ONKUNDANA ye tu zilila mOkongo mOukwanyama mOshitopolwa sha Hangwena otayi ti kutya Omupresidende Hifikepunye Pohamba ngula mEtitano lyeti: 26 Juni 2009, ota ka tula miilonga pambelewa iilonga yoshikako oshitiyali yokutula oteya ondjila onene yopokati kElundu moshitopolwa sha Hangwena noRundu mOshitopolwa sha Kavango, te ke shi ningila mondoolopa yaKongo mOukwanyama mOshitopolwa sha Hanagwena.
Oshituthi shika otashi ka tameka pombali yomutenya.Onkundana onkwawo ye tu zilila koCOSDEC kOndangwa otayi ti kutya ngula mEtitano (26 Juni 2009) pOCOSDEC otapu ka kala egandjo lyOonzapo kaalongwa mboka ya pita eilongo lyawo mpoka. Omupopi omunene oye Oministeli yOpevi yOmavi nOmatulululo omusamane Henock yaKasita na oye wo taka gandja oonzapo ndhoka kaalongwa mbaka. Oshiithanene shika otashi ka tameka pomugoyi (09H00) gwongula.Onkundana ye tu zilila kOndangwa otayi ti kutya ngula mEtitano (26 Juni 2009) Elelo lyOndoolopa ya Ndangwa otali ka shaina Euvathano nEhanganolyokutunga omagumbo lyedhina NAMIB BOU (PTY) LIMITED, ndjoka li li eyambidhidhwa kOkampani yedhina Capricorn Investement Holdings. Euvathano ndika oli na sha nokutunga unene omagumbo mOndoolopa ya Ndangwa. Ano taya ka uvathana ehala mpoka tapu katungwa omagumbo kEhangano ndika lya tumbulwa metetekelo. Oshituthishaino shika otashi ka tameka pomugoyi (09H00) gwongula.Onkundana ye tu zilila mOshipangelo shEpangelo sha Shakati, otayi ti kutya ongula yonena (25 Juni 2009) mOshipangelo shika otamu ka tulwa miilonga pambelelwa etando lyomeho ndyoka hali kala ko omumvo kehe mewiliko lyOmundohotola gwOmeho meme Helen Dume. Etulomiilonga ndika otali ka tameka pomulongo (10H00) gwongula.Onkundana ye tu zilila kUuministeli wUukashikekookantu nOnkalonawa yAanona, otayi ti kutya ngula meti 26 Juni 2009, otaku ka kala oshiithanene oshinene shokugandja okapaqndi okanene kiimaliwa kooprojeka ndhoka hadhi kwathelwa kUuministeli mbuka opo dhi yeluthe po Ooprojeka dhadho dhokwiimonena iiyemo nenge oonzo dhoshimaliwa nosho tuu. Oshiithanene shika otashi ka kala mOshinyanga shOpombelewa onene yUukashikekookantu nOnkalonawa yaanona mOngwediva pooha dhOombelewa dhElelo lya Ngwediva mpoka, mEpandaanda lyOmundohotola Libertina Amathila. Otaku ti otashi ka tameka petata lyomulongonayimwe (10H30). Megandjo ndika omwa kwatelwa okapandi kOodola dha Namibia dhi vulithe pomayovi ethele limwe.Onkundana ye tu zilila mOshipangelo shEpangelo sha Shakati otayi ti kutya momasiku 3 Juli 2009 otaku ka kala oshiithanene oshinene shokudhimbulukwa Esiku lyEkondjitho lyOalukoholi nIingangamithi mokati kiigwana mUuyuni noshowo oku yi pititha poongamba okuya miilongo niilongo.Oshiithanene shika otaku tiwa kutya otashi ka tameka nOmaashinga onene mOshakati moka okuza pEndiki lyOositola lya Geima lya thinda kOkapale Okanene kOmaudhano komOshakati, pomulongonambali (12H00) yOmutenya, yo iipopiwa yoyene kOkapale hoka tayi ka tameka poyimwe (13H00) yomutenya. Oministeli yUukalinawa nIilonga yOnkalonawa Omundohotola Richard Kamwi oye taka popitha oshiithanene shika pambelewa.Onkundana ye tu zilila kEhangano Ekwashilipaleki lya Old Mutual, otayi ti kutya mOlyomakaya ngaka twa thinda geti 27 Juni 2009, Old Mutual okwa longekidha uudhano wethigathanopo mokumatuka, taku ka tamekelwa pOkapale okanene kOmaudhano komOshakati poheyali (07H00) yongula.kOseko yOpombanda yEkulo mOndonga moshitopowla sha Shikoto okwe tu zilila onkundana tayi ti kutya mOlyomakaya ngaka twa thinda geti 27 Juni 2009, pOseko mpoka otapu ka kala oshiithanene shegandjo lyomapapa gomakopi, oonzapo nosho tuu kOosikola, kAalongwa, kAalongi nokaaniilonga yomUuministeli wElongo mOshitotopolwa, mboka ye shi enditha nawa omvula ya zi ko. Oshiithanene shika tashi ka ningilwa mOshinyanga shOseko ndjoka, nostashi ka tameka pomugoyi gwongula.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
