ONGUNDU yoSwapo oya tungu po omusholondondo gwaakalelipo yayo koshigongi shopashigwana mehulilo shiwike lyapiti.
Momusholondondo nguka omuna aakiintu omilongo 24, naalumentu omilongo 48.Paapelesenda aakiintu oye li oopelesenda omilongo (33,3) omanga aalumentu ye li oopelesenda omilongo (66,6) dhaa ulikwa kalelipo yoSwapo.Aakiintu omulongo nayaali oye li meni lyomilongo ne nahetatu momusholondondo omanga aakiintu yaali ayeke taya adhika meni lyomusholondondo gwookandidate omulongo nahetatu dhopetameko.Ookandidate dhoomeme ndhoka dhili momadhina gotango omulongo na ga hetatu odho me Pendukeni Iivula Ithana (2)me Petrina Haingura(8) okandidate dhaakiintu omulongo odhi li momusholondondo gwopokati komulongo nomugoyi(19) nomilongo ne nantano(45).Ookandidate ndhika odho Doreen Sioka(23), Saara Kuugongelwa-Amadhila(24), Loide Kasingo(29), Monica Nashandi(30), Lucia Witbooi(34), Angelika Muharukua(35), Auguste Xoagus(36), Rosalia Nghidinua(39), Sylvia Makgone(42) na Lempy Lucas(45).Oomeme mboka ye li pokati konomola ontimilongo ne na hamano sigo omilongo heyali nambali oyo, Juliet Kavetuna(50), Evelyne Taeyele Nawases(52), Alexia Ncube Manambo(53), Netumbo Nandi Ndaitwa(55), Lucia Basson(56), Teopolina Mushelenga(59),Becky Ndjoze Ojo(61), Sylvia Sheetekela Kandanga(62) Marlene Mungunda(63) Sussy Gideon(68), Ida Hoffman(71) na Hansina Christiaan(72).Ngele ando ongundu tayi pangele oyi mone ishewe iipundi omilongo ntano niitano mbyoka yi na ngashingeyi mOshigongi shOpashigwana otayi ka kala naakiintu omulongo na ya hamano moshigongi shoka, shika ota shi kala oopelesenda omilongo mbali nomugoyi (29) dhoomeme moparliamende.Moshigongi shOpashigwana, ngashingeyi oSwapo oyi na ekalelopo lyoomeme lyoopelesenda omilongo mbali naheyali (27,3) konima yomahogololo go 2004.Ngele ongundu yoSwapo oya mono ishewe iipundi omilongo (55) nena ekalelopo lyoomeme ota li yi pombanda noopelesenda mbali.Namibia oshilyo she euvathano li nasha noku kondjitha noshowo okweekelahi okatongotongo kombinga yaakiintu, ye oku li wo omushaini gwoBeijing Platform for Action noshowo gweigidho lyo SADC li na sha nuukashike kookantu nehumokomeho.Oshilongo oshi na woo omulandu gwasho gwopashigwana guukashike kookantu, moka Namibia uvaneke okwiindjipaleka omwaalu gwaakiintu pomithika adhihe dhopolitika nodho ku ninga omatokolo moshilongo.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
