Ongundu yUDF ta yi ilongekidhile omahogololo

ONGUNDUMUTIMA yoUDF ota yi gongala pOutjo ehulilo shiwike ta li ya opo yi manithe omusholondondo gwa yo gwookandidate ndhoka tadhi ke yi kalelapo moshigongi shopashigwana konima yomahogololo gomu Novemba nuumvo.

Ewawa lyaagundjuka yongundu ndjika olya gongalele nale ehulilo shiwike lya zi ko okumanitha ookandidaate mboka lya hala okugandja pethimbo lyoshigongi shongundumutima.’Ota pa kala woo oshigongi shoshigwana mOsondaha komatango. Omuwiliki gwoUDF omusamane Justus //Garoeb, namushanga ndjai gwongundu ndjika Dudu Murorwa oyo ta ya ka popitha oshigongi shoka. Omunashipundi gwewawa lyaagundjuka, Michael Skini nayalwe, ngaashi Nampara Am!gabes amushanga gwelelo.Oshigongi shongundumutima ota shi kuutumba oku za meti 12 sigo 13 ga Septemba pOutjo ota shi hulithwa noshigongi oshinene shoUDF shoka ta shi ka popithwa komusamane Justus //Garoeb, nokomupevi peresidende gwongundu ndjika omusamane Simson Tjongarero, noshowo komupevi amushangan gwewawa lyoomeme mongundu ndjoka.Ongundumutima oyo olutu olutiyali lu na oonkondo oku ninga omatokolo moUDF.Ongundu ndjika oyi na iilyo itatu moshigongi shopashigwana noshilyo shimwe megumbo etiyali lyoparliamende.Ota yi ilongekihda ya mana mo opo yi kondjithe oSwapo ndjoka yi na elalakano okukuthako ewiliko koDTA moKunene , moka omo mu na eweiliko li, li kohi yoUDF.