Ookandidate dhaakiintu oontshona moSwapo

ONGUNDU yoSwapo oya ndopa oku sa oshimpwiyu kutya aakiintu oya kalelwa po momwaalu omunene. Ongundu ina yi adha elalakano lyoopelesenda 50 lyookandidate dhoomeme momusholondondo gwa hogololwa yOshigongi shOpashigwana.

Ewawa lyoomeme moSwapo oomvula mbali dha piti olya uvanekele ta li ka longa nuudhiginini opo omukalo gwokutungapo omusholondondo gwookandidate gu kale molupe lwo lwaala lwongolo. Ndele ewawa ndika olya ndopa mushika sho inaa li pingena po aakelelipo yatatu yokiitopolwa mboka ya kuthwa mo melandulathano lyaahogololwa molwaashoka yo oye li ookansela miitopolwa yawo.Oomeme mboka ya kuthwa mo oyo omupevi nashipundi gwe gumbo etiyali lyoParliamende Magreth Mensah-Williams, Gaven gwa Hardap me Katrina Hanse Himarwa na me Sophia Shaningwa gavena gwaKhomas.Mbaka oya kuthwa mo momusholondondo oshoka ongundu ina yi hala oku taalela omahogololo ga
gwedhwa po.Ewawa lyoomeme ina li vula we oku pingena po aa ulikwa mbaka, nonkene olya tumu ashike aantu ya heyali koshigongi hogololo, yaali yo muyo ya li aahogololwa.Kakele ka Amushanga Ndjai gwoSwapo ngoka eli petameko lela lyomusholondo gwookandidate, Petrina Haingura oye omukiintu omutiyali eli meni lyookandidate 19 momusholondondo, shika ota shi ulike kutya aakalelipo ina ya simaneka aakiintu.Oomeme mboka olwindji ha ya mono omawi ogendji ngele oya yi mehogololo oyo Libertine Amathila ngoka ta yi moshipundi shevululuko, Saara Kuugongelwa-Amadhila ngoka e li melandulathano lyomuperesidende, omanga mee Pendukeni Iivula Ithana okwa tulwa momusholondondo shaashi ye oku li gumwe gwaawiliki mboka ye li komehomeho gongundu.’Ombedhi na yi pewe Haingura.Okwa li e na okupingena po mbeyaka yatatu,’omukalelipo gumwe kongundu yehogololo a ti.Omukalelipo gumwe ishewe okwa ti ka pwa li ethimbo lya gwana okupingena po mboka yatatu nonando ewawa lyoomeme olya tumu aakalelipo yagwedhwa po yatano, konima sho oompango dha lundululwa kominute dha hugunina kaawiliki yane mboka ye li komeho gongundu.’Onda longo oshinakugwanithwa shandje’ Haingura a ti sho iikanyuna ombedhi.Okwa lombwele oThe Namibian kutya okwa talelapo iitopolwa ta kongo eyambidhidho, niitopolwa oya tumu oomeme kehogololo. Okwa ti onkambe onde yi eta pomeya ndele inandi vula oku yi thiminika yinwe.Namibia okwa shaina euvathano lya SADC ndyoka ta li pula, pu kale ekalelopo lyaakiintu lyo 50/50 pomithika adhihe dhepangelo.Ngashingeyi Oshigongi shOpashigwana oshina oopelesenda 30 dhaakalelipo yoomeme, shika oshi li kokule nelalakano lya SADC.Omwaalu nguka ota gu shuna pevi ngele okwa ta li wa kutya, me Marlene Mungunda, BeckyNdjoze Ojo, Eunice Ipinge,na Netumbo Nandi Ndaitwah ota shi vulika ya kale ina ya galukila kOshigongi shOpashigwana.Yamwe oya inekela kutya pamwe omupelesidende Pohamba ota ka ulika oomeme yahamano maantu mboka ha tula mOshigongi shOpashigwana omolwa ontseyo yawo.Ngele oya ulikwa aantu mboka yahamono iha ya kala ye na uuthemba wo ku ninga omatokolo ngele oshigongi osha pumbwa oku hogolola.