Onyama ya kangaroo ya eta eshongo

OMULANDITHI gwonyama, Capital Meat okwa taalela eshongo enene , molwaashoka gumwe gwaalandi ye okwa hulithapo okulanda onyama kehangano ndika. Etokolo ndika olya ningwa sha landula, etseyitho kutya, Capital Meat aniwa oha longitha onyama ya kangaroo mokuninga onyama yakwewa noshowo okuninga omihaka.

Ehangano lyokugandja iikulya lyAtlantic Food Service olya koleke kutya olya hulitha ekwatathano lyalyo na Capital Meat.Atlantic Food Services oha gandja iikulya komihandjo dhoosikola muumbangalantu waNamibia.Etokolo lya Atlantic Food Services olya landula ehokololo ndyoka lya holokele moshifo sho The Namibian metitatu kutya Capital Meat omathimbo gamwe oha volonganitha onyama yongombe naandjoka ya kangaroo ngele ta ningi onyama ya kwewa.Omukuluntu gwa Atlantic Food Services , Johnnie Eigelaar okwa ti okwa kunkwa koshinima shika shonyama ya kangaroo ndjoka haya landa okuza ko Capital Meat.Konima sho omapopyo ngaka ga uvika otendela yiimaliwa oyindji ndjoka yi niwe ku Atlantic Food Services oya li moshiponga sho kwa tiwa Uuministeli Welongo otau konakona oshinima shika.Amushangatakalele mUuministeli Wiimaliwa, Calle Schlettwein ngoka eli oshilyo shewiliko lyootendela okwa koleke woo kutya ewilikongundu lyootendela olya tokola okuninga ekonakono kombinga yoshinima shika.Okwa ti olutu lwootendela olu na oshinakugwanithwa oku ninga ekonakono ngele, Atlantic Food Services oti iutha tuu shili kiipumbiwa ayihe yina nasha neuvathano lyokugandja oondya momanongelo.Capital Meat ha ye ta konakonwa.Uuministeli welongo moshitopolwa shomihandjo owa koleke kutya ekonakono lyuudha ota li ningwa, miilonga yaAtlantic Food oku tala kutya yo ota ya iyutha kiipumbiwa ayihe yoteendela ndjika..Omutaleli omukuluntu mewiliko lyomihandjo, Gerhard Enssle, okwa ti oshinima shika otashi talika oshinene, nuuministeli otawu shi tala nawa mbala.Eigelaar okwa ti ehangano lye nalyo ota li ningi ekonakono lya lyo lyene, opo li tale ngele shika sha etwa puuyelele inashi guma woo aagandji yalwe mboka haya longo na Atlanti Food Services, mokulanditha onyama.Eigelaar okwa ti aalandithi ayehe yonyama kehangano lye ota ya ka talwa nawa, ngele ota ya iyutha komautho gokugandja onyama ngoka ga tulwa po, patendela ndjoka ya gandjwa kUuministeli Welongo.Okwa ulike kutya ehangano lye olya tseyithila omahangano ngoka haga landitha onyama kuyo, kutya otaga ka kalelapo shika ngele nani ka ga li haga iyutha kiipumbiwa yoteendela ndjika.Okwa ti ehangano lye oli itaala mokuyambidhidha aalandithi yonyama yomoshilongo na oli ilongekidha okulongela kumwe nepangelo ngele tashi ya kekonakono lyoshiningwanima shika.Ian Kent oshilyo shomahangano goku teleka CAN okwa lombwele oThe Namibian kutya onyama ya kangaroo monyama ndjoka hayi gandjwa komihandjo dhepangelo oya gandjwa kaashi li pampango no pauvathano lyoteendela.Ndika olyo eyono lye uvathano, mwene gwehangano limwe lyokugandja oondya a ti.Omukuluntu gwa Capital Meat, Johan Burger okwa pataneke shika, kutya okwa taaguluka euvathano na Atlantic Food Services. Okwa tile kutya kehe gumwe oku shishi kutya monyama ndjoka a landa omuna onyama ya kangaroo, naashika kasha li oshiholekwa..Burger okwa ti kashi shi epogolo okulongitha onyama yakangaroo nenge onyama yiikwakuti yimwe ya za pondje mokulonga omihaka nonyama yakwewa,Okwa ti pashimaliwa onyama ya kangaroo oyina ondando ombwanawa okuyeleka nondando ndjoka hayi landithwa kaalandithi yomoNamibia.Onyama ya kwewa ndjoka ha longo, ondando yayo oyi li poodola 27 mokilograma omanga omuhaka ohe gu landitha koodola 29 mokilograma.Onyama yongombe yakwewa yili mofanditha pomaalaka gamwe moVenduka metitatu oya li ta yi gu oodola 44 mokilograma.Burger okwa pula woo kutya ongushu yonyama yiikwakuti oyi li pevi mosholongo,.Okwa lombwele oThe Namibian kutya aalongi yonyama yiinamwenyo muka iha ye yi longo nawa nayo.Okwa ulike mpoka kutya Australia hoka haku zi kangaroo, okuna uundjolowele wuli pombanda ngele ta shiya kelongekidho lyonyama.Burger okwa ti oha longo konyala pokati kootona 40 sigo 50 dhomihaka noshowo onyama ya kwewa omwedhi kehe, pakulongitha onyama yiikwakuti ya Namibia ngele opo yi li.Oonzo mbali odha ti aniwa Capital Meat oha longitha iinima yomela yoondjuhwa noonzi okuninga onyama ya kwewa.Otendela ota yi utha kutya onyama ndjoka yina okulongithwa oyo ndjoka ya tetwa kiitako noshowo kiyoko yongombe.Otendela ota yi indike monyama mulongithwe , omagadhi, nonyama yaza komutse,mepunda, elaka, omutima, ehuli, iitiyanathigo nosho tuu.