Omuugundjuka ngoka a tetagula yina nomakatana momukunda Ehafo osho a kwatwa po kOpolisi

O MUMATI gwoomvula 28 gwomomukunda Ehafo mOndonga moshitopolwa sha Shana ngoka ongulohi yOlyomakaya ge ti 11 Maalitsa 2006 a tetagula yina Meschtilde Martin gwoomvula 58 nomakatana, te mu pula oshimaliwa she shOoN$100 nokufadhuka po, osho a kwatwa kOpolisi.

Omupopiliko gwOpolisi mOshitopolwa sha Shana Konstabela Christina Fonsech ta lombwele The Namibian mOshakati mEtitatu ndika lya zi ko kutya oya kwata po omulumentu gwedhina Klemens Lenga Simon gwoomvula 28, ngoka ya lombwelelwe kutya oye a tetagula yina Meschtilde nomakatana ongulohi yOlyomakaya ga zi ko momukunda Omafo mOndonga mOshitopolwa sha Shana. Konstabela Fonsech ta ti kutya omumati nguka oye mu kwatela pOmatala ga Shakati omutenya gwEtiyali ndika lya zi ko.Otaku tiwa kutya Klemens, okwa kala a gandja oshimaliwa she ku yina Meschtilde shOoN$100, e shi mu kwatele.Ongulohi yOlyomakaya ga zi ko kwatoka lela , Klemens okwa zi hoka a li a kashinga.Te ya ta pendula mo yina mondjugo moka a adhika a lala a kotha.Te mu pula e mu pe oshimaliwa she shoka shOodola ethele limwe.Yina okwe mu pula kutya okwa hala e ke shi longithe shike.Klemens aniwa okwa kala a shike ta tengele yina omunwe kutya ne mu pe oshimaliwa she shoka.Yina sho a tsikile ina hala oku shi mu pa, unene te mu pula kutya okwa hala oku shi fala peni uusiku wuthike mpoka, Klemens okwa yi ta kutha ekatana nokutameka ta tetagula yina ngawo.Yina sho a gwile po, okwa kutha aniwa omulilo nokutomeka ondunda ya yina yuupungulo nayimwe ya li pooha dhaandjoka nodha pi po thiluthilu.Otaku tiwa kutya okwa fadhuka po.Okwa ithanwa omusamane gwomushiinda shawo tate Abisai Kanenguni, ngoka a kutha meme Meschtilde noku mu fala koshipangelo shEpangelo sha Shakati hoka a kala ta pangwa.Ngashiingeyi otaku tiwa kutya oku li po hwepo lela.Aagandja meme Meschtilde yamwe oya yi kOpolisi nokulopota oshiningwanima shika.Opolisi tayi yi ko yi ka konaakone nokukwata po ngeno Klemens.Ashike sho ya yi ko kEhafo hoka mOsoondaha ye ti 12 Maalitsa 2006, oya adhele kwa lokwa nawa noya dhama miishana moka.Oya kala nee tayi kongo Klemens nguka noye mu kwata nee mEtiyali lya zi ko, ye mu adha pOmatala ga Shakati mOshakati.Konstabela Fonsech ota ti kutya Klemens okwa patululilwa oshipotha shonkembadhala yedhipago noshefiko.Okwa holokele mEtitatu mOmpangu ya Mangestrata pOndangwa.Ina pulwa a tye sha manga noshipotha she oshuundulilwa komeho.Ina pewa manga eifutilemo mondholongo.Konstabela Fonsech ta ti kutya omumati nguka oye mu kwatela pOmatala ga Shakati omutenya gwEtiyali ndika lya zi ko.Otaku tiwa kutya Klemens, okwa kala a gandja oshimaliwa she ku yina Meschtilde shOoN$100, e shi mu kwatele.Ongulohi yOlyomakaya ga zi ko kwatoka lela , Klemens okwa zi hoka a li a kashinga.Te ya ta pendula mo yina mondjugo moka a adhika a lala a kotha.Te mu pula e mu pe oshimaliwa she shoka shOodola ethele limwe.Yina okwe mu pula kutya okwa hala e ke shi longithe shike.Klemens aniwa okwa kala a shike ta tengele yina omunwe kutya ne mu pe oshimaliwa she shoka.Yina sho a tsikile ina hala oku shi mu pa, unene te mu pula kutya okwa hala oku shi fala peni uusiku wuthike mpoka, Klemens okwa yi ta kutha ekatana nokutameka ta tetagula yina ngawo.Yina sho a gwile po, okwa kutha aniwa omulilo nokutomeka ondunda ya yina yuupungulo nayimwe ya li pooha dhaandjoka nodha pi po thiluthilu.Otaku tiwa kutya okwa fadhuka po.Okwa ithanwa omusamane gwomushiinda shawo tate Abisai Kanenguni, ngoka a kutha meme Meschtilde noku mu fala koshipangelo shEpangelo sha Shakati hoka a kala ta pangwa.Ngashiingeyi otaku tiwa kutya oku li po hwepo lela.Aagandja meme Meschtilde yamwe oya yi kOpolisi nokulopota oshiningwanima shika.Opolisi tayi yi ko yi ka konaakone nokukwata po ngeno Klemens.Ashike sho ya yi ko kEhafo hoka mOsoondaha ye ti 12 Maalitsa 2006, oya adhele kwa lokwa nawa noya dhama miishana moka.Oya kala nee tayi kongo Klemens nguka noye mu kwata nee mEtiyali lya zi ko, ye mu adha pOmatala ga Shakati mOshakati.Konstabela Fonsech ota ti kutya Klemens okwa patululilwa oshipotha shonkembadhala yedhipago noshefiko.Okwa holokele mEtitatu mOmpangu ya Mangestrata pOndangwa.Ina pulwa a tye sha manga noshipotha she oshuundulilwa komeho.Ina pewa manga eifutilemo mondholongo.