Ontompa yopo Divundu ta yi nenepekwa

EHANGANO lyoondjila lya Namibia Roads Authority olya shaina euvathano nehangano lyooindjiniya lya Botes na Kennedy. Euvathano ndika olyo ku nkondopeka noshowo okutamununamo ontompa ndjoka ya taaguluka omulonga gwa Kavango mondjila onene ya TransCaprivi pomukunda gwa Divundu.

Ontompa ndjika yuule woometa 150 oha yi ende ashike osheenditho shimwe pethimbo limwe yo ka yina ehala lyaa yendi yokolupadhi mboka ya hala oku taaguluka omulonga okuya kombinga yimwe. Ontompa ndjika oya tulilwe miilonga omumvo 1978. Iilonga yokunenepeka noku nkondopeka ontompa ndjika oya tameke konima yeshaino lyeuvathano ndika. Oonakushaina euvathano ndika oyo omukuluntu gwehangano lyoondjila, Erastus Iikela na Andrew Ibbotson gwehangano lya Botes na Kennedy Civils Namibia.Ngele ontompa ndjoka ya longululwa nokunenepekwa nokuningwa yina oonkondo nena ota yi vulu okweendwa kiiyenditho mbyoka ha yi humbata omitsalo ominene dho ishewe omidhigu. Pethimbo ndika omitsalo ndhoka ominene oha dhi pitile moondjila dhomoBotswana oku ya kiilongo yomokati ka Africa okuza ketuliloskepa lya Mbaye.Ishewe pethimbo ndika ontompa ndjika ka yi na uundjila waa yendi yokolupadhi naashika osha etitha iiponga olundji sho aayendi mbaka ya pumwa kiiyenditho uuna ta ya ende kontompa ndjoka. Mokutungulululwa ontompa ota yi ka tulwa uundjila waayendi yokoompadhi koominga adhihe dhondjila ndjika.Ontompa ndjika ota yi ka kotha oodola oomiliona 19 okutunga.