Oombepo dha nyata dhi iteyela momukunda Ongha mUukwanyama

O OMBEPO dha nyata odhi iteyele megumbo lyomusamane Denis Hamukanda momukunda Ongha mUukwanyama mOshitopolwa sha Hangwena, ndele tadhi fike po egumbo lye thiluthilu noku mu thiminika a tembuke mo nokuli, ashike nahoka a yi odhe mu landulile ko nokufika po wo egumbo hoka a tembukile naanengumbo lye ye li yatano.

Hamukanda ota hokololele The Namibian kutya okutameka meti 3 Juni 2008, megumbo lye omwi iteyela onkalo ondhigu lela yomulilo tagu fike po oondunda dhe neliko lye. Ta ti omulilo ngoka kagu shiwike kutya otagu zi peni.Omuntu oho papala ashike sho ondunda ya tema nenge iinima meni lyoondunda moongulu moka tayi pi po thilu.Iinima yawo ayihe ngashi iizalomwa niikulya, omaukwatya gawo gamwe nosho tuu, oya fikwa po thiluthilu komulilo ngoka.Tango aniwa omulilo ngoka ohagu fike ko omwiidhi gwokombanda.Tagu ya tagu fike ko iihenguti nokuza mpoka ondunda nee ayihe thiluthilu.Uunona we wu li une, wu li pokati koomvula ndatu nomulongonandatu, owa tameka tau mono omanima omaluudhe.Tau pondwa.Wu wete tau tsuwa nomikonda.Tau ehama.Tau kungu nokukwatwa koshimela nayi nayi shombinzi.Megumbo omu na omayoka ga nika oshiponga.Taga tidha aantu.Ta ti kutya sho a dhipaga po limwe, opwa kala gumwe gwomomukunda gwawo moka ta lili aniwa eyoka lye sho e li dhipaga po.Natango ta pu ya eyoka limwe, tali mu tidha nokwe li dhipaga.Mwene gwalyo, aniwa naye e li momukunda moka, okwe ya te mu pula eyoka lye.Te li popi nokuli kedhina kutya olyo namukwashikelele.Tate Denis ota ti sho kumwe naanegumbo lye ya lulilwa ngawo, megumbo oya tembuka mo nokuya kooyinamweno Elise Manya.Manga ye li hoka, meti 1 Juli 2008, oombepo dha nyata ndhika odhe ya landulile ko nokutameka tadhi fike po egumbo lya meme Elise Manya nokuya muunona womegumbo lye wu li uyali.Nawo wa tameke tau mono omanima, tau kambuka nokupunduka.Onkalo oya ningile meme Manya noshowo Denis naanegumbo lye ondhigu na Hamukanda okwa tokola pamwe negumbo lye ya ze mo mooyinamweno nokuya ya ka kale momwandi gu li popepi negumbo lya meme Manya.Komwandi hoka oya kala ko omasiku ge li 11, ngeno sha fa ngaa shi li hwepo, ashike manga esiku limwe ye li po, dho oombepo dha nyata odhuuluka momwandi moka nokutameka tadhi fike po omakumbatha, omalapi gawo gokoombete ngoka ya li taya longitha okulala po nenge okwiisikila yi igamene kombepo nokuutalala.Konima momwandi moka omwe ya eyoka na tate Hamukanda okwe li dhipaga.Hela nee e li dhipaga, yi yetela nee.Momunona gwawo gumwe aniwa omwa tameke ashike tamu popi mwene gweyoka ndyoka, te li pula noku ya pula kutya oye li dhipagela shik na naye li ete.Tate Denis ota ti kutya okwa katuka onkatiu yokukakonga Oondohotola dhoshiluudhe ndhoka dhe ya nokutameka tadhi minikile nokukonaakona uupyakadhi mboka wu li megumbo lye nosho wo megumbo lya meme Manya nomomwandi moka.Ethimbo alihe ndyoka ya kala taya piyaganekwa koombepo dha nyata ndhika, uunona wawo mboka hawu yi kOsikola, owa kala itau yi we kosikola nou li pevi sigo okesiku lyonena.Osikola yopomukunda gwawo Onamahoka.Tate Hamukanda ota ti kutya, kakele kokosikola yawo, uupyakadhi mboka okwe wu lopota wo noku Kansela gwawo meme Ruth Nhinda noshowo ku mwene gwomukunda gwawo.Pethimbo ndika, tate Hamukanda ota ti kutya uunona we uyali owa yiwa nawo kaakuluntu mboka taya lwitha oombepo dha nyata ndhika, ye ke wu pange noku wu eta kondjila, oshoka owa piyaganekwa nayi koombepo dhanyata ndhika.Ota ti kutya aantu mboka taya eta oombepo dha nyata megumbo lyenoku ya lambalala, oku ya shi.Yamwe okwa popya nayo noyiitaala kutya oyo taye shi ningi nelalakano.Ota ti okwe ya indila ye mu ethe noombepo dhawo dha nyata ndhika.Oshinima shomagumbo taga uhala taga pi moNooli, osha ninga ngaa nee hanga shomvula kehe noshigwana hashi adhika koonkalo ndhoka ohashi kala shi li momalimbililo omanene, molwashoka kashi shi omililo ndhoka mpoka tadhi zi na otadhi etwa kulye