Ontopa yaNgela ya mbonyoka po kefundja

ONKUNDANA ye tu zilila kEngela mOukwanyama mOshitopolwa sha Hangwena otayi kutya ontopa yondjila yopokati kEngela nOmafo, poha dhOshipangelo sha Ngela oya yonagulwa po komeya gefundja ngoka taga matuka moshana sha Ngela, sha ningwa mOlyomakaya ga zi ko.

Ngoloneya gwOshitopolwa sha Hangwena Usko Nghaamwa ta ti pethimbo ndika Engela olya tetwa ko koshitopolwa shimwe shoshilongo. “Itamu yiwa we nuupu na itamu ziwa we wo nuupu,” Nghaamwa ta ti ngawo nokugwedha ko ta ti kutya oya popya ngaa nOfeema yimwe yopOshikango yokuninga Ooplastika, yedhina Fatima Plastic Oshikango, ndjoka ya uvaneka kutya pontopa mpoka, otayi tula po okantopa kOoplastika, ku endelwe ashike kaantu yokolupadhi manga.The Namibian okwa kundana kutya okantopa hoka oka tulwa po nale mOsoondaha ndjika ya zi ko noka li ka kwathele oonakweenda kolupadhi, Oyendji oye shi pandula noonkondo, ano ya pandula Fatima Plastic Oshikango sho a gandja po ekwatho lyotango lya tya ngawo.Ekuthikuthi enene lyomeya gefundja, lya zi mu Angola olya udha oshana sha Ngela ndoo, nomeya otaga matuka ga thinda lwokOoshakati hoka.Tashi vulika ga thike mo muule womasiku ngaka.Ekuthikuthi lyomeya gefundja etitatu olya adhele Oshakati, meti 28 Februari 2008, nomalukanda gasho ngaka, Evululuko, Oshoopala, Oneshila nuupindi ombinga yimwe noshowo Sikai nEemwandi, oge li kohi yomeya naantu oyendji oya tameka ishewe okutembuka po pomahala gawo mpoka ya li ya shuna konima sho omeya ga li ga fa ga fadhuka po.Oshinima osha lula, nElelo lya Shakati olya indila aakalimo mboka ya gwililwa po komeya gefundja kutya inayi ilopota we komatango kwa toka.Naya kale tayi ilopota kuyele muule wesiku opo ku monike ompito yoku ya kongela mpoka taya vulu okutulwa.Kombinga yuukalinawa waantu, otwa kundana kutya oshigwana osha tameka okukwatwa kOmalaria nokoshimela omanga pu newe okamufofoto kutya kEngela okwa fa kwa holoka omukithi gwa Kolela, nonando inashi kolekwa nawa natango.Omeya gefundja ngaka oga etelela lela iinima oyindji, mwa kwatelwa nomayoka.Ashike oshigwana, nonando shi li muupyakadhi wefundja ngawo, kombinga yimwe oshuuvite wo nawa sho efundja lya etelela wo oohi noontangu noshi li tashi kwata oohi noontangu dhasho.Tashi li nokulanditha.”Itamu yiwa we nuupu na itamu ziwa we wo nuupu,” Nghaamwa ta ti ngawo nokugwedha ko ta ti kutya oya popya ngaa nOfeema yimwe yopOshikango yokuninga Ooplastika, yedhina Fatima Plastic Oshikango, ndjoka ya uvaneka kutya pontopa mpoka, otayi tula po okantopa kOoplastika, ku endelwe ashike kaantu yokolupadhi manga.The Namibian okwa kundana kutya okantopa hoka oka tulwa po nale mOsoondaha ndjika ya zi ko noka li ka kwathele oonakweenda kolupadhi, Oyendji oye shi pandula noonkondo, ano ya pandula Fatima Plastic Oshikango sho a gandja po ekwatho lyotango lya tya ngawo.Ekuthikuthi enene lyomeya gefundja, lya zi mu Angola olya udha oshana sha Ngela ndoo, nomeya otaga matuka ga thinda lwokOoshakati hoka.Tashi vulika ga thike mo muule womasiku ngaka.Ekuthikuthi lyomeya gefundja etitatu olya adhele Oshakati, meti 28 Februari 2008, nomalukanda gasho ngaka, Evululuko, Oshoopala, Oneshila nuupindi ombinga yimwe noshowo Sikai nEemwandi, oge li kohi yomeya naantu oyendji oya tameka ishewe okutembuka po pomahala gawo mpoka ya li ya shuna konima sho omeya ga li ga fa ga fadhuka po.Oshinima osha lula, nElelo lya Shakati olya indila aakalimo mboka ya gwililwa po komeya gefundja kutya inayi ilopota we komatango kwa toka.Naya kale tayi ilopota kuyele muule wesiku opo ku monike ompito yoku ya kongela mpoka taya vulu okutulwa.Kombinga yuukalinawa waantu, otwa kundana kutya oshigwana osha tameka okukwatwa kOmalaria nokoshimela omanga pu newe okamufofoto kutya kEngela okwa fa kwa holoka omukithi gwa Kolela, nonando inashi kolekwa nawa natango.Omeya gefundja ngaka oga etelela lela iinima oyindji, mwa kwatelwa nomayoka.Ashike oshigwana, nonando shi li muupyakadhi wefundja ngawo, kombinga yimwe oshuuvite wo nawa sho efundja lya etelela wo oohi noontangu noshi li tashi kwata oohi noontangu dhasho.Tashi li nokulanditha.