Ongeleka ya indilwa yi hanganithe Aanamibia noku ya tsa omukumo ya kale nombili

PETHIMBO ta egulula Oshigongi sho RDP negalikano pOnangwe mOukwanyama moshitopolwa sha Hangwena meti 27 Desemba 2008, Omuuvithi mOn geleka ya ELCIN, Hafeni Mwaningange, okwa ninga eindilo enene e li ukitha mOongeleka dha Namibia moka kutya dhi kuthe ko oshinakugwanithwa oshinene shadho shokuhanganitha oshigwana Oshikriste sha Namibia noku shi lombwela shi kale tashi simanekathana, shi kale shi uvitathane, shi kale mombili nokukwatela po ombili yasho ndjoka ya monika nuudhigu nonetiko lyombinzi.

Tate Mwaningange ta panula sho iigongi yOpolotika, hayi egululwa nomagalikano nokulshelwa ohapu ya Kalunga okuzilila mOmbiimbeli ndjoka oyo Ekotampango lyotangotango lyoshigwana Oshikriste ngashi shoka sha Namibia.
‘Ongeleka nayi itule mo noonkono mehanganitho lyoshigwana nokuuvitha ombili yi kale tayi pangele mokati koshigwana sha Namibia,’ Mwaningange ta ti ngawo nokugwedha po ta lombwelre aawiliki yOongeleka ta ti, ‘Aakwatelikomeho yOongeleka ngele itaya kelele oshigwana shaadhengathane, nena kapu na oshili nuuyuki meuvitho lyohapu ya Kalunga, ndjoka e lalakano lyayo li li ombili, euvathano nelongelokumwe mokati koshigwana she, ano sha Kalunga,
‘tate Mwaningange ta ti ngawo. kutya Tate Mwaningange ta gandja uusama kAawiliki yOpapolotika mo Namibia sho taya etha aantu yi idhenge omolu Opolotika. ‘Oongundu dhOopolotika nadhi ethe po okwiidhenga. Tse otwa pumbwa ombili nokulomnga muukumwe wumwe wu na esimanekathano. Kehe Ongundu yopolotika nayi ethwe yi fatulule mo omilandu nomalalakano gadho koshigwana opo oshigwana, uuna omahogololo tage ya, shi vule okuhogolola nawa. Oshigwana inashi thiminikilwa iinima yOngundu yimwe.
Nashi ethwe shi pulakene kongundu kehe opo shi ka ninge etokolo ewanawa uuna tashi yi komahogololo. Aaleli nOitaali tu longeni nuuyuki. Aanapolotika oya koka shili, ashike nee Ooperesenda 98% kaye shi aatili-Kalunga notaya ningi shoka ya hala yaa na ko nasha nehalo lya Kalunga. Nashi kale shi shiwike nawa kutya Ongeleka ohayi gama kumwe nomuthiminikwa, kayi gama kumwe nanakuthiminika mukwawo nande.Aanap;olotika dhanenei okatanga keni nawa noneuvathano. Ekotampango lyOshilongo olya yela. Tu longeni pa Kotampango, ihe haku thiminikathana, hakwiidhenga, hakwiikelela okuninga iigongi mokati koshigwana, ihe ku simanekwe Ekotampango lyoshilongo shetu ndyoka lya yeleka mo iinima ayihe nawa kumwe nuuthemba womuntu moNamibia, ‘Omuuvithi tate Mwaningange ta ti ngawo nokukumagidha a mana mo aaleli noshigwana sha Namibia shi isimaneke nokukwatela po ombili yasho.