Ongulu yoomina tayi konakona iiyagaya momulonga gwaKhan

ONDUNDA yoomina ya Namibia ota yi konakona olunza lwooshako omathele ndhoka dha adhika dha thigwa momulonga gwa Khan.
Ekonakono ndika olya landula ehokololo ndyoka lya holokele moshifo shika omwedhi nguka.Gert Heussen gwo po Wlotzkasbaken oye a mono ooshako ndhika dhi li lwopomwaalu gwo mathele 400, dhoothayila noshowo dhooplastic.Mooshako omwa li muna oosampula dhikwamina mbyoka ngiika ehangano ndyoka lya thigi ooshako ndhika mpoka lya li ta li kongo. Ooshako odhindji dhomudho odha li dha tuuka.

Ina shi tseyika kutya ndhika odha ningi po uule womasiku ga ngapi na mwene gwadho oye olye, nonando opwa, itaalwa kutya nakukonga iikwamina okwa li ta kongo ouraana.Pomulonga mpoka opwa ndhindhilikwa kutya opwa li olukongo lwiikwamina oshoka opwa monika omisinda dhiiyenditho, iilambo ya fulwa, omiti dha teyagulwa noshowo omandhililiko kutya opwa li ta pa kongwa iikwamina yoludhi lwontumba.Omundohotola Wotan Swiegers omugandjimayele muundjolowele nomudhingoloko gwondunda yoomina ya Namibia moshitopolwa shErongo okwa lombwele oThe Namibian kutya ekonakono olya tamekwa nalyo konima sho ehokololo ndyoka lya holoka moshifo.’Shika oshinima itaa shi vulu okweethiwa ashike ngaaka.Ita tu vulu ashike okushitala inaatu ninga po sha.Otu na okumona kutya olye a longo ngaaka.’ osho a ulike.Pahapu dha Swiegers opena omahangano ogendji gena oshinakugwanithwa, ngoka ge li woo iilyo yondunda hangano yoomina moNamibia, ndele ope na woo omahangano gamwe omashona ngoka iilonga yago kaayi shiwike naanaa kutya oya tya ngiini naambika oya pumbwa okweetwa pamuthika ngoka tagu pangele nenge tagu longithwa.Nonando ooshako ndhika okwiitaalwa odhehangano li na uuthemba wokukonga iikwamina yoludhi lwo uraniuma, omukalo ngoka ya longitha okulonga iilonga yawo itagu hokitha nando.Ooshako ndhika omathele osha yela ota dhi ka faalelwa komeya monakuyiwa ngele ina dhi opalekwa po mpoka.