Ondama ya Hardap nayi longwe mbala

Ondama ya Hardap nayi longwe mbala

O MISA odhi itsuwa dha tenda mekuma lyondama ya Hardap, notadhi pumbiwa okulongwa ong’oshinima sha endelela, omakonakono gaatseyinawa osho ga ulike ngaaka omasiku ngaka.

Omakonakono ngoka oga li ga ningwa omumvo gwa zi ko opo ku kwashilipalekwe egameno nekalekopo lyondamba ndjoka. Ondama ndjoka yi li konyala ookilometa 17 muumbugantu wondoolopa ya Malinda, oya kala nokweeta efundja ngele ya patululwa mu ze gamwe.Omumvo gwa zi ko, Aamalinda oya li ya dhengwa kefundja ndyoka lya faalele nokuli oomwenyo nokuhanagula po omaliko moshitopolwa shoka.Konima yefundja lyomumvo gwa zi ko, ookampani dhokukwashilipaleka omaliko odha ningi etokolo lyokwaakwashilipaleka we omaliko momalukanda gomuuninginino wondoolopa ya Malinda konima sho ga futu konyala oshimaliwa shi vulithe poomiliyuna omilongo hetatu (N$80 million).Oshimaliwa shoka osha li sha futwa aantu mboka ya li ya kwashilipaleka omaliko gawo konima sho ga hanagulapo kefundja omumvo ngoka.Opwa kala omapopyo ogendji mondoolopa ndjoka yomuumbugantu woshilongo kutya ekuma lyondama ya Hardap ndjoka ya tungilwe momumvo 1963 olya tenda omisa.Ehangano egandji lyomeya lya NamWater ndyoka olyo tali kondolola ondama ndjoka olya kala nokweekelahi omapopyo ngoka kutya ekuma lyondama ndjika olya tenda omisa.Nando ongaaka, omakonakono ngoka ga ningwa kehangano lya WRC Consulting Engineers mewililo lyOmuprofesori A Rooseboom oga holola puuyelele kutya ekuma lyondama ndjoka oli na omisa konyala koombinga adhike.Omuniilonga gwa NamWater gwedhina W Du Plesses okwa li wo gumwe gwomosipana ndjoka ya li tayi ningi omakonakono nOmuprofesori Rooseboom pondama mpoka.Olopota ndjoka yi li wo momake goThe Namibian otayi popi kutya omisa ndhoka nadhi longwe ong’oshinima sha endelela.Pauyelele wa NamWater kombinga yowindji womeya moondama dhe, ondama ndjika oyi na omeya gooopelesenda 53 pethimbo ndika.Olopota tayi popi wo kutya omisa dhimwe ndhoka dhi li pevi odhi iwetikile kukehe.Olopota tayi tsikile ngeyi kutya ondama oyi na okulongwa opo ku vule okuyandwa omafundja omenene.Olopota oya thaneke ngeyi kutya omeya mondama ndjika naga kale owala ge li poopelesenda 70 oshinima shoka NamWater a zimina nale nokuli.Aniwa omisa dhimw mondama ndjoka odha etithwa kefundja.Uupyakadhi Ngele ondama ndjika oya teka nenge tutye oya yonuuka, konyala aantu ye li pokati ko 2 045 no 2 075 oye li moshiponga oshinene, omanga oshimaliwa shoka tashi ka longithwa monkalo ndjoka ya nyika oshiponga ngele ondama oya yonuuka, tashi ka kala shi li pokati koomiliyuna/N$100 000 noomiliyuna/N$150 000, olopota tayi popi ngaaka.Iimaliwa yilwe mbyoka tayi ka longithwa ihe hameukililo naanaa okwa tengenekwa tayi ka kala pokat koomiliyuna oondola/N$500 000 noomiliyuna oondola/N$750 000.Iilonga yotango yenawapeko lyondama ndjika oya li ya manithawa momumvo 1996.Iilonga mbyoka oyo ya li yotango mokukambadhala okukaleka po egameno kombinga yondama ndjika.Pethimbo ndyoka momasiku 26 Juli – mondama ndjika omwali owala omeya goocubic meta 4,5.Olopota ndjika oya li ya pewa aakuthimbinga ayehe moshinima shika, mwakwatelwa wo NamWater sha ningilwe mu Novemba omumvo gwa zi ko.Omunambelewa Omukuluwiliki gwa Muni gwa Malinda, Paul Nghiwilepo okwa tindi okugandja okomenda ye mEtitatu lyoshiwike shika kombinga yolopota ndjika.Ta popi kutya Muni okwa konga uuyelele kombinga yiinima yontumba, nuuyelele mboka itau vulu okugandja moshigwana pethimbo ndika.Omugandjimulombo gwaNamWater John Shigwedha ina yamukula natango komapulo goThe Namibian kombinga yolopota ndjika pethimbo oshinyolwa shika tashi yi koshinyanyangidho.Okwa tegelelwa aantu ye ki ikenyene komayego mEtitatu lyoshiwike tashi pethimbo aakwashigwana