ONZI yontsezi yokarakulu oya landwa oodola omayuvi omilongo mbali nantano pomalanditho goonzi dholudhi nduka poKeetmanshoop metitatu lya ziko.
Oonzi adhihe kumwe omilongo hetatu odha li tadhi landithwa, nopandjele odhindji odha gu oodola 10 013 kehe yimwe.Omunafaalama Donny Oberholzer ngoka ha munu iimuna momudhingoloko gwa Karasburg oye a landa ontsezi ndjika yokarakulu kondando yi li pombanda yoodola 25 000.Ontsezi ndjika oya kokithwa komunafaalama Niel Karsten na ye woo gomomudhingoloko gwa Karasburg.Omukalelipo gwa Agra, Wessel Visser okwa ti osha li ta shi kumitha sho oonzi oonduudhe dhokarakulu ta dhi landwa koondando dhi li pombanda dhi thike mpaka, nonando, ondando yiipa yoonzi ndhika oya li ya gwa pevi momalanditho giipa puCopenhagen sha Denmark oomwedhi dha piti.Oonzi, oonzinzi dhokarakulu odha landithwa koondando konyala yimwe oodola 1 245 omanga ndjoka ya landwa ondando yopombanda oya landwa kondando yoodola 2 400 yimwe pomalanditho ga yooloka ndele omesiku limwe.Danie Visser na Donny Oberholzer oya landa kehe gumwe onzi, yonzinzi koodola 2 400.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
