BOUAKE – Aantu mboka ya li nale Oorebele mu Ivory Coast mEtiyali lyoshiwike shika oya ningi eindilo kOmuwiliki gwawo, Guillaume Soro, a thige po opoosa yUuprimaminista opo i ikaleke kokule nongundu tayi pangele, ndjoka tayi ti kutya inayi hala moshilongo mu ku ningwe omahogololo.
Aakalelipo yOpaati ya Soro yedhina New Forces (FN) oya ti kutya opaati tayi pangele yo Ivorian Popular Front (FPI) oyi li tayi lombwele oshigwana nuuyuni kutya FP ina hala nawa okutula miilonga etsokumwe lyokweeta po ombili.
Epangelo lya Ivory Coast olya kaleke omahogololo iikando oyindji, okuza mpoka sho oshikako shOmupresidende ngoka e li koshipundi Laurent Gbagbo sha pu ko mu Oktoba 2005.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