yomondoolopa ya Malinda taya ka pewa uuyelele kombinga yolopota ndjika.Ondama ndjoka yi li konyala ookilometa 17 muumbugantu wondoolopa ya Malinda, oya kala nokweeta efundja ngele ya patululwa mu ze gamwe.Omumvo gwa zi ko, Aamalinda oya li ya dhengwa kefundja ndyoka lya faalele nokuli oomwenyo nokuhanagula po omaliko moshitopolwa shoka.Konima yefundja lyomumvo gwa zi ko, ookampani dhokukwashilipaleka omaliko odha ningi etokolo lyokwaakwashilipaleka we omaliko momalukanda gomuuninginino wondoolopa ya Malinda konima sho ga futu konyala oshimaliwa shi vulithe poomiliyuna omilongo hetatu (N$80 million).Oshimaliwa shoka osha li sha futwa aantu mboka ya li ya kwashilipaleka omaliko gawo konima sho ga hanagulapo kefundja omumvo ngoka.Opwa kala omapopyo ogendji mondoolopa ndjoka yomuumbugantu woshilongo kutya ekuma lyondama ya Hardap ndjoka ya tungilwe momumvo 1963 olya tenda omisa.Ehangano egandji lyomeya lya NamWater ndyoka olyo tali kondolola ondama ndjoka olya kala nokweekelahi omapopyo ngoka kutya ekuma lyondama ndjika olya tenda omisa.Nando ongaaka, omakonakono ngoka ga ningwa kehangano lya WRC Consulting Engineers mewililo lyOmuprofesori A Rooseboom oga holola puuyelele kutya ekuma lyondama ndjoka oli na omisa konyala koombinga adhike.Omuniilonga gwa NamWater gwedhina W Du Plesses okwa li wo gumwe gwomosipana ndjoka ya li tayi ningi omakonakono nOmuprofesori Rooseboom pondama mpoka.Olopota ndjoka yi li wo momake goThe Namibian otayi popi kutya omisa ndhoka nadhi longwe ong’oshinima sha endelela.Pauyelele wa NamWater kombinga yowindji womeya moondama dhe, ondama ndjika oyi na omeya gooopelesenda 53 pethimbo ndika.Olopota tayi popi wo kutya omisa dhimwe ndhoka dhi li pevi odhi iwetikile kukehe.Olopota tayi tsikile ngeyi kutya ondama oyi na okulongwa opo ku vule okuyandwa omafundja omenene.Olopota oya thaneke ngeyi kutya omeya mondama ndjika naga kale owala ge li poopelesenda 70 oshinima shoka NamWater a zimina nale nokuli.Aniwa omisa dhimw mondama ndjoka odha etithwa kefundja. Uupyakadhi Ngele ondama ndjika oya teka nenge tutye oya yonuuka, konyala aantu ye li pokati ko 2 045 no 2 075 oye li moshiponga oshinene, omanga oshimaliwa shoka tashi ka longithwa monkalo ndjoka ya nyika oshiponga ngele ondama oya yonuuka, tashi ka kala shi li pokati koomiliyuna/N$100 000 noomiliyuna/N$150 000, olopota tayi popi ngaaka.Iimaliwa yilwe mbyoka tayi ka longithwa ihe hameukililo naanaa okwa tengenekwa tayi ka kala pokat koomiliyuna oondola/N$500 000 noomiliyuna oondola/N$750 000.Iilonga yotango yenawapeko lyondama ndjika oya li ya manithawa momumvo 1996.Iilonga mbyoka oyo ya li yotango mokukambadhala okukaleka po egameno kombinga yondama ndjika.Pethimbo ndyoka momasiku 26 Juli – mondama ndjika omwali owala omeya goocubic meta 4,5.Olopota ndjika oya li ya pewa aakuthimbinga ayehe moshinima shika, mwakwatelwa wo NamWater sha ningilwe mu Novemba omumvo gwa zi ko.Omunambelewa Omukuluwiliki gwa Muni gwa Malinda, Paul Nghiwilepo okwa tindi okugandja okomenda ye mEtitatu lyoshiwike shika kombinga yolopota ndjika.Ta popi kutya Muni okwa konga uuyelele kombinga yiinima yontumba, nuuyelele mboka itau vulu okugandja moshigwana pethimbo ndika.Omugandjimulombo gwaNamWater John Shigwedha ina yamukula natango komapulo goThe Namibian kombinga yolopota ndjika pethimbo oshinyolwa shika tashi yi koshinyanyangidho.Okwa tegelelwa aantu ye ki ikenyene komayego mEtitatu lyoshiwike tashi pethimbo aakwashigwana yomondoolopa ya Malinda taya ka pewa uuyelele kombinga yolopota ndjika.

Stay informed with The Namibian – your source for credible journalism. Get in-depth reporting and opinions for only N$85 a month. Invest in journalism, invest in democracy –
Subscribe Now!

Latest News