Ontotwampango yomakwatathano oya pumbiwa

OMUNASHIPUNDI gwokangundu kegumbo etiyali lyopashigwana kiikwapondje, Egameno nepopilo, ota yambidhidha ontotwampango yOmakwatathano ndjoka ta yi kundathanwa megumbo ndyoka ngashingeyi.

Omutotimpango Johny Hakaye okwa ti ompango ndjika oyi li muuwanawa woshilongo.Okwa gwedha po ta ti eshongo kombinga yompango ndjika oli li mpoka kutya ota yi tsu, tuu kumwe nekotampango ngele ta shiya kokutsakaneka omakwatathano gopashinanena gopangodhi nosho tuu.Okwa gandja ombedhi kiikundaneki unene tuu kiifonkundana kutya ota yi lombwele oshigwana kutya ontotwampango ndjika ka yi li muuwanawa woshigwana onkene aaNamibia ina ya pitika yi pitithwe koparliamende.Pa ye’iikundaneki ina yi uvako pambambo okatokolwa oka 13(2) kekotampango, ndele oye ka longitha pombambo okukondjitha ontotwampango ndjika.Ontompolwa ndjika 13 yekotampango ota yi gamene uuthemba womuntu wopaumwene.Hakaye okwa ti Namibia ota tsikile no ku kanitha iipotha mompangu molwaashoka kapena uuyelele wa gwana, oshoka kapena ompango ndjoka ta yi utha ewiliko noshowo epungulo lyuuyelele.’Ha nale unene sho Namibia kwa li a udhililwa koombapila dha shangwa koshiluli shedhina Nghifitikeko, ndele namutenya ngu ,ka pu na ngoka ta vulu okumona nokutseya kutya olye a li a nyola ngaaka,’Hakaye ta ti.Okwa gwedha ko ta ti ayehe mboka ya popi kombinga yontotwampango ina ya tsa ondumbo nomakankameno gontotwampango ndjika.Kehe omupopi okwa ti kutya osha pumbiwa opo Namibia a kale nompango yi na sha noku wilika noshowo okukonakona omauyelele shi li muuwanawa woshilongo, noshowo shi li muuwanawa wekondjithathano moshitopolwa shomakwatathano.Pa mupopyo gwa Philemon Ndjambula ehala lyomatsakaneko ta li dhikwa oli li muuwanawa wuudemokoli. ‘ Ota ndi dhiladhila kutya eitaalo kutya kapena omatilitho ge na sha negameno lyoshilongo kashi shi sho shi li, ngele omumvo 1999 yamwe oya li taya kambadhala oku kuthako oCaprivi koNamibia.Okwa tsikile ta ti okupulakena nenge okukaakena okwo omukalo omwaanawa gwoku gamena uudemokoli muuyuni wonena, onkene ita shi vulika okugandja oshilongo shoye kwaamboka ya hala okushi nwapo ngele ku na ompango tayi pitike oku landula shoka taya kambadhala’Ndjambula okwa ti uudemokoli ota u koko ngele oshilongo osha gamenwa sho shi na mboka ta ya pulakene mboka ye na omadhiladhilo omawinayi nehumokomeho lyoshilongo.Hakaye okwa ti ompango ndjika ota yi lalakanene oku opaleka omulandu gwiikwa makwatathano. Oku shunitha oondando pevi, okuandjaganeka omayamukulo goludhi nduka noshowo oku hila aapunguli yopondje opo ya pungule moshikondo shomakwatathano noku longa aaNamibia uungomba womakwatathano.