Onkalo yomahooli oya fa ngaa nee tayi ya nawa

O NKALO yompumbwe yomahooli ndjoka ya li ya holoka moshilongo omasiku ga zi ko, unene tuu moNooli yasho oyi li po tayi ya kuuwanawa ishewe sho twa kundana kutya poosasiona dhomahooli opwa etwa omahooli.

mOshakati, Amushanga pOngalashe yOmahooli ya tate Shali Efolo Taati Kalenga okwa lombwela Oshifo shika kutya omikweyo dhiihauto tayi kongo omahooli ndhoka dha kala pongalashe yawo mpoka omasiku ga zi ko, kadhi po we Kalenga ta ti kutya Osasiona yawo yomahooli oya mona Oolitela dhi vulithe po 12 000 dhomahooloi go 95 noya tegelela natango oolitela dhomayovi gontumba gomahooli go 93. “Otwa nyanyukwa lela shili sho tatu vulu ishewe okugandja omahooli kookastoma dhetu,”meme Kalenga ta ti ngawo nenyanyu.Posasiona yomahooli yo Engen pOspar pOkonde mOshakati, mpoka pwa kala pwaa na omahooli muule womasiku ga zi ko gOkili nOkakondamumvo, napo opwe ya omahooli ngashingeyi naaniihauto otaya nwetha nawa omahooli gawo mpoka ngashi shito.Nande ongawo, poongalashe dhimwe dhomahooli pOndangwa, mEtitatu lya zi ko, opwa kala natango omikweyo dhiihauto tayi nu omahooli, sha etwa sho poongalashe dhimwe pwa kala pwaa na omahooli.”Otu wete kutya uupyakadhi womahooli mboka twa kala nawo muule wiiwike ya zi ko otashi vulika wu kale wa hula po, ashike nee tse kOndangwa onkee tu li momikweyo tu mone omahooli.Nande ongawo otwiinekela kutya uupyakadhi womahooli otau ka hula po nziya, “omunangeshefa gwokOndangwa tate Sacky Ekandjo ta ti ngawo mEtitatu lya zi ko.Ehangano lyOmahooli moNamibia olya gandja uusama kombinga yompumbwe yomahooli moNamibia kwali komalongekidho nokefalo lyomahooli lya li itali ende nawa ndele hakokutya kapu na omahooli kwali.Omusamane Harald Schmidt ta ti kutya ompumbwe yomahooli kwali moshilongo oya etelwe kefalo lyago kooyene lya li itali ende nawa omolu okumbesitela omahooli kwa toka kwali.Omahooli ge yile moshilongo mEtine lya zi ko pehala lyokuthika mo kwa li ngeno meti 27 Desemba 2005 ngashi sha li sha thanekwa.Ta ti kutya Ookampani dhomahooli, pethimbo ndjoka lyompumbwe yomahooli kwali, odha li tadhi longele kumwe nawa nokuninga po shoka dha li tadhi vulu okuninga po opo oshigwana shi mone omahooli.”Otwa nyanyukwa lela shili sho tatu vulu ishewe okugandja omahooli kookastoma dhetu,”meme Kalenga ta ti ngawo nenyanyu.Posasiona yomahooli yo Engen pOspar pOkonde mOshakati, mpoka pwa kala pwaa na omahooli muule womasiku ga zi ko gOkili nOkakondamumvo, napo opwe ya omahooli ngashingeyi naaniihauto otaya nwetha nawa omahooli gawo mpoka ngashi shito.Nande ongawo, poongalashe dhimwe dhomahooli pOndangwa, mEtitatu lya zi ko, opwa kala natango omikweyo dhiihauto tayi nu omahooli, sha etwa sho poongalashe dhimwe pwa kala pwaa na omahooli.”Otu wete kutya uupyakadhi womahooli mboka twa kala nawo muule wiiwike ya zi ko otashi vulika wu kale wa hula po, ashike nee tse kOndangwa onkee tu li momikweyo tu mone omahooli.Nande ongawo otwiinekela kutya uupyakadhi womahooli otau ka hula po nziya, “omunangeshefa gwokOndangwa tate Sacky Ekandjo ta ti ngawo mEtitatu lya zi ko.Ehangano lyOmahooli moNamibia olya gandja uusama kombinga yompumbwe yomahooli moNamibia kwali komalongekidho nokefalo lyomahooli lya li itali ende nawa ndele hakokutya kapu na omahooli kwali.Omusamane Harald Schmidt ta ti kutya ompumbwe yomahooli kwali moshilongo oya etelwe kefalo lyago kooyene lya li itali ende nawa omolu okumbesitela omahooli kwa toka kwali.Omahooli ge yile moshilongo mEtine lya zi ko pehala lyokuthika mo kwa li ngeno meti 27 Desemba 2005 ngashi sha li sha thanekwa.Ta ti kutya Ookampani dhomahooli, pethimbo ndjoka lyompumbwe yomahooli kwali, odha li tadhi longele kumwe nawa nokuninga po shoka dha li tadhi vulu okuninga po opo oshigwana shi mone omahooli.