Ondangwa Trade Fair oya lye naanaa?

A AKWASHIGWANA yamwe yomOndangwa otaya pula kutya Omaulikilo gOpaipindi ga Ndangwa ano oga lye naanaa, ogElelo lyOndangwa nenge oga Meya gwa Ndangwa meme Kauna Nashandi oye awike.

Yamwe yomaakalimo oya shangela kOshifo shika taya pula ngawo nokugandja uuyelele kutya yo sho ya tala Omaulikilo ngaka kage shi gElelo lyOndangwa oga Meya ashike gwa Ndangwa nookuume ke. Oonakushangela kOshifo shika otaya ti kutya Elelo lya Ndangwa lya tulwa mOkatoo ku Meya gwalyo Kauna Nashandi.”Omvula ya zile ko otwa ningile Omaulikilo gOpaipindi mOndangwa, tatu lombwelwa ku Meya Nashandi kutya Elelo lya Ndangwa mOmaulikilo ngoka oli na mo Oopelesenda 55 omanga oshigwana shi na mo Ooperesenda 45.Nani okatoo kowala, Elelo lyOndangwa kali na mo sha.Oopelesenda 55% odha Meya ashike ye mwene.Shigwana kotoka nee natango waa gandje oshimaliwa shoye moshinima shopaumwene,” taya ti ngawo mombapila ndjoka ya shangela ko The Namibian omasiku ngaka.The Namibian okwa ningi ekwatathano na Meya gwOndangwa Priskila Kauna Nashandi, ngoka ta ti omapopyo kutya shoka tashi popiwa kutya Omaulikilo gopaipindi ga Ndangwa oge kashi shi shoshili.”Omaulikilo ngaka oga totwa po kutse, oshigwana shomOndangwa noge li goshigwana shomOndangwa goku yambula po onkalonawa yoshigwana shomOndangwa,” Nashandi ta ti ngawo nokutsikila ko kutya oshoshili, pethimbo ndika Elelo lyOndangwa kali mo mOmaulikilo ngaka, ano kali na mo osheya yasha, olyi ikutha mo lyolyene.Ashike nee, Nashandi ta yelitha kutya Oopelesenda ndhoka dhi li 55, kadhi shi dhe, ihe odhiilyo mbyoka ya kutha Oosheya mOmaulikilo giipindi ngaka ga Ndangwa.Ano gaakuthisheya ye li 99 lwaampoka mwa kwatelwa Ehangano lyoomeme lyedhina Eudafano, omanga nee dhoka 45% dhoshigwana shomOndangwa, ngashi ya topolwa paitopolwa yi li iheyali.”Mboka taya popi nokulombwela aantu iinima kayi li mondjila, oya hala okuteya po omalalakano getu ge li mondjila notaga kwathele oshigwana shika shomOndangwa shoka sha pumbwa okukwathelwa noonkondo kutse aaleli.Onkee onda hala okugandja ekumagidho koshigwana kutya inashi etha shi pukithwe.Oshinima shi li po ekondjelo lyOmaulikilo ngaka.Inaga halikila OoKauna nooyakwawo.Onkee oshigwana inashi etha nande shi pukithwe niifundja nokweetha oshinima shasho oshiwanawa shi kuthwe po ashike ngawo,” Meya Nashandi ta ti ngaaka.Ta gwedha po kutya ye mOmaulikilo moka oku li mokati kayakwawo mbeyaka 99 ye na Oosheya moka nota mono ashike okapambu ke ngashi ngaa yakwawo mboka 99 taye ka mono.”Oshinima shokutya Kauna oha mono Oopelesenda 55 adhihe dhiimaliwa tayi zi mOmaulikilo moka, iifundja yowala.Operesenda ndhoka ohadhi topolwa mokati kiilyo mbyoka 99 ya kutha oosheya mOmaulikilo ngaka,” Meya ta yelitha ngawo.Nashandi ta ti wo kutya ota lombwele oshigwana, unene tuu sha Ndangwa nokutya Omaulikilo ngaka gopaipindi ga Ndangwa nuumvo otaga ka kala ko okuza eti 27 Apilili sigo 5 Mei 2007 mpoka ngaaka ga li omvula ya zi ko.mOlyomakaya ngaka twa thinda ota ti kutya otaku ka kala Osumina ya dhengambanda yokugongela oshimaliwa shi na sha nokuka enditha nawa Omaulikilo ngaka momasiku ngoka ga tumbulwa metetekelo.Meme Nashandi ta tseyitha kutya Omulikilo gawo gOpaipindi gonuumvo otaga ka egululwa meti 3 Mei 2007 kOministeli Onkuluntu tate Nahas Angula nota ningi eindilo enene lya thinda moshigwana shi ye momangathithi komaulikilo gasho gopaipindi ngaka noshiye wo shi pulakene kOministeli Onkuluntu sho tayi popi kombinga yOmaulikilo gOpaipindi ga Ndangwa nosho wo kombinga yemona lyoshilongo muukwalukehe.Oonakushangela kOshifo shika otaya ti kutya Elelo lya Ndangwa lya tulwa mOkatoo ku Meya gwalyo Kauna Nashandi.”Omvula ya zile ko otwa ningile Omaulikilo gOpaipindi mOndangwa, tatu lombwelwa ku Meya Nashandi kutya Elelo lya Ndangwa mOmaulikilo ngoka oli na mo Oopelesenda 55 omanga oshigwana shi na mo Ooperesenda 45.Nani okatoo kowala, Elelo lyOndangwa kali na mo sha.Oopelesenda 55% odha Meya ashike ye mwene.Shigwana kotoka nee natango waa gandje oshimaliwa shoye moshinima shopaumwene,” taya ti ngawo mombapila ndjoka ya shangela ko The Namibian omasiku ngaka.The Namibian okwa ningi ekwatathano na Meya gwOndangwa Priskila Kauna Nashandi, ngoka ta ti omapopyo kutya shoka tashi popiwa kutya Omaulikilo gopaipindi ga Ndangwa oge kashi shi shoshili.”Omaulikilo ngaka oga totwa po kutse, oshigwana shomOndangwa noge li goshigwana shomOndangwa goku yambula po onkalonawa yoshigwana shomOndangwa,” Nashandi ta ti ngawo nokutsikila ko kutya oshoshili, pethimbo ndika Elelo lyOndangwa kali mo mOmaulikilo ngaka, ano kali na mo osheya yasha, olyi ikutha mo lyolyene.Ashike nee, Nashandi ta yelitha kutya Oopelesenda ndhoka dhi li 55, kadhi shi dhe, ihe odhiilyo mbyoka ya kutha Oosheya mOmaulikilo giipindi ngaka ga Ndangwa.Ano gaakuthisheya ye li 99 lwaampoka mwa kwatelwa Ehangano lyoomeme lyedhina Eudafano, omanga nee dhoka 45% dhoshigwana shomOndangwa, ngashi ya topolwa paitopolwa yi li iheyali.”Mboka taya popi nokulombwela aantu iinima kayi li mondjila, oya hala okuteya po omalalakano getu ge li mondjila notaga kwathele oshigwana shika shomOndangwa shoka sha pumbwa okukwathelwa noonkondo kutse aaleli.Onkee onda hala okugandja ekumagidho koshigwana kutya inashi etha shi pukithwe.Oshinima shi li po ekondjelo lyOmaulikilo ngaka.Inaga halikila OoKauna nooyakwawo.Onkee oshigwana inashi etha nande shi pukithwe niifundja nokweetha oshinima shasho oshiwanawa shi kuthwe po ashike ngawo,” Meya Nashandi ta ti ngaaka.Ta gwedha po kutya ye mOmaulikilo moka oku li mokati kayakwawo mbeyaka 99 ye na Oosheya moka nota mono ashike okapambu ke ngashi ngaa yakwawo mboka 99 taye ka mono.”Oshinima shokutya Kauna oha mono Oopelesenda 55 adhihe dhiimaliwa tayi zi mOmaulikilo moka, iifundja yowala.Operesenda ndhoka ohadhi topolwa mokati kiilyo mbyoka 99 ya kutha oosheya mOmaulikilo ngaka,” Meya ta yelitha ngawo.Nashandi ta ti wo kutya ota lombwele oshigwana, unene tuu sha Ndangwa nokutya Omaulikilo ngaka gopaipindi ga Ndangwa nuumvo otaga ka kala ko okuza eti 27 Apilili sigo 5 Mei 2007 mpoka ngaaka ga li omvula ya zi ko.mOlyomakaya ngaka twa thinda ota ti kutya otaku ka kala Osumina ya dhengambanda yokugongela oshimaliwa shi na sha nokuka enditha nawa Omaulikilo ngaka momasiku ngoka ga tumbulwa metetekelo.Meme Nashandi ta tseyitha kutya Omulikilo gawo gOpaipindi gonuumvo otaga ka egululwa meti 3 Mei 2007 kOministeli Onkuluntu tate Nahas Angula nota ningi eindilo enene lya thinda moshigwana shi ye momangathithi komaulikilo gasho gopaipindi ngaka noshiye wo shi pulakene kOministeli Onkuluntu sho tayi popi kombinga yOmaulikilo gOpaipindi ga Ndangwa nosho wo kombinga yemona lyoshilongo muukwalukehe.