo mboka ye na oondunge posikola mpoka.mEtiyali moka, meme Haitembu ota ti, omwa tamekele ngaa yamwe po, ashike mEtitatu oya ende taya indjipala nomEtine osha li sha lula noonkondo.Oya lopotele Omutalelisikola gwawo gwOshikandjosikola sha Tsandi tate Laz Kankondi, nokwa longekidhwa aanona mboka ya falwe koshipangelo sha Tsandi nokUutapi.Oya ithana wo Oondohotola dhimwe dhokoTsandi dhi ye dhi tale nosho wo Aaniilonga yamwe yOnkalonawa okuzilila kOutapi mboka ya kambadhala okukonaakona nokuhunga omwenyo aanona posikola mpoka.Sho sha kala tashi pula komeho ngawo, meme Haitembu ota ti kutya Elelo lyOsikola olya tokola okutuma aanona mboka ya gwililwa po koombepo ndhika komagumbo, kumwe naamboka ya li koshipangelo uuna ya lalekwa.”Uunona mbuka sho wu li momagumbo, itau kambuka, ashike shampa ngaa we ya kOsikola yo iihuna oya tameka nokuli,” Haitembu ta popi.”Otwa tokola kutya uunona mboka wa kwatwa koombepo ndhoka wu ye komagumbo manga sigo omEtitano (nena), tu tale ngele tau ti po hwepo,” Haitembu ta hokololele ngaaka Oshifo shika.”Elongo pOsikola yetu mpaka olya yonuuka lela manga, oshoka aanona naalongi pethimbo ndika oye li mepiyagano enene lela niilonhga itayi ende we nawa, wo wo uunona itau ilongo we, owu li ashike muumbanda uunene nomepiyagano,” Meme Haitembu ta ti.Haitembu ta hokololele The Namibian kutya oshiwike shika sho aanona ya zi komagumbo konima yehuliloshiwike ele lyOpaasa, oya li ngaa ngeno ya tameka nawa, ashike sho ya ndhindhilike oombepo dha nyata tadhi tsikile natango pOsikola, oundji owa shuna komagumbo nopethimbo ndika pOsikola opu na owala aanasikola aashona lela, inaya thika nopetata lyaanona posikola mpaka.Pa meme Haitembu, aanasikola oya li ye na okutameka ekonaakono lyawo moshiwike tashi ya, ashike nee Elelosikola olya tokola kutya itaya ka shanga we ekonaakono mombepo yatya ngaaka.Otaya tala manga sho taya ka galuka kefudho kutya otashi kala ngiini, opo ando ya ka shange moshikako tashi ya nenge ngaa pokati mpoka ngashi tashi ka longekidhwa po kAawiliki yElongo pamwe nosikola.mEtiyali lya zi ko, meme Haitembu ota ti kutya oya li ya ithana po Aasita, Aakwambepo yokOongeleka dhi ili nodhi ili mewiliko lyOmusitagongalo gwEgongalo lya Ndukuta tate Tilves Taanyanda, mboka ye ya mehwata nokutameka taya galikanene aaanona.Taya tidha po oombepo dha nyata.Aanona mboka ya yile komagumbo konima sho ya kwatwa kuuvu woombepo ndhika nayo wo oye yile okugalikanenwa.mEtiyali moka manga Aasita inaya thika, yamwe yomaanona oya tamekele natango taya kambuka.Aasita sho ye li mpoka, yamwe wo oya kambuka nokonima sho Aasita ya shuna opwa kambuka wo yamwe nokuya komagumbo.Mboka haya kambuka aanasikola yaakadhona.”Nena oshi li ngaa hwepo, inapu kambuka omunona manganotwiitela kutya Omagalikano oga kwatha,”meme Haitembu ta lombwele The Namibian ngaaka mEtitatu lyoshiwike shika.Mokumonathana nOmuwiliki gwElongo mOshitopolwa sha Musati Lameck Kafidi, naye okwa koleke onkalo yoombepo ndhoka dha adha osikola ya Ndukuta.”Oshinima shoka kashi shi ando uuvu waantu taya ehama, oombepo ashike hadhi iteyele maanona pomathimbo gamwe, ngashi ngaa sha kala wo kOosikola dhilwe omathimbo ga zi ko nohashi ka hula ashike ethimbo ngele lya thiki.Osikola otayi tsikile ashike ngashi sha kala, itayi pata naalongwa mboka ya adhika komukithi nguka nokuya komagumbo otwe shi tala ko ashike efaulo ngashi omafaulo makwawo ge li notu wete kutya aanona otaya ka galukila ashike kosikola shampa oombepo dha tya ngawo dhe ya thigi po,” Kafidi ta ti ngaaka.Kombinga yeshango lyekonaakono (ootutsa) omwedhi nguka, tate Kafidi, oku na edhiladhilo inali fa lyOmukuluntusikola.Ta ti kutya aanasikola pOsikola mpoka oye na ashike okushanga omakonaakono, itaya imbwa konkalo ndjoka ya adha yamwe ashike yomaalongwa.”Oyendji oye li nawa notaya vulu ashike okushanga omakonaakono gawo ngoka gomu Apilili manga inaa ya fudha pehulilo lyOmwedhi nguka,” Kafidi ta popi.Omukithi gwoombepo dha nyata dhatya ngeyi, okuza mu Juni lwaampoka momumvo 2005 sigo ometatamumvo lyomumvo 2006, odha kala tadhi piyaganeke Osikola ya Mumbwenge popepi nOshigambo mOndonga.