nokoshike.Omagumbo ge vulithe pu gahamano gomoNooli oga fikwa po nale komililo dholudhi ndoka.Aakalimo otaya indile omililo ndhoka dhi konaakonwe kutya ohadhi holoka po naanaa ngiini.Nange nee pamwe odhi na ooyene, ya popiwe nayo noya ethe po okuhepeka yakwawo ngawo.Ta ti omulilo ngoka kagu shiwike kutya otagu zi peni.Omuntu oho papala ashike sho ondunda ya tema nenge iinima meni lyoondunda moongulu moka tayi pi po thilu.Iinima yawo ayihe ngashi iizalomwa niikulya, omaukwatya gawo gamwe nosho tuu, oya fikwa po thiluthilu komulilo ngoka.Tango aniwa omulilo ngoka ohagu fike ko omwiidhi gwokombanda.Tagu ya tagu fike ko iihenguti nokuza mpoka ondunda nee ayihe thiluthilu.Uunona we wu li une, wu li pokati koomvula ndatu nomulongonandatu, owa tameka tau mono omanima omaluudhe.Tau pondwa.Wu wete tau tsuwa nomikonda.Tau ehama.Tau kungu nokukwatwa koshimela nayi nayi shombinzi.Megumbo omu na omayoka ga nika oshiponga.Taga tidha aantu.Ta ti kutya sho a dhipaga po limwe, opwa kala gumwe gwomomukunda gwawo moka ta lili aniwa eyoka lye sho e li dhipaga po.Natango ta pu ya eyoka limwe, tali mu tidha nokwe li dhipaga.Mwene gwalyo, aniwa naye e li momukunda moka, okwe ya te mu pula eyoka lye.Te li popi nokuli kedhina kutya olyo namukwashikelele.Tate Denis ota ti sho kumwe naanegumbo lye ya lulilwa ngawo, megumbo oya tembuka mo nokuya kooyinamweno Elise Manya.Manga ye li hoka, meti 1 Juli 2008, oombepo dha nyata ndhika odhe ya landulile ko nokutameka tadhi fike po egumbo lya meme Elise Manya nokuya muunona womegumbo lye wu li uyali.Nawo wa tameke tau mono omanima, tau kambuka nokupunduka.Onkalo oya ningile meme Manya noshowo Denis naanegumbo lye ondhigu na Hamukanda okwa tokola pamwe negumbo lye ya ze mo mooyinamweno nokuya ya ka kale momwandi gu li popepi negumbo lya meme Manya.Komwandi hoka oya kala ko omasiku ge li 11, ngeno sha fa ngaa shi li hwepo, ashike manga esiku limwe ye li po, dho oombepo dha nyata odhuuluka momwandi moka nokutameka tadhi fike po omakumbatha, omalapi gawo gokoombete ngoka ya li taya longitha okulala po nenge okwiisikila yi igamene kombepo nokuutalala.Konima momwandi moka omwe ya eyoka na tate Hamukanda okwe li dhipaga.Hela nee e li dhipaga, yi yetela nee.Momunona gwawo gumwe aniwa omwa tameke ashike tamu popi mwene gweyoka ndyoka, te li pula noku ya pula kutya oye li dhipagela shik na naye li ete.Tate Denis ota ti kutya okwa katuka onkatiu yokukakonga Oondohotola dhoshiluudhe ndhoka dhe ya nokutameka tadhi minikile nokukonaakona uupyakadhi mboka wu li megumbo lye nosho wo megumbo lya meme Manya nomomwandi moka.Ethimbo alihe ndyoka ya kala taya piyaganekwa koombepo dha nyata ndhika, uunona wawo mboka hawu yi kOsikola, owa kala itau yi we kosikola nou li pevi sigo okesiku lyonena.Osikola yopomukunda gwawo Onamahoka.Tate Hamukanda ota ti kutya, kakele kokosikola yawo, uupyakadhi mboka okwe wu lopota wo noku Kansela gwawo meme Ruth Nhinda noshowo ku mwene gwomukunda gwawo.Pethimbo ndika, tate Hamukanda ota ti kutya uunona we uyali owa yiwa nawo kaakuluntu mboka taya lwitha oombepo dha nyata ndhika, ye ke wu pange noku wu eta kondjila, oshoka owa piyaganekwa nayi koombepo dhanyata ndhika.Ota ti kutya aantu mboka taya eta oombepo dha nyata megumbo lyenoku ya lambalala, oku ya shi.Yamwe okwa popya nayo noyiitaala kutya oyo taye shi ningi nelalakano.Ota ti okwe ya indila ye mu ethe noombepo dhawo dha nyata ndhika.Oshinima shomagumbo taga uhala taga pi moNooli, osha ninga ngaa nee hanga shomvula kehe noshigwana hashi adhika koonkalo ndhoka ohashi kala shi li momalimbililo omanene, molwashoka kashi shi omililo ndhoka mpoka tadhi zi na otadhi etwa kulye nokoshike.Omagumbo ge vulithe pu gahamano gomoNooli oga fikwa po nale komililo dholudhi ndoka.Aakalimo otaya indile omililo ndhoka dhi konaakonwe kutya ohadhi holoka po naanaa ngiini.Nange nee pamwe odhi na ooyene, ya popiwe nayo noya ethe po okuhepeka yakwawo ngawo.