Ookansela yaVenduka haya zimine omishangwa ina ye dhi lesha

EWILIKO lyoshilando shaVenduka, ndyoka li na oshinakugwanithwa shokulela oshilando, aniwa olya kala ha li zimine omishangwahokololo dhewilikongundu(management Committee) uule woomvula ntano dha piti, nonando ina li lesha mo, li tseye kutya oshike naanaa sha nyolwa mo.

Meya gwaVenduka omusamane Mathew Shikongo shika okwa ti inashi ningwa we okuza moshigongi shokomwedhi shewiliko lyoshilando Omaandaha.Shika osha landula sho aawiliki yaali yoongundu dhompilameno, me Ilme Schneider gwoDTA nomusamane Werner Claasen gwo UDF ya tindi oku zimina omishangwa dhewilikongundu, ndhoka ya li ya pewa ethimbo efupi omanga oshigongi shocouncil nenge ewiliko ina shi tameka. Ewilikongundu olya thikama po miilyo yoSwapo ayike.Ewiliko lyoshilando olya li lya pulwa li zimine omishangwahokololo dhewilikongundu dhi li mbali na gumwe gwashewa.Ndele uuyelele mboka aaleleli ayehe ya li ye na kombinga yomishangwahokololo ndhika owo ashike oonomola kombinga yomishangwa ndhoka.Oshiholelwa ongaashi aawiliki oya li ashike ye shi kutya otaya ka zimina omushangwa gwonomola MC 14/2009 ngoka gwa za moshigongi shongundu ndjoka sha gongalele mo 17 Auguste 2009, no ya li ye na okuguzimina kakele kiinima ngaashi,PBS.1,BRB.2,BRB3, BRB 4, BRB5, BRB6, BRB9,BRB10,; HEW1,PWI,1PWI 2, noshowo REP 2.’Ota tu dhi zimine ngiini ngele iha tu pewa omishangwa ndhika?’ Claasen ta pula a hala oku uva.Meya Shikongo okwa zimine pamwe na ye e ta ti ka shi li pauyuuki okutegelela aaleli mbaka ya kale oshitopolwa shetokolo ngele yo ka ye na uuyelele.Omukuluntupitithi gwoshilando omusamane Niilo Taapopi ngoka oye e na oshinakugwanithwa sho kuandjaganeka omishangwa ndhika okwa ti oshinima oshi na sha nelelo.Oshoka ye sho a tameke iilonga maaMuni okwa adha omishangwa ndhika iha dhi gandjwa.Ndele councillor Linea Shaetonhodi gwo Swapo okwa yi mo ta ti oshinima shika osha li sha opalekwa nale, manga ye a li oshilyo shewilikongundu, sho ya tokolele kutya omishangwa na dhi kale hadhi gandjwa kaaleli ayehe pethimbo.Omunashipundi gwewilikongundu pethimbo ndino me Elaine Trepper okwa yi mo ta ti oya mweneke okugandja omishangwa molwaashoka ndhika odha li ha dhi yakelwa aatoolinkundana omanga yo ina ya ninga omatokolo gasha kudho.Meya Shikongo etompelo ndyoka lya gandjwa ku Trepper ka li eli nyanyukilwa nokwa tokola kutya uuyelele auhe wapumbiwa owu na oku pewa aawiliki ayehe pethimbo tashi pitile mombelewa ya Taapopi.