Ondando yepungu ya londo

EPUNGU olindji olya falwa piigandhi yokupungula epungu moSouth Africa oshiwike sha yi.

Otaku tiwa oshilongo shoka osha tegelela eteyo enene lyepungu konima yomimvo omilongo ndatu dha piti, naashika osha tilika kutya aalongi yepungu ita ya ka longa we iilya mbika ngele, epungu ndyoka lya pitilila ina li monenwa aalandi pondje yoshilongo.Oku falwa kwepungu piigandhi yi ili no yi ili moshilongo shoka okwa londo sigo opootona oomiliona 2 513 okuza pootona oomiliona 1606 oshiwike sha yi, pauyelele wa zi kehangano lya SAGrain Information Services. Epungu etokele ndyoka lya falwa kiigandhi olya londo sigo ootona oomiliona 1 403 okuza pootona omayovi 883 000, omanga epungu eshunga lya londo okuya pootona oomiliona 1 110 okuza pootona 723 000.Ondando yepungu etokele oya li oodola 1 070 motona yimwe, omanga ndjoka yepungu eshunga oya li pombanda kashona sho otona yimwe ya pula oodola 1 118.