Omvula ya eta uupyakadhi mOvenduka

O MANGA oyendji unene tuu komavi giimpungu taya popi nokuyitanga kutya; oondjoka tiingumu tayi tsu omuthindo mOmbwela, niiloke omapongo twaakayake oondjendi twaakagume shomuntu, oyamwe otaya lili mpaka naampeyaka.

Omvula onene ndjoka ya loko omasiku ga zi ko oya yonagula omaliko nokuthiga Aavenduka yamwe yaana omalukalwa konima sho omagumbo ga yeulwa komvula ongulohi mEtitano lya zi ko. Nando nee aakalimo yomu Acacia muuninginino wa Venduka oya li ya uvanekelwa kutya oshinima shefundja itashi ka dhenga we omagumbo gawo oshikando oshitiyali, oyi iyadha ishewe kohi yomeya oshiwike sha zi ko.Konyala omagumbo ge vulithe pomilongo ndatu (30) oga yi kohi yomeya konima sho omulonga gwa Arebbusch gwa ndwafuka ishewe potundi onti 17h00 mEtitano lya z ko.Omakuma gomalugumbo, iihauto nomaliko galwe oya yonagulwa komeya, naantu oyendji oya li taya monika momapandaanda niinima yawo pomake.Momasiku 16 Januali 2004 omagumbo gaakalimo yomuAcacia oga li ga kungulululwa kefundja lya faathana noya li ya uvanekelwa kehangano etungi lyedhina Donnic Construction nosho wo ku Muni gwa Venduka kutya itaya ka dhengwa we mbala kefundja lya faathana.Mwene gokampani ndjika yedhina Donnic Construction Nic Pienaar okwa popi mOsoondaha kutya inaku tegelelwa a kale a futa nando osha aantu mboka omaliko gawo ga yonagulwa komeya gefundja ngaashi a li eshi ningile oshikando sha zile ko.Ta ti efundja olya etwa owala komulonga gwa Arebbusch ngoka gu udha komufwanya noku ndwafuka.Ta ti wo kutya naakalimo yalwe mboka ye li pomunkulo gwomulonga nguka pehala lya Pioneerspark na Hochland Park oya gumwa wo kefundja ndika nomaliko gawo oga ehamekwa.”Itandi wapa we okuninga ngaaka (okufuta mboka ya kanitha omaliko gawo).Otandi ka kanitha oshindji ethimbo kehe omulonga tagu ndwafuka.Itandi vulu okukala noshinakugwanithwa shoka monkalamwenyo yandje ethimbo kehe omulonga tagu ndwafuka,” Pienaar ta lombwele ngaaka The Namibian.Oshikando shika omulonga ogwa ndwafuka owala.”Pienaar ngoka wo e na egumbo po Acacia okwa ti ishewe ngeyi kutya Donnic Construction okwa gandja nale oshinakugwanithwa shokutunga oondjila ku Muni gwa Venduka na ke na we oshinakugwanithwa sha sha.Aakalimo yomuAcacia mboka ya popiwa nayo ko The Namibian oya hokolola ngeyi kutya inaya mona nando omuntu gumwe okuza kokampani ndjika opo a popye nayo kombinga yaashoka shi na okuningwa po.Ongula yOlyomakaya, Omukuluntuwiliki gwa Muni gwa Venduka, Niilo Taapopi, okwa li a talelepo omagumbo ngoka ga dhengwa kefundja mu Acacia pethimbo aantu taya opaleke nokugongela iinima yawo mbyoka ya halakanithwa komvula.Okwa adha aakalimo taya kombo oontantya (omanono) momagumbo gawo.Taya kwathelwa kEtanga lyEgameno lya Namibia, aakaniilonga yehangano lyakadhimamulilo oya li taya monika yi ipyakidhila nokutula ooshako dhomav pomagumbo mu Acacia nelalakano okusitopa efundja ngele tali ya ishewe.Omugandjimulombo gwa Muni Liz Sibindi okwa popi mOsoondaha kutya enene-lalakano lya Muni okugamena oomwenyo dhaakalimo nomaliko gawo, noshinima shefundja otashi kundathanwa mOmaandaha.”Kashi shi owala Muni ngoka e na andola okutya sha ihe naatungi wo.Inatu hala manga okwiiyulika ominwe kutya olye e na epuko.Otwa hala manga okuhupitha oomwenyo dhaantu, nokonima otatu ka tala nee kutya oshinima shika otashi kandulwa po ngiini,” Sibindi ta popi.Nando omumvula mbali dha zi ko kwa li kwa ningwa euvaneko kutya otaku ka tungwa omakuma gokukwatelakomeho omeya kaaga ye momagumbo moka, aakalimo inaya hala naanaa okukatuka oonkatu dhipaveta moshinima shika.Oyendji yomaantu mboka ya li ga gumwa kefundja oshikando sha zi ko inaya gumwa naanaa nuumvo.Aakalimo yamwe mboka ya li ya geya noonkondo oya lombwele The Namibian kutya oya hala okuka kundathana noombaanga opo ya ka ekelehi ooloona ndhoka ya kutha.Oye na wo ehalo okukapomba oombaanga dhawo molwashoka dha gandja ooloona momaliko inaga tungwa puuwanawa.Otashi vulika wo aantu yamwe ya ka katukile ehangano etungi lyomagumbo ngoka pamwe na Muni oonkatu dhopaveta.Muni okwa popi ngeyi kutya okwa yakula oongodhi kumwe dhi li 23 okuza kOkuryangava, Hakahana, Otjomuise, Hockland Park nosho wo Pioneerspark Extension, aantu ayehe mboka oya li taya lili ekwatho ongulohi yEtitano.Omanga aantu pu Acacia ya li taya kambadhala okulondeka iinima mbyoka taya vulu miihauto yookuume mbyoka ya li po, aanambelewa ya Muni mboka ya thiki mpoka tango ongulohi yEtitano oye ya pe omayele ya kale ya thigapo omagumbo gawo.Omvula ndjoka loko okutameka mEtitatu lyoshiwike sha zi ko, oya falitha aakalimo ye li 130 okuza molukanda lwa Dolam mu Katutura ya tulwe momatungo gOkapale ketanga lyokoompadhi ka Sam Nujoma Stadium molwashoka omagmbo gawo oga yeulwa komvula.Ombelewa yokumeta omvula mOvenduka oya popi kutya po Hochland Park opwa lokwa omvula yoomilimeta 80 mEtine omanga po Suiderhof pwa lokwa omvula yoomilimeta 85 mEtitano.Nando nee sigo onuumvo ehanagulo lyomaliko inali tumbulwa natango kutya oli thike peni, momumvo 2004 okwa li kwa popiwa kutya omaliko gongushu yoomiliyuna hamano (N$6 million) ga kana.Nando nee aakalimo yomu Acacia muuninginino wa Venduka oya li ya uvanekelwa kutya oshinima shefundja itashi ka dhenga we omagumbo gawo oshikando oshitiyali, oyi iyadha ishewe kohi yomeya oshiwike sha zi ko.Konyala omagumbo ge vulithe pomilongo ndatu (30) oga yi kohi yomeya konima sho omulonga gwa Arebbusch gwa ndwafuka ishewe potundi onti 17h00 mEtitano lya z ko.Omakuma gomalugumbo, iihauto nomaliko galwe oya yonagulwa komeya, naantu oyendji oya li taya monika momapandaanda niinima yawo pomake.Momasiku 16 Januali 2004 omagumbo gaakalimo yomuAcacia oga li ga kungulululwa kefundja lya faathana noya li ya uvanekelwa kehangano etungi lyedhina Donnic Construction nosho wo ku Muni gwa Venduka kutya itaya ka dhengwa we mbala kefundja lya faathana.Mwene gokampani ndjika yedhina Donnic Construction Nic Pienaar okwa popi mOsoondaha kutya inaku tegelelwa a kale a futa nando osha aantu mboka omaliko gawo ga yonagulwa komeya gefundja ngaashi a li eshi ningile oshikando sha zile ko.Ta ti efundja olya etwa owala komulonga gwa Arebbusch ngoka gu udha komufwanya noku ndwafuka.Ta ti wo kutya naakalimo yalwe mboka ye li pomunkulo gwomulonga nguka pehala lya Pioneerspark na Hochland Park oya gumwa wo kefundja ndika nomaliko gawo oga ehamekwa.”Itandi wapa we okuninga ngaaka (okufuta mboka ya kanitha omaliko gawo).Otandi ka kanitha oshindji ethimbo kehe omulonga tagu ndwafuka.Itandi vulu okukala noshinakugwanithwa shoka monkalamwenyo yandje ethimbo kehe omulonga tagu ndwafuka,” Pienaar ta lombwele ngaaka The Namibian.Oshikando shika omulonga ogwa ndwafuka owala.”Pienaar ngoka wo e na egumbo po Acacia okwa ti ishewe ngeyi kutya Donnic Construction okwa gandja nale oshinakugwanithwa shokutunga oondjila ku Muni gwa Venduka na ke na we oshinakugwanithwa sha sha.Aakalimo yomuAcacia mboka ya popiwa nayo ko The Namibian oya hokolola ngeyi kutya inaya mona nando omuntu gumwe okuza kokampani ndjika opo a popye nayo kombinga yaashoka shi na okuningwa po.Ongula yOlyomakaya, Omukuluntuwiliki gwa Muni gwa Venduka, Niilo Taapopi, okwa li a talelepo omagumbo ngoka ga dhengwa kefundja mu Acacia pethimbo aantu taya opaleke nokugongela iinima yawo mbyoka ya halakanithwa komvula.Okwa adha aakalimo taya kombo oontantya (omanono) momagumbo gawo.Taya kwathelwa kEtanga lyEgameno lya Namibia, aakaniilonga yehangano lyakadhimamulilo oya li taya monika yi ipyakidhila nokutula ooshako dhomav pomagumbo mu Acacia nelalakano okusitopa efundja ngele tali ya ishewe.Omugandjimulombo gwa Muni Liz Sibindi okwa popi mOsoondaha kutya enene-lalakano lya Muni okugamena oomwenyo dhaakalimo nomaliko gawo, noshinima shefundja otashi kundathanwa mOmaandaha.”Kashi shi owala Muni ngoka e na andola okutya sha ihe naatungi wo.Inatu hala manga okwiiyulika ominwe kutya olye e na epuko.Otwa hala manga okuhupitha oomwenyo dhaantu, nokonima otatu ka tala nee kutya oshinima shika otashi kandulwa po ngiini,” Sibindi ta popi.Nando omumvula mbali dha zi ko kwa li kwa ningwa euvaneko kutya otaku ka tungwa omakuma gokukwatelakomeho omeya kaaga ye momagumbo moka, aakalimo inaya hala naanaa okukatuka oonkatu dhipaveta moshinima shika.Oyendji yomaantu mboka ya li ga gu
mwa kefundja oshikando sha zi ko inaya gumwa naanaa nuumvo.Aakalimo yamwe mboka ya li ya geya noonkondo oya lombwele The Namibian kutya oya hala okuka kundathana noombaanga opo ya ka ekelehi ooloona ndhoka ya kutha.Oye na wo ehalo okukapomba oombaanga dhawo molwashoka dha gandja ooloona momaliko inaga tungwa puuwanawa.Otashi vulika wo aantu yamwe ya ka katukile ehangano etungi lyomagumbo ngoka pamwe na Muni oonkatu dhopaveta.Muni okwa popi ngeyi kutya okwa yakula oongodhi kumwe dhi li 23 okuza kOkuryangava, Hakahana, Otjomuise, Hockland Park nosho wo Pioneerspark Extension, aantu ayehe mboka oya li taya lili ekwatho ongulohi yEtitano.Omanga aantu pu Acacia ya li taya kambadhala okulondeka iinima mbyoka taya vulu miihauto yookuume mbyoka ya li po, aanambelewa ya Muni mboka ya thiki mpoka tango ongulohi yEtitano oye ya pe omayele ya kale ya thigapo omagumbo gawo.Omvula ndjoka loko okutameka mEtitatu lyoshiwike sha zi ko, oya falitha aakalimo ye li 130 okuza molukanda lwa Dolam mu Katutura ya tulwe momatungo gOkapale ketanga lyokoompadhi ka Sam Nujoma Stadium molwashoka omagmbo gawo oga yeulwa komvula.Ombelewa yokumeta omvula mOvenduka oya popi kutya po Hochland Park opwa lokwa omvula yoomilimeta 80 mEtine omanga po Suiderhof pwa lokwa omvula yoomilimeta 85 mEtitano.Nando nee sigo onuumvo ehanagulo lyomaliko inali tumbulwa natango kutya oli thike peni, momumvo 2004 okwa li kwa popiwa kutya omaliko gongushu yoomiliyuna hamano (N$6 million) ga kana.