Ongeleki ya Elcin ya dhana oshituthi shetumo pOshomeya

E HULILOSHIWIKE lyeti 11 sigo 13 Juli 2008, olya ningi oshinima oshinene mondjokonona ya Elcin molwashoka omo ya li ya dhimbulukwa aatumwa yAasoomi sho ya li ya thiki nokweeta etumo mOwambo.

Aatumwa yotango yAasoomi mOwambo oya thiki mo momasiku 9 ga Juli 1870, ya thikile pomukunda Omandongo mOndonga pethimbo lyOmukwaniilwa Shikongo sha Kalulu. Pamushangwa gwa pewa Oshifo shika komwiimbi nomutoti gwomaimbilo gopambepo a simana,Peter Ambambi – nedhina lya tseyika nawa Omuwambo gwa Ambambi, oshigongi nenge ontanda ndjika yetumo oya tamekele momasiku 11 ga Juli e tayi ka hula momasiku13 ga Juli (2008).Oya li nee ya ningilwa pEgongalo lya Elcin lya Betesda mOshomeya.Oshituthi shika osha li sha longekidha kOshikandjongeleki sha Elcin shokuuzilo mekwatelokomeho lyOmumbiisofi Johannes Sindano.Okwa li kwa tamekwa nelongelokalunga lyongulohi na Omusati Markus Hango gwEgongalo lya Betesda oye a li a taamba aanashituthi.Omutonatelishitayigeleki sha Venduka Omusita Teofilus Nelumbu naye okwa li a mono ompito yokutya sha ketumo omanga Omusita Johannes Simaneka Nkoti, ngoka e li Amushanga gwEtumo a eta po ondjokonona yiilonga yEtumo, ta ti kutya iilonga yetumo oya li ya talelwa kompumbwe yiiyenditho noyoshimaliwa.Omusita Lukas Masilo gwokOmangetti Duine okwa li apewa okathanguthangu opo a tsikile niilonga yetumo noyUusitagongalo omanga tate Shalongo ya Haimbondi (Omuwiliki gwEtumo mEgongalo lya Immanuel mOvenduka) a uvaneke okugandja okathanguthangu molwetumo.Otundimbiimbeli oya li ya ningwa ku tate Ernesta Karuyeva omanga Omusita Julius M’tuleni a lesha ontalelo yetumo mu Elcin mekwatathano nondjodhi yEpangelo 2030.Omusita Elia Ndishishi gwEgongalo lya Elcin po Keetmanshoop okwa gandja oshipopiwa ‘natu longeni etumo.’ Aakwiita yetanga lyegameno lya Namibia yokOshaanda oya li ya eta po oshinyandwa, nkene aatumwa yAasoomi ya thikile mOwambo na nkene ya li ya kundathana nOmukwaniilwa Shikongo sha Kalulu no ye mu pe omagano.Opwa li oongundu dhomalwiimbo ngaashi: Jakko Kangayi (yokOrundu), Aakwiita ya Namibia (pOshaanda), Natse Oyomuwa, Halleluya (Omuntele) Faleniko, ongundulwiimbo yEgongalo lya Hosianna (mOvenduka), aayelele yokOmangetti noongundulwiimbo ndatu dhi li mewiliko lyehangano lya MUAMBO MUSICAL WORKS (yokOwambo, yomOshomeya na yimwe yokOvenduka).Kansela gwoshikandjohololo sha Tsumeb, Lebbeus Tangeni okwa li a popitha aakwashigongi pamwe nongundu ye yolwiimbo (Eben-Ezer).Omutekulu gwaatumwa yAasoomi tate Loytty Sakari oye a popi peha lyaatumwa yAasoomi nokwiimbi wo eimbilo lya yinakulu Nakambale: 407 mEhangano.Ondjimboshituthi oya li ya longwa kOmuwambo gwa Ambambi, tayi popi olweendo lwaatumwa pOmandongo nekwatathano pokati kaatumwa yAasoomi nOmukwaniilwa Shikongo sha Kalulu meti: 9 Juli 1870 (lya li Olyomakaya koshiwike), ndyoka lya li lya longekidhwa ku meme Liina Ndinelago (Ambambi) Shigwedha gwomEgongalo Onayena.Oshikandjongerki sha Venduka osho sha sindanan po epandela nongombe.”Ombepo yoshilongatumo oya li tayi pangele poshituthi shika shetumbo,” Ambambi ta popi ngaaka.Nande ongaaka, opwa li wo pwa holoka omaipulo omanene kutya omolwashike sigo onena pOmandongo inaa pu tungwa sha ong’edhidhiliko okudhimbulukwa okuthika kwaatumwa yAasoomi pomukunda nguka.Omumvo 2010 oshituthi shetumo okwa thankwa shi ka dhanenwe pOmandongo, pehala mpoka pwa thikilile Aatumwa yAasoomi momasiku ga tumbulwa pombanda.Pamushangwa gwa pewa Oshifo shika komwiimbi nomutoti gwomaimbilo gopambepo a simana,Peter Ambambi – nedhina lya tseyika nawa Omuwambo gwa Ambambi, oshigongi nenge ontanda ndjika yetumo oya tamekele momasiku 11 ga Juli e tayi ka hula momasiku13 ga Juli (2008).Oya li nee ya ningilwa pEgongalo lya Elcin lya Betesda mOshomeya.Oshituthi shika osha li sha longekidha kOshikandjongeleki sha Elcin shokuuzilo mekwatelokomeho lyOmumbiisofi Johannes Sindano.Okwa li kwa tamekwa nelongelokalunga lyongulohi na Omusati Markus Hango gwEgongalo lya Betesda oye a li a taamba aanashituthi.Omutonatelishitayigeleki sha Venduka Omusita Teofilus Nelumbu naye okwa li a mono ompito yokutya sha ketumo omanga Omusita Johannes Simaneka Nkoti, ngoka e li Amushanga gwEtumo a eta po ondjokonona yiilonga yEtumo, ta ti kutya iilonga yetumo oya li ya talelwa kompumbwe yiiyenditho noyoshimaliwa.Omusita Lukas Masilo gwokOmangetti Duine okwa li apewa okathanguthangu opo a tsikile niilonga yetumo noyUusitagongalo omanga tate Shalongo ya Haimbondi (Omuwiliki gwEtumo mEgongalo lya Immanuel mOvenduka) a uvaneke okugandja okathanguthangu molwetumo.Otundimbiimbeli oya li ya ningwa ku tate Ernesta Karuyeva omanga Omusita Julius M’tuleni a lesha ontalelo yetumo mu Elcin mekwatathano nondjodhi yEpangelo 2030.Omusita Elia Ndishishi gwEgongalo lya Elcin po Keetmanshoop okwa gandja oshipopiwa ‘natu longeni etumo.’ Aakwiita yetanga lyegameno lya Namibia yokOshaanda oya li ya eta po oshinyandwa, nkene aatumwa yAasoomi ya thikile mOwambo na nkene ya li ya kundathana nOmukwaniilwa Shikongo sha Kalulu no ye mu pe omagano.Opwa li oongundu dhomalwiimbo ngaashi: Jakko Kangayi (yokOrundu), Aakwiita ya Namibia (pOshaanda), Natse Oyomuwa, Halleluya (Omuntele) Faleniko, ongundulwiimbo yEgongalo lya Hosianna (mOvenduka), aayelele yokOmangetti noongundulwiimbo ndatu dhi li mewiliko lyehangano lya MUAMBO MUSICAL WORKS (yokOwambo, yomOshomeya na yimwe yokOvenduka).Kansela gwoshikandjohololo sha Tsumeb, Lebbeus Tangeni okwa li a popitha aakwashigongi pamwe nongundu ye yolwiimbo (Eben-Ezer).Omutekulu gwaatumwa yAasoomi tate Loytty Sakari oye a popi peha lyaatumwa yAasoomi nokwiimbi wo eimbilo lya yinakulu Nakambale: 407 mEhangano.Ondjimboshituthi oya li ya longwa kOmuwambo gwa Ambambi, tayi popi olweendo lwaatumwa pOmandongo nekwatathano pokati kaatumwa yAasoomi nOmukwaniilwa Shikongo sha Kalulu meti: 9 Juli 1870 (lya li Olyomakaya koshiwike), ndyoka lya li lya longekidhwa ku meme Liina Ndinelago (Ambambi) Shigwedha gwomEgongalo Onayena.Oshikandjongerki sha Venduka osho sha sindanan po epandela nongombe.”Ombepo yoshilongatumo oya li tayi pangele poshituthi shika shetumbo,” Ambambi ta popi ngaaka.Nande ongaaka, opwa li wo pwa holoka omaipulo omanene kutya omolwashike sigo onena pOmandongo inaa pu tungwa sha ong’edhidhiliko okudhimbulukwa okuthika kwaatumwa yAasoomi pomukunda nguka.Omumvo 2010 oshituthi shetumo okwa thankwa shi ka dhanenwe pOmandongo, pehala mpoka pwa thikilile Aatumwa yAasoomi momasiku ga tumbulwa pombanda.