Ondhila yimwe ya gwile pevi muumbugantu wokapale ka Eros moVenduka

AANTU yatatu oya si moshiponga shondhila moVenduka Oosoondaha.
Ondhila ndjoka ya shangithwa moSouth Africa oya tuka pokapale koondhila ka Eros moVenduka mondjila oku ya kOndjiva moAngola, sho ya ongotele pevi konima yokathimbo.

Ondhila yoludhi lwo Cessna Caravan yonomola ya South Africa ZS-OTU oya tekaukapo sho ya gwile melundu pokati ka Prosperita na Cimbembasia muumbugantu wa Venduka.Ondhila oya li yi na aantu yane. Omuhingi ndhila omuSouth Africa, naafaalelwa yaali aakwashigwana ya Namibia oya sile moshiponga shika.Omufaalelwa gumwe ngoka ta ku tiwa okwa za mo Katutura oye awike a hupu ndele okwa ehama, noku li ta pangwa moshipangelo shimwe moVenduka.Omadhina goonakusa inaga tumbulwa oshoka aakwanezimo lyawo oya li inaaya tseyithilwa natango pethimbo lyoSoondaha sho oshiponga sha ningwa.Sho a popitha aatoolinkundana osoondaha, omupopiliko gwUuminsteli Wiiyenditho Julius Ngweda okwa ti ondhila ndjika oya tuka po, Eros potundi 6h58 oku ya kOndjiva muumbugantu wAngola. Ondhila oya tuka yu uka kuumbugantu. Konima ashike yokutuka omuhingi okwa tseyitha kutya okuna uudhigu okukaleka ondhila ta yi tuka yu uka mombanda, Ngweda ta ti. Ondhila oya goyokele kolulyo andola yi galukile pokapale ndele oya gumo mombanda e ta yi idhenge pevi.Ondhila oya li ya humbata oondongelwa kakele kaafaalelwa mboka ya limo.Oondongelwa odha kwatelamo oopainda, iitungitho, noshowo iikulya.Egwo mombanda lyondhila ndjika lyomoSoondaha olyo lyotango lya dhipaga aantu moNamibia konima yoomwedhi 14.Egwomombanda lya dhipaga aantu moshilongo shika olya li sho ondhila yoludhi lwo Cessna 210 ya li ya humbata aafaalelwa yatano yokoSwitzerland, ya li ya thiminikwa yi nambele mepandaanda limwe moHochland moVenduka mu ga 7 September omumvo gwa yi.Mondhila ndjika omwa silile omufaalelwa gumwe.Pamakonakono kombinga yoshiponga shika shomumvo gwayi, okwa monikwa kutya ondjato yoplastica ndjoka ya dhimbiwa meshina lyondhila pethimbo ondhila ndjika ya li ta yi servisua ,oyo ya sitha onengina oshimpwininika nondhila oya gwile pevi.