Omuwiliki gOtjinene a uvaneke

OMUWILIKI gwoshikandjohogololo shOtjinene okwa indile MTC opo a dhike po ishewe etenda limwe lyoongodhi moshikandjohogololo she opo ndika li gandje omakwatathano koshikandjo ashihe.

Esegiel Toromba okwa uvanekele MTC ongombe nokatana ngele ehangano olya dhike oshungo shoka, pOtjiuaneho nopOmungondo.Okwa ti yo oya pumbwa natango ooshungo ndhoka mbali pomahala ngoka. Toromba okwa popi ndhika pethimbo lyeegululo pambelewa lyoshungo yo MTC pomukunda gwOkotjivango. Oshungo ndjika ompe otayi gandja omakwatathano ge na oonkondo, na ota yi pe woo aalongithi yointernet ekwatathano ewanawa lyopa internet, uuwanawa mboka kaawa lipo manga oshungo ndjika iinayi tungwa.Okwa ti oya pandula iilongitho mbyoka ya tungwa , ndele natango omolwa ompumbwe yo oya hala natango okugwedhelwa yimwe ngele shika otashi vulika.Oshoka natango oshitopolwa oshindji noshinene pOtjinene ina shi gumwa natango komakuthikuthi ga MTC.Okwa kwashilipaleke MTC kutya oshitopolwa she otashi ka gandja evi lyoshali kehangano opo li dhike po ooshungo dhomakwatathano.Oshikandjohogololo shOtjinene oshina aakalimo ya konda pomayovi 10000.Toromba okwa uvaneke ishewe kutya otaya ka sila nawa oshimpwiyu omahala noshungo ndjoka ya dhikilwa naandhoka tadhi ka dhikwa po mona- kuyiwa.Omuwiliki gwomakwatathano gwa MTC, Albertus Aochamub, okwa ti eindilo lya Toromba ota li pulakenwa, nongele opena oshimaliwa ota li ka taambwa ko nokumonenwa eyamukulo ewanawa. Oshoka elalakano l ya MTC oku gandja omayakulo kaantu ayehe moshilongo.