Ongundu yoRDP ongeshefa: Ya Ndakolo ta ti

pOMUTHIYA O KANGUNDU opo ka totwa ko Rally for Democracy and Progress (RDP), okangundu kaantu aaniifundja, aantu ya pota naafuthi, Ngoloneya gwoshitopolwa sha Shikoto Penda Ya Ndokolo osho a popi mOlyomakaya pOmuthiya.

Ya Ndakolo okwa ulike wo omunwe Omuwiliki gwehangano egameni lyuuthemba wOmuntu lyOpashigwana/National Society for Human Rights (NSHR) Phil ya Nangoloh kutya na ethe ongundu yoSwapo. “Shoka a lombwele uuyuni, Swapo ine shi nyanyukilwa.Ya Nangoloh ke shi shili omugameni guuthemba womuntu, ihe oku li omunapolitika.Ke na ko na sha nuuwanawa woshigwana.Omolwashike e na okukala ta nyateke edhina lyoSwapo,” Ya Ndakolo ta pula ngaaka.Ya Ndakolo okwa ti ongunddu yoRDP, ongundu yoothondolo, noyi li tayi lombwele aantu iifundja mOmuthiya kutya otayi ke ya pa iilonga.Ta ti, yamwe yomiilyo yongundu ndjika mOmuthiya aantu mboka ya li ye na iilonga mEpangelo, ihe iilonga oye yi kanitha kuukolwe, kokufaula nokokwiihumbatanayi.”Iilonga otaa ke yi kutha peni, ngele nani nOmupresidende gwawo ke na iilonga.Nyamu naye ke na iilonga.Aantu mbaka ihaa si nohoni,” Ya Ndakolo ta popi.Okwa ti pethimbo Hamutenya a li Ominista mEpangelo, kapu na nande esiki limwe e yile mOmbelewa yElelo lyoshitopolwa sha Shikoto nenge mOmbelewa yoshikandjohogololo sha Muthiya, ihe aniwa mOmuthiya okwe ya mo ashike sho e ya okuninga ”okagongi kuulayi” omwedhi gwa zi ko.Okwa ti ongundu yoRDP kayi shi ongundu yopapolitika, ihe shila ongeshefa molwashoka aniwa ohayi ende tayi futu aantu iimaliwa opo ya ninge iilyo.Moshipopiwa she, Amushanga-Ndjayi gwoSwapo meme Pendukeni Iivula-Ithana okwa ningi eindilo kaakwaSwapo ayehe mOmuthiya yi ishangithe opo ya hogolole ookandidaate dhawo dhoSwapo momahogololo gopandoolopa, ngoka taga ka kala ko momasiku 29 gomwedhi nguka.Omaishangitho otaga tameke nena.”Otamu ka ninga epuko enene ngele omwa etha ondoolopa yeni ndjika ya thanekwa nawa, yi kuthwe po koongundu dhilwe dhopapolitika,” Ivula-Ithana ta popi ngaaka.Omuthiya otagu ningi ondoolopa.Ano tagu kala gu na Muni notamu kala mu na omayakulo agehe ga Muni ngaashi naanaa moondoolopa dhilwe.”Shoka a lombwele uuyuni, Swapo ine shi nyanyukilwa.Ya Nangoloh ke shi shili omugameni guuthemba womuntu, ihe oku li omunapolitika.Ke na ko na sha nuuwanawa woshigwana.Omolwashike e na okukala ta nyateke edhina lyoSwapo,” Ya Ndakolo ta pula ngaaka.Ya Ndakolo okwa ti ongunddu yoRDP, ongundu yoothondolo, noyi li tayi lombwele aantu iifundja mOmuthiya kutya otayi ke ya pa iilonga.Ta ti, yamwe yomiilyo yongundu ndjika mOmuthiya aantu mboka ya li ye na iilonga mEpangelo, ihe iilonga oye yi kanitha kuukolwe, kokufaula nokokwiihumbatanayi.”Iilonga otaa ke yi kutha peni, ngele nani nOmupresidende gwawo ke na iilonga.Nyamu naye ke na iilonga.Aantu mbaka ihaa si nohoni,” Ya Ndakolo ta popi.Okwa ti pethimbo Hamutenya a li Ominista mEpangelo, kapu na nande esiki limwe e yile mOmbelewa yElelo lyoshitopolwa sha Shikoto nenge mOmbelewa yoshikandjohogololo sha Muthiya, ihe aniwa mOmuthiya okwe ya mo ashike sho e ya okuninga ”okagongi kuulayi” omwedhi gwa zi ko.Okwa ti ongundu yoRDP kayi shi ongundu yopapolitika, ihe shila ongeshefa molwashoka aniwa ohayi ende tayi futu aantu iimaliwa opo ya ninge iilyo.Moshipopiwa she, Amushanga-Ndjayi gwoSwapo meme Pendukeni Iivula-Ithana okwa ningi eindilo kaakwaSwapo ayehe mOmuthiya yi ishangithe opo ya hogolole ookandidaate dhawo dhoSwapo momahogololo gopandoolopa, ngoka taga ka kala ko momasiku 29 gomwedhi nguka.Omaishangitho otaga tameke nena.”Otamu ka ninga epuko enene ngele omwa etha ondoolopa yeni ndjika ya thanekwa nawa, yi kuthwe po koongundu dhilwe dhopapolitika,” Ivula-Ithana ta popi ngaaka.Omuthiya otagu ningi ondoolopa.Ano tagu kala gu na Muni notamu kala mu na omayakulo agehe ga Muni ngaashi naanaa moondoolopa dhilwe